هل أقول بانني في ورطة ؟؟؟ ام لدي اخوان يساعدونني

السلام عليكم
مرحبا اخوي
بالنسبه لسفاره لاتسوي معهم اي اجراء لانهم راح يعقدونك ونتظر فيزتك ولا تغير شي
بالنسبه للمعهد امره بسيط جدا تقدر تغيره باي وقت وحتى لو انك دافع فلوس يرجعونها لك وشفلك اي معهد وبعد ماتتاكد منه راسلهم عن طريق النت لاتروح لمكتب ابد
بالنسبه للمكتب وعموم المكاتب بالسعوديه مايهمهم الطالب اهم شي الفلوس على ايش اخذ منك 2500 القبول يتم عن طريق النت وسهل جدا ولعم قوقل مايقصر بالبحث وكذالك باترجمه اذا مامعك لغه
المكتب الي جابلك القبول جابه عن طريق النت
بكندا مايعترفون بالسمسره واذا راسلتهم انت احسن ويعطونك وجه اكثر من المكتب
موضوعك بسيط جدا واذا انت (مكثر من الفول)ولا تعرف شي لا تسو شي اذا جيت بالسلامه غير المعهد وفرصه تزور المعهد وتتعرف عليه قبل تسجل بس بتتاخر بفتح الملف حتى تسجل وهذا يعتمد على المعهد الي بتسجل فيه المعاهد المستقله(التجاريه) كل اسبوع فيه تسجيل وبدايه فصل ومعاهد الجامعات فيه بعضها كل شهرين ولافضل انك تسجل وانت بالسعوديه
موضوع المعهد جدا سهل مو زي ماتتصور اهم شي القبول الجامعي واذا لغتك اكثر من 20% سجل بمعهد الجامعه.

ياسيدي بالنسبه للفيزا اعتبرها هذي الفائدة الوحيدة من قبول كاليدونيا

لاتشيل هم اذا صارت الفيزا معك ماتفرق عادي تقدر تدخل كندا وتروح الجامعه اللي تبغى

الشي الثاني دام انك ناوي على فكتوريا فاعمل اقصى جهدك للحصول على القبول منهم دايركت

وباذن الله ماتخيب وكمان بالنسبه للقبولات اعتقد النادي السعودي في فكتوريا ماراح يقصر معك ابدا

قلهم ايش اللي تبغى وراح يساعدوك اكيد في فكتوريا وفي اي نادي سعودي الشباب دائما متعاونين

اما عنواني فهو للاسف كلية نيو كاليدونيا اسأل الله ان يفرج همنا معهم والحمد لله بدأ

الشباب يطلعوا من الكلية والملحقية قاعدة تساعد الشي هذا واذا تحتاج اي استفسارات

خليها هنا عشان غيرك يستفيد في كثير مساكين مايدروا عن الموضوع ويجوا على ملا وشهم زي مايقولوا

شد حيلك

سلام هلا وغلا اخوي وبران وبخصوص قبولك في جامعة فيكتوريا اليس معه قبول معهد الجامعة نفسها وبخصوص انك تبي قبول من معهد جامعة فيكتوريا وانا اخوك انت جيتك في شهر مايو والدراسة الاكادمية اللغة سوف تبدأ في 12 ابريل يعني قبل جيتك وبتكون لمدة 3 شهور الى 10 / 7 والترم اللي بعدها الي شهر 9 ميلادي ( سبتمبر ) يعني انت قدامك واحد من حلين اما تدرس في في اي معهد خارجي خلال هذه الفترة وتحول لمعهد جامعة فيكتوريا في شهر سبتمبر او تسجل نظام شهري في معهد جامعة فيكتوريا الين يبدأ الترم واذا جيت يسهلها ربك وانا في الخدمة ياطويل العمر
وانا ودي ارد عليك خاص بس ماتفعلت عندي الرسايل وتقبل تحياتي
اخوك ابو عبد الرحمن