استفسار سؤال آلى طلاب فانكوفر....؟

الله يعينك على ظروفك ياخوي وان شا الله ان امورك متيسره .. لكن خذها مني اذا مافيه تاريخ انتهاء او تاريخ محدد للمغادره في بعثتك مالك الا الجهات المختصه .. وصدقني اتصال واحد رايح يحفظ لك الوقت والجهد لانك رايح تلاقي اجوبه مختلفه .. وان كان فيه شي اقدر اساعدك فيه شخصيا امرني

اخوك .. طلال

الله يعطيك ألف الف عافية على الرد السريع اخوي طلال

عندي سؤالين
الاول:انا الحين انتهت فيزتي الي على حسابي الخاص لو رحت للوزارة وطلبت منهم الضمان المالي عشان استخرج فيزا على حساب الدوله يعطوني ولا لا؟؟
الثاني:وش الاوراق المطلوبة عشان يعطوني الضمان المالي؟؟؟

تستاهل وانا اخوك .. الله يعافيك
بمجرد انك مبتعث رايحين يعطونك لانه لازم تضيف الضمان مع اوراقك الباقيه للسفاره الكنديه عند طلب الفيزا.
قرار الابتعاث + اثباتات الهويه .. واي شي يخص البعثه خلك حريص وخذ كل الاوراق وانا اخوك .. من باب الاحتياط

قفله .. بس نصيحه صغيره اعتبرها من اخو لك .. امور البعثه حاول تسئل فيها الجهات المختصه بحكم ان اغلب الشباب تصير لهم قصص مختلفه .. فكلا بيقول اللي صار معه وممكن تلخبط اوراقك خصوصا لو بالملحقيه الكندي .. اغلب الردود على حسب مزاج الموظف.. ولو عندك الف سؤال اسدحهم وباذن الله تلاقي اللي يسرك.

اخوك .. طلال