الى أخي طلال بخصوص الماجستير

العفو ياختي .. للامانه لي الشرف اني اتقدم لمساعدتك لانه ماشالله عليك الله لايضرك كادره من كوادر العباقره السعوديه وهذا شي بسيط اني اسويه لك.
بسم الله ماشالله انتي الجامعات الكنديه وبالاخص البروفسوريه رايحين يتسابقو على قبولك عندهم .. طبعا بعد ماتكملي الاجراءت.. يعني ماشالله معدلك رايح يخليك تحصلي على الافضل باذن الله.
عزيزتي .. انتي تقدري تفتحي ملفك باي جامعه تبينها ومن بعدها يتم التواصل معك عن طريق ايميل خاص يعطونك اياه بعد ماتعبي استمارة التسجيل والدفع.. لكن مابيعطونك قبول الا اذا اتممتي الطلبات .. بمعنى انتي معدلك قوي فتحتاجي التوفل باي طريقه .. بالنسبه للمراسلات وطلبات الجامعه رايحه تكون بالتقسيط يراسلونك على طلب طلب يعني مو كلها بوقت واحد .. رايحه تاخذ وقت طويل وبالشهور لكن ماعليك خوف كملي كلامي ورايحه تلاقي خير ان الله اراد.
بالنسبه لقبول الانقلش سهل جدا من اي جامعه تبينها فقط راسليهم .. اما الماجستير كما ذكرت لك الرد المسبق .. بالنسبه لجراءات البعثه تستطيعي انك تكمليها بقبول لانقلش وهذا اللي الجميع سواه .. يعني يجون لكندا فقط بقبول الانقلش وخلال فترة الانقلش تطلعي القبول ويعطونك سنه ونص بخلال هالفتره اذا جبتي التوفل تاخذي القبول ماجبتيه باذن الله لها طرق ثانيه .. مع اني متاكد انتي منتي بحاجه الى شفاعة الطرق الاخرى لانه رايحه تقدري بخلال 9 شهور تجيبي التوفل .. وبخلال تحضيرك للتوفل تتم مراسلة الجامعه اللي انتي تبيها .. يعني وقت ماتكمل اوراقك الجامعيه ومايبقى الا التوفل وقتها بيكون التوفل بيدك باذن الله.


قفله .. بالنسبه للاجراءات البعثه اعيد واكرر عشان تطمني فقط بقبول الانقلش تتم الاجراءات .. وبالنسبه لنقاطي باذن الله اني متاكد منها .. وصدقيني اختي انتي اللي تستاهلي الشكر على مجهوداتك اللي تقدميها وانتي فعلا قدوه للكثير .. الله يجزاك خير

شطحه .. ياختي بمجرد البروف اللي بيكون مسؤل عنك ويشوف اوراقك وانك مبتعثه رايح يرحب فيك افضل ترحيب .. وفيه احتمال مجرد احتمال مايبالغون بدرجة التوفل المطلوبه.

اخوك .. طلال

شكرا اخي الفاضل على رفع المعنويات ودعمك النفسي لا أراك الله مكروه ولاتنسني من صالح دعائك

العفو ياختي ماسويت الا الواجب .. لكن ياليت توضحي هل الامور وضحت لك الان او لا

وحاضر لاي سؤال من الجميع

اخوك .. طلال

أختي الكريمة ..
السلام عليكم ورحمة الله وبركاته ..
بداية أسمحي لي بالتعليق على موضوعك وطبعا أولا وأخيرا حيكون في مصلحتك الكلام اللي حقوله لك..
معدلك ماشاء الله تبارك الله ممتاز جدا وعقبال ماتجيبي نفس الدرجة وأحسن بالماستر لكن في شيء أبغى أقلك عليه ..
الجامعات الكندية لا تتهافت على أحد والسبب أنها جامعات مدعومة من الحكومة وعددها قليل والطلب عليها كبير ..
أرجوك أن تعتبري مرحلة البكالوريس والمعدل اللي حصلتي عليه أحد الخطوات ولكن يجب عليك معرفة بقية الخطوات حتى يتسنى لك إكمالها والحصول على القبول في النهاية..
وللمعلومية أغلب الجامعات الكندية ماتعطيك قبول مشروط لمرحلة الماستر حتى تكملي كل الطلبات .. طبعا حيأخذوا عليك رسوم الطلب (100 دولار غالبا) وبعدها يقولوا لك إن شرط اللغة غير متوفر .. وإذا جبتيه راح نكمل الإجراءات ..
يعني بالعربي لاتقدمي إلا لمن تكملي المتطلبات ..
طبعا الكلام اللي بقوله أن المعدل لا يوثر في قرار الجامعة من ناحية القبول أو الرفض للطالب مبني على تجربة شخصية لأحد الزملاء معدله فوق الـ 4.7 من 5 تخصص فيزياء وما أنقبل لأنهم طالبين خبرة 5 سنوات في القسم اللي يبغاه ..
يعني لازم تحققي المتطلبات عشان تنقبلي بالجامعة ..
نصيحتي لك أنك تجيبي خطاب من الجامعة أن دراستك الجامعية كانت باللغة الإنجليزية لإنها حتفيدك كثير وممكن تلغي شرط اللغة من المتطلبات ..
بالنسبة لمراسلة أحد الدكاترة للإشراف على دراستك بالماستر فكرة محبذة جدا والسبب أنك حتوفري على الدكتور مبلغ محترم وبدل مايصرفه عليك حيصرفوا على بحوث أخرى .. وطبعا حيحاول يسهل أمور قبولك على قد مايقدر ..
أخيرا بالنسبة للبعثة فلا تشترط وجود القبول الجامعي مع أني سمعت أنهم صاروا يطلبوه بالنسبة للمرحلة الخامسة فيبغالك تتأكدي بنفسك ..
أخيرا أتمنى أكون أفدتك باللي أقدر عليه والمعذرة على المداخلة ..

أخوك
عمدة أدمنتون

[بعد اذنك ياعمده تعليق بسيط بعيدا عن الجدل اذا سمحت لي :
كلامك غير صحيح كليا بدون ماذكر انو فلان جات له وعلان سوا .. الدكتور يبي يوفر على حساب الطلاب وانت ذكرتها بمجمل كلامك
ماكذب تجاربك الشخصيه ياعمده .. لكن كيف المعدل لايؤثر وهو الطلب والركيزه الاولى لطلاب الماستر .. اغلب الطلاب تعبانين بسبب نسبهم .. بس صدقني ياعزيزي اذا معدلك جبار ومسكت للجميع رايحين يجونك بنفسهم لو عرفو .. ابعطيك قصه تكاد لاتهمك لكن من باب التوضيح .. 6 طلاب من جامعة البرتا بعد البكالريوس جتهم رساله من بروف بجامعة تورونتو ارسل لهم التذاكر وتكاليف مدة الاقامه فقط ليرو الجامعه وليس لاكمال الدراسه (يعني يبي يغريهم عشان يجون عنده وهو الكسبان) وانا بنفسي سجلت والله الكثير في البرتا وممكن تعرفهم انت شخصيا ياعمده لان معدلاتهم مرتفعه وجابو التوفل .. وانا لست ضدك القبول صعب وجدا كمان ولكن توضيحي فقط على ان التركيز الاول المعدل.
عزيزي الجامعه ماتدخل باي قرار في التسجيل بما يعني ان القرار ياتي من الدكتور نفسه .. بمعنى ان اي اوراق توصل للجامعه بشكل مباشر تتحول للاطلاع من قبل الدكاتره والي يعجبه الملف ياخذه عنده .. لكن سؤالي لك .. لو انت دكتور وتجيك نسبه زي نسبة الاخت وش رايح يكون موقفك .. بالقليله رايح تطلب منها طلبات لتثبت لك جدارتها .. غير التوفير اللي بتوفره لك.

اتمنى تقبل تعقيبي بصدر رحب

اخوك .. طلال

شكرا لكل من الاخوين العمدة وطلال على تعقكيبكما على موضوعي واهتمامكما ولكن انا لست من مبتعثي المرحلة الخامسة لانني اتبع جامعتي والجامعة تفضل القبول الجامعي تقبلا تحياتي

ياهلا والله ..

طبعا الدكتور يبغى يوفر على حساب الطلاب لكن في شغلة مهمة وأنه في أنظمة وقوانين للجامعة وصعب عليه يتجاهلها مثل مسألة اللغة .. طبعا يقدر يتغاضى عن بعض الأشياء وليس كلها ..

أنا أقول أن المعدل لايفرق في التأثير على الجامعة من ناحية القبول والرفض ..
مثلا إذا في طالبين معدلهم فوق المطلوب ولنقل مثلا 3.2 من 4 وعنده التوفل والثاني 3.8 من 4 وماعنده التوفل ... حيقبلوا مين ؟؟ أكيد اللي معاه التوفل لأنه حقق الشروط ..
وبالنسبة اللي بيعاني من مسألة القبول هم الطلاب اللي معدلهم أقل من المطلوب في الجامعة أو ماحصلوا على درجة التوفل ..
والطلاب اللي جاتهم دعوة من جامعة تورونتو أكيد أنهم محققين الشروط كلها بالإضافة الى أن معدلاتهم عالية ..
والمعدل يكون عامل مساعد لكن بعد تحقيق الشروط ومن ضمنها التوفل .. أي أنه عامل ثانوي في القبول ويأخذ في الإعتبار للمفاضلة بين الطلاب إذا حققوا شروط القبول ..

قرار القبول لمرحلة الدراسات العليا عمره ماجاء من الدكتور نفسه .. الدكتور يكتب توصية للطالب اللي يبغاه ويطلب من الجامعة قبوله .. لكن يجب أن يحقق هذا الطالب شروط الجامعة الرئيسية .. وإلا صار الدكاترة هم اللي يتحكموا بالقبول في الجامعة ..
بالنسبة لوضع الأخت فأقول وأكرر.. في طلاب بنفس حالتها ولم يقبلوا والسبب التوفل .. إذا المعدل شيء طيب لكن بعد تحقيق الشروط الرئيسية .. ونصيحتي لها تنسى موضوع المعدل حاليا لكي لايشوش على تفكيرها وتركز على مرحلة اللغة لتحقق المطلوب وإن شاء الله راح يفيدها المعدل بعد إجتياز شرط اللغة ..
أخوك
عمدة أدمنتون

لا شكر على واجب أختي ..

ومادمتي مبتعثة عن طريق الجامعة وزي ماقلتي أنهم يفضلوا القبول الجامعي ..

أنصحك بمراسلة أحد الدكاترة وإرفاق خطاب من الجامعة يفيد بأن دراستك الجامعية كانت باللغة الإنجليزية وإن شاء الله أمورك حتتسهل ..

أخوك
عمدة أدمنتون

انا هنا نقطة الجدل لانك ذكرت ان المعدل مايفرق .. ولو ترجع لكلامي قلت رايحه تنقبلي بشروط توفير المتطلبات ومنها التوفل شي معروف .
طيب انا بهالنقطه ياعزيزي رايح اختلف معك بحكم تقربي جدا من بروف .. صدقني ياخوي الدكتور لو قال ايه يتم القبول ولو قال لا مستحيل ينقبل .. واعتقد انت بالشطر الثاني رديت على نفسك وهذا الاقتباس
طبعا التوصيه رايح يكون بموجبها بنعم او لا .. وازيدك من الشعر بيت الدكتور يستطيع انه يتنازل عن درجة التوفل من 100 الى 80 وصارت مع اخوي شخصيا ..

عموما اخوي تبادل الاراء انشاء الله انه شي من صالح البنت والله يوفق الجميع.

اخوك .. طلال