عاجل جامعة تومسون ريفرس والقبول فيها؟؟؟؟؟؟

الوالد عمره 73 الله يطول بعمره لي ولاهلي .. وليومك يتندم على ماطلع بعثه لامريكا ايام الثمانينات يوم توفرت له .. بمعنى الفرصه مره بالعمر ياختي .. لو بتفرطي فيها بمجرد مواقف مريتي فيها .. بيجيك يوم تبكي على حالك ..
صراحه مالومك .. بس حاولتي تمسكي هاليد مره ثانيه واهتميتي ولا كله واحد ياالاميره !!
اخوك ماقصر وسوا اللي عليه احتمال تعب شوي .. لكن فكرتي توقفي معه وتشدي من ازره ولا كله طلبات وسوي يافلان وافعل .. وهذا انتي شايفه بعينك ناس متزوجه تدخل وتسئل وضايعه وتتمنى المساعده .. مع اني متاكد اخوك كل اللي يسويه اجتهادات شخصيه وللحين محد مسكه زي مامسك يدك اول .. وبالنسبه للشخصيه اللي تتكلمي عنها عمر الزمن ماوقف على انسان .. عوائل تشتت والى الان عايشه ..
احس اليأس متملكك وصرتي له اسيره .. حاولي تنسي هالشخص وتذكري اول مافكرتي تبتعثي وبالحالك والحماس اللي فيك .. وينه !!

قفله .. الانسان دايم يشوف الاشياء اللي حوله بعين وحده .. مدري تتوقعي لو تفتحي عينك الثانيه تلاقيه ؟!!

اخوك .. طلال

الله يطول بعمره ويخليه لكم وهذا هو بيعوضها في أولاده الله يوفقهم ويخليهم له

:/

جتني هالفرصة وأشوفها تطير وخلص بكينا وقضينا واذا فيها خير بوصل لها


/

شلون امسك هاليد وينها عشان امسكها ماأحب افرض نفسي

/

اي الله يجزاه خير بس يد وحدة ماتصفق بالعكس من البداية ماشية خطوة بخطوة معه
بس صعب لما بعد هذا كله يقول وش تبين بالدراسة براا وبقدم لك بالجامعات اللي هنا وكملي ماستر ودكتوراه وانواع التحطيم بعدين يجي
يقول اذا حصلنا قبول بنروح

يعني تناقض مع تعجيز شلون اجيب القبول والوزارة معقدة والمكتب اللي مسؤل عن ملفي وقبولي متهاوش معه ومايرد علي
/

واللي وقف معي ماقصر الله يعطيه العافية والصحة ويكتب له التوفيق بكل حالاته وللحين جميله فوق راسي ومابنساه اقلها انه فكر يساعدني
الله ييسر له الخير
وخلاص لهنا ومابي شي من اي احد لأني عارفة نفسي وحظي والله لايجعل حاجتنا إلا له سبحانه

/
المشكلة اني عيوني الثنتين تقفلت

/

تشكرااتي