استفسار وش رايكم بــ معهد international language schools فانكووفر

وبسأل بالصييف كثييير فييه السعووديين ؟ ...

انت قصدك معهد ILSC
international language schools of canada

دامها سياحه حق 3 شهور بيكون تمام .. لان نظامه يعتمد على الكلام اكثر من القرائه والكتابه .. وانت دامك مابتدرس الجامعه فقط 11 اسبوع رايح يكون ممتع لانه هو سياحي اكاديمي .. نشاطات بشكل يومي .. والكلام رايح يتطور بسرعه (طبعا هالشي مايفيد للجامعه)



اغلب المعاهد التجاريه وكندا بشكل عام .. يكثر فيها العرب .. وخصوصا المعاهد التجاريه (فقط بالصيف)..


طلال

الله يعطييك العاافيه اخووي بس اناا حبيت اسأل عن EF

يعافيك .. لو تنزل الاسم كامل افضل .. واذا كان معهد تجاري رايح يكون نفس الشي بالضبط ..

طلال

.. يكفي رد طلال .. بس بنسولف معك . ... المعهد كويس نوعا ما . . وبنفس المعهد (مصري(مسجل وليس مدرس ) اذا بغيت تتفاهم معهم تقدر بالعربي .. )
. . طبعا دامها كذا تعال خذ ( محادثه ) لان فيه اكادمي ومحادثه عندهم . . وانا درست فيه شهرين وثلاث اسابيع . .
بس فيه معهد .. PLI يقولون انه يحسن السبيك < انا منب قايلك رح له .. لاني ماجربته اصلا بس اشوف هاليومين ( سوقه بين السعودين ماشي بالتمديح ) .. ( يعني كلام الناس ) ..
<< بيقلب راسه بمعهد جديد خخخخ

ههههههههه ياارجااال وجع رااس على ما جزمت على الدولة ثم المديينه ثم المعهد ..... انشاا الله اني اكوون موفق بالاختيااار .....

اجل على قولتك ااخذ ( محاادثه ) انشاااء الله

اذا كنت ميح بالانجلش سوا جاي تتدرس الانجليزي علشان تستفيد بمخاطبه الناس او جاي على تتدرس مواد اكادميه اشوف ان المحادثه ضروريه بالبدايه .. بس شف 11 اسبوع ترى لا تتخيل انك بتكون فنان < له ست اشهر ولا يتكلم ابد الا اذا بغى يطلب .. بس تعطيني ورقه افهمها ولا تتكلم معي افهم وش تقول ..طبعا هذا المشكله فيني .. وغيري شهرين يصير بلبل .. برضه 11 اسبوع ايام الجاهليه الواحد يستفيد بس هاليومين لا
الاسباب ( 1) مصادقه العرب وبالاخص السعودين .. ( 2) اكبر مشكله ( المحمول اللي بيدك ) ترجع للبيت تسولف بالعربي تقرا بالعربي ترد بالعربي خخخ زي مانا اسوي هالشي الحين . .
طبعا رقم واحد على وشك اني قادر على محاربته بس ( اثنين) مستحيل بل مستحيل والاسباب اني عاشق للكمبيوتر وسبب دراستي للانجليزي وهو الكمبيوتر .. (so) < متعوب عليها ترى > انا انصحك تقطع الماء والتنفس < كذا يقوونها ! > المهم تقطع ابوها كلها 11 اسبوع واقدر اقول انك بستفيد 100% ..
بالنهآآيه ,, اذا بغيت شي علشان ما تتحسف بحياتك ابد ( استخر)تراني اقولها وانا منب حاط لحيه ولا انب دعوي نتاوي خخخ .. لانك.. لو ماطلعت بنتيجه ( فبتكون مستخير والحمدلله )
زي ما انا الى يومك متحسف اني طالع ادرس برى < مسوي اهل علم < ياشيخ < ولوي مستخير بس كان الحين ما تشوفني اناب الضمير.. بس خذيت درس بحياتي ..
ادع لنا بالتوفيق وبالحصول على شهاده البرمجه في خمس سنين ياشيخ

الله يوفقك انشااا الله وتخلص بخمس سنوااات بأذن الله ........

بس تراا انا افهم شوي واقدر ادبر نفسي واشووف افلاام كثييير ....

وندرس بالانجلش 4سنواات بس تعرف عندناا الوااحد يمشي نفسه بــ 15 كلمة بالماااده