حب لإخيك ما تحب لنفسك

أولا أشكرك يالغالي على طرحك الجريء والرائع ,,

وثاني شي أخوي الغالي أنا ناوي أجي لكندا أدرس 3 إلى 4 شهور ,,

فـ اي مدينة تنصحني .. ؟ وأي معهد ..؟

ولك ودي وتقدريري ,,

أخوك .. أبو خالد ..

شكرا على الموضوع سليمان وما قصرت بس انت كاتب حب لأخيك ما تحب لنفسك صح ولا لأ طيب يعني حنا اللي في الملتقى كلنا نقول انا الجامعة اغلبها سعوديين وانت شايف في عينيك وحنا ما قلنا شي عن السعودين كلنا اخوان واعتقد انا احنا جاين ندرس يعني انت تدرس في كلاس كله سعودين واعتقد انك كنت متعقد من الموضوع بس الواقع انه يجون طلاب جدد ويدفعون فلوس واخر شي يجون يشوفون المعهد كله سعودين يعني اقعد في السعودية وادرس احسن من اني اجي وادفع 4500 دولار .

طيب نفرض انا مثلا جا 50 طالب اوكي وغير كذا في الجامعة تقريبا 150 طالب يعني تحسبها 200 طالب طيب انت الحين في الجامعة تمشي خطوة وحدة الى وشفت لك سعودي وتتكي معة ولاتقولي انك بتسحب عليهم ومدري وشو لانك غصب بتحتك معهم خلنا نكون واقعيين اوكي

على كذا الكل في الجامعة مو متعلم انقلش لانه مافيه شي اسمه تواصل باللغة الأنجليزية لانه يقعد في الكلاس ويطلع ويتكي معى سعوديين وفي الكلاس سعوديين وفي البيت سعووديين وكل مكان سعوديين وين بتتعلم

الصراحة راحة ,,,, فإختلاف وجهات النظر لايفسد للود قضيه

الجامعة تحولت جامعة سعودية

كل الطلبه سعوديين

أنا اأيدك اخوي وبشده من خلال طرح بعض الأخوه
بالفعل من خلال مشاهدتي وتتبعي لردود بعض الاشخاص .. تجده من المحبطين لك
منهم من يقول لاتسكن مع طالب سعودي وإلا ماراح تتعلم لغه .. هذا الكلام غيررر صحيح ..

وكل المعاهد تعلم من الزيرو .. ليس مثل مايقول بعض الاعضاء

انا من وجهة نظري . .ان كل شخص لا يضع تجربته البحته امام الأشخاص ويعطيهم السلبيات دون الأيجابيات
ربما انت لم تفلح باللغه و لكن الغير ممكن ينجح فيها ..
ربما البعض لديه تخصص معقد ولم تقبله هذه الجامعه .. بالرغم من ان الاقسام الثانيه ترررحب وبشده بالطلبه

مثال بسيط .. بعض الاشخاص قالوا ان جامعه اليوبي سي ماتعطي قبول مشروط .. وان هذا الشخص ذهب بنفسه إلى كل الأقسام واستفسر وكان الرد بانهم لايعطون قبولات مشروطه . .ولللاسف انهم عمموا تجاربهم في تخصص معين
والأن بين يدي قبول مشروط من نفس الجامعه .. كما لدى اثنان من زميلاتي

الله المستعان

الخلاصه .. لايجب على كل شخص مبتعث جديد ان يلقي الاذان لكل من هب ودب ..
الحياة سهله جدااا .. ومع الصبر والمحاوله يستطيع كل شخص الحصول على مبتغاه


الله يسهل للجميع