استفسار ابي افهم ماكنتو في يوم من الايام مثلنا

بالنسبه للفندق تقدري تكنسلي الحجز ويرجعون لك الفلوس بس المهم مايكون باقي على الحجز 24 ساعه .. يعني تكنسلي باكثر من يوم من موعد الحجز ..

الدفع يكون بكيفك على حسب المده اللي تبينها .. ويوميا لو تحبي .. لكن فيه احيان ناس تكون حجزت بعد طلوعك فتجي انتي تبي تمددي فيكون صعب عليك او تغيري الغرفه .. عموما لاتقلقي من هالناحيه لانه وقتكم فاضيه من السياح نوعا ما فمابتلاقو صعوبه بالحجوز .

بالنسبه للاكل ..على حسب اكلك لكن مجملا مايكون غالي بس لاتفكري بكل وجبه تقولي يالله السعوديه ارخص .. كانك تدفعي بالسعوديه بس الفرق من الريال للدولار .. ماعدا الوجبات السريعه مع الحسبه تطلع نفس الشي .. مجملا اسعار طيبه بالاكل .

النت .. طبعا لو انتي بشقه ب 30 دولار اشتراك طول الشهر .. واذا بالفندق فهو شامل الدفع .

الغسيل .. طبعا هنا نادرا شي اسمه مغاسل .. لكن فيه غرفة غسيل فيها غسالات تحطي ملابسك وتدخلي فيها دولار واحد بس والمنشفه نفس النظام .

ان شاء الله استفدتي .. وعفوا اني رديت بموضوع الاخت على استفسار ثاني .

اخوكم .. طلال

ياخوي العزيز .. معظمنا بل لو اقول كلنا قلت لك .. ان اي واحد جاي ( ماخذ السكن من المكتب اللي في السعوديه)
المكتب يدبر لك سكن .. سوا عائله سوا شقه سوا مع الجامعه نفسها !! . .

ليه احن ( نروح للمكتب ) .. لا ننا ما نعرف للمواقع ولا نعرف لغه اصلا علشان نتعامل معهم فكذا نروح نخلي المكتب يلعب علينا ..
ومعظم اللي هينا يقدرون يساعدونك بس لو ساعدوك !! يمكن تلعنهم بعد ماتجي لانه هو مايدري وش السكن فهمت يجحز بالنت ولا يعرف المنطقه .. هذا من الاسباب .. يعني بالعربي ما يبي يورطك ..
واحسن لك انك تحجز سكن من المكتب اللي بالسعوديه( ويكون مع عائله ) ثم تسكن معهم شهر واذا بغيت تروح لشقه ولا تتدور لك عائله ثانيه افضل لك كذا .. او انك تبحث لك شقه ( عقدها يكون شهر فقط ومع انه صعب ) لان لو هينا الشقق غالبا يكون عقد الشقه 3 اشهر او 6اشهر او سنه ..اجباري تجلس فيها او تتدبر لك بديل ..وتتورط ما تقدر تتطلع منها اذا كان موقعها شين مايناسب معهد اللغه حقكك او جامعتك . .
ولو تجي ( تقول باخذ لي شقه بالايام يعني فندق كذا لين تلقى لك شقه < ما انصحك بها لان الغرفه بالايام غاليه جدا .. من 80 الى 100 دولار باليوم .. وبعد ما تروح خمس ايام وانت تتدور بتحس انك غلطت غلطه لان العائله 600 دولار شهر كامل ..
وطبعا ( لاتنقرف من العوائل ترا تقدر تمشي العائله بمزاجك يعني كانك بفندق تتدخل وتجلس بالغرفه وتتطلع .. يعني هذا اسلوب الاغلب

وانت شف لك الخيار يعني لاتتدور ( مساعده ) تعود على خدمة نفسك ( بفلوسك ) ازين من ان الناس تذلك فيما بعد
وبرضه المساعده هاليومن من النت لناس ماتعرفهم ( وراه مبتغى ) صح فيه ناس فيهم الخير .. بس فيه ناس فيهم الشر وهم الاغلب
ولا تقول ( هذا ولد بلدي بينفعني ) < هذا المصطلح بيتغير لوتجي ..

اخو ماوس ..

احترم كلامك وصحيح فيه من الناس اللي ذكرتهم عينه .. لكن ابرد عليك بحكم انك رديت بالموضوع اللي انا ساعدت فيه وباحسن النيه وبقول انك ماتقصدني ..

اخوي انا لي 6 سنوات في كندا وطالب ويومي مشغول .. لكن انا تركت المنتدى فتره ويوم دخلته لقيت اغلب الناس تبي مساعده ولا احد قدر يساعدهم ومالي الا يوم من رجعت له .. فياليت انك تحسن الظن بالي مغتربين والعكس المقوله ان ولد ديرتي ينفعني هذي صحيحه ..

مابي استفرد عضلاتي واقولك وش سويت بس اغلب غربتنا وقفات مع بعض ومع ناس مانعرفها كل اللي يربطنا الديانه والبلد ..

عموما لاتاخذ كلامي بحساسيه .. بس تمنيت انك تشكر فينا بدال ماتشكك بذمننا على حساب تجاربك الشخصيه ..

فائق احترامي .. طلال

مشكور على نصيحتك بس مدري انت قريت الموضوع زين ولا لا
اولا انا ماطلبت احد يحجز لي انا طلبت مساعده انا كيف احجز منشان اتعلم وبغيت قائمة بالفنادق وانا اشوفها بقوقل ماب واختار والاخ مشكور على مساعدته ماقصر
2 انا عائلة اشلون اسكن مع عائلة 3 انا كلمت المكتب يجيب لي سكن قال احنا بنراسل معهدك وحيرسلون لنا قائمة وانتي ادخلي وشوفي يعني نفسها
اما عن مايدور في نفس الي يساعدون وبعض منهم نية سيئة على قولتك مع نفسهم
ارجع واكرر الاخ ماقصر وكثير فادنا والموضوع مفتوح للأستفسارات الجميع لايقتصر علي يعطيك العافية

اخت مسرات .. اتمنى انك استفدتي من اجوبتي .. وان كان مافهمتي علميني وابشري ..

اخوك .. طلال

طلال انا قريت الموضوع وما حبيت امر بدون ما اقول لك شي ينفعك
ما اقول الا الله يوفقك ويسهل امورك << دعوه من القلب لأخ لم تلده امي الله يحفضكـ من كل مكروه

الله يخليك مبتعث .. اشكرك على الدعوه اخوي وانا والله ماسويت شي .

طلال

مسرات >> مع ان اسمعك مايوحي بالنفس الرجالي التكشيري الي عندك ..
مقدمتك قنبلة وهذا الي خلاني ارد ع الموضوع .. المهم ياستي

انا جلست في فكتوريا لمدة سنة والمدينه حتحبيها وترتاحي فيها انشاء الله .. ومن ورا هالسنه حقولك شوية نصايح
قبل اي شوي فيه موضوع لي بعنوان دليلك لكندا .. ارجعي له بينفعك ..
اهم حاجة تعمليها قبل وصولك هي انك تتواصلي مع النادي السعودي في المدينة وبرضو بشخص أسمو على حمادو .. بني ادم يخدمك بحكم وجودو بالمدينة لأكثر من 15 سنة .. لأنو مع تواصلك معهم حتختصري على نفسك مشاوير وتعب .. بالنسبة للسكن المؤقت فتحتاجي انك تحجزي فندق على الأقل لمدة اسبوع .. والحجز طريقته علموك عليها الشباب .. بقي السكن الدائم .. في مدينة زي فكتوريا الحصول على سكن سهل جداً .. كل الي عليك تسوية كوب شاهي وجلسة ع النت وحتطلعي بلستة مواقع كل الي عليكم بعدها انكم تتصلو على المسؤول عن المبنى او صاحبة وتحددو موعد لتشوفو المكان .. عجبكم اوكي اطلبو منهم توقعو العقد والي عادة بيكون لمدة سنة على الاقل .. المهم بالسكن .. الأمان بالمنطقة .. والروت تبع الباصات اذا ان مالكم نية لشرا سياره .. بالإضافة لقربها من البيبي ستر او الدي كير تبع ولدكم.. قربها من الجامعة ..

لاجا موعد جيتكم عطيني ايميل ..

canadian1boy ( يعلم الله اني ما استقصد احد ياعزيزي ولا دريت انك راد اصلا .. شفت عالسريع لان صاحبه الموضوع تلوم الناس ان مافيه اجابات الخ ومشبهه ان الناس معتبرتها اسئله عن المريخ !! . . فعطيتها حلول لانها دامها ( تلوم ) فاكيد بافترض انا انه مايفهم لغه .. !! لان من الطبيعي اذا ماكان يعرف فهو مايعرف لغه دام عنده المواقع ( لان ودي اقول لها المواقع ميب اسئله عن المريخ يومك ماتعرفين لها بنفس اسلوبها < بس تجنبتها وخليتها تروح لطريق ثاني). . !! ويا عزيزي انا احذرها من الاسامي المستعاره بالتعامل ( موب من انك تشرح لها الطريقه وانك تعطيها معلومه ) .. وبرضه اعيد واكرر ( اسم مستعار خلف المنتدى ( ما يتعامل معه ) وخاصه المغترب < وش رايك الحين || ( لانه هالبلد الفتنه موجوده وصايده معظم الشباب ( والله لا يبلانا ) .. يكفي القصص اللي شفناها

وبرضه عن نقطه ( ماودي اقول .. الخ ) < هذاك قلتها .. خخخ . . انا الحمدلله ( ما اقول اني اسوي وما اسوي )

مسرات . . < اقولك يا عزيزتي قاري الموضوع زين .. بس اذا ماعندك ( لغه ) لاتوجعي راسك ( وحاطين المكاتب وشوله ! )
ليه افتراضي ان ماعندك لغه ( لانك مستصعب الموضوع مجرد ما تتدخل الموضوع وعندك لغه بتعرفين تحجزين .. هذا القصد . .
( وبرضه المكتب اذا قال لك ان حتشوفين قولي له ابيك تحجز انت ولا سلام عليكم ( ويفهم معنى ابي حجز موب تشوفين .. في فرق مكتب عن مكتب مثل ما تعرفين ان فيه فرق محل ملابس عن محل XD . . < بعض المكاتب مستعدين يروح يصور لك الغرفه بنفسه ويرجع دام فيها (فلوس) ((فاسئلي عن احسن المكاتب ( بين الاخوات)) هذا الافضل

والسلام

مشكور ويعطيك العافية