استفسار الله يعطيكم العافية عن استخراج جوال

أخوي..
عشان تطلع جوال لازم يكون عندك إثباتين كنديين مثل تصريح الدراسة أوبطاقة إئتمانية أو رخصة القيادة ..
لكن في حالة عدم توفرها يطلبوا منك دفع تأمين يرجع لك بعد سنة أو عند إلغاء الخط..
هذا الشيء متأكد منه من عند روجرس لأن سويتها لواحد من الشباب قبل يومين ..
بالنسبة لأفضل العروض إن شاء يفيدوك الشباب..

أخوك
عمدة أدمنتون

اخوي عمده رد عليك بالنسبه للاثباتات .. لكن انت ذكرت انهم قالو لك تصريح الدراسه ماينفع لهم ..!!

الجواز مع .. رخصة القياده الكنديه او بطاقه ائتمانيه كنديه اوالتامين الصحي الكندي او انك تطلع اثبات مقاطعة برتش كولمبيا ويكون معتمد عند الجميع ..

لانه بيكون صادر لك من الحكومه الكنديه .. وتطلعه من اقرب مكتب تسجيل .. اسمها Registration ..

طبعا هذي المكاتب تكون بكل ارجاء المدينه .. تروح وتاخذ الاثباتات اللي عندك ويطلعون لك اثبات كندي معتمد بجميع الاماكن ..

العروض على حسب اتصالاتك متى تكون كثيره .. لكن بالنسبه لي انا .. عرضي من سنوات يكون الويكند فري وايام الاسبوع من

العصر الى الصباح فري .. ويحسبون فقط ايام الاسبوع وقت النهار بس .. لكن يلزم عليك توقع سنتين ويعطونك جهاز لو تبي ..

وفيه عروض ثانيه .. لكن خذ اللي فيها اوقات ببلاش عشان تكون تخلي اتصالاتك بهالاوقات .. لان فاتوروتي تطلع 40 دولار شهريا ..


طلال

لي تنبيه على مسألة أنك لازم توقع عقد لمدة سنتين ..

يمديك تحصل على هالخدمات بدون عقد لأنها مجانية لكل العملاء سواء بعقد أو بدون .. (مثل ماقلت مسويها قبل يومين لواحد من الشباب وبدون عقد من روجرس)..

طبعا المكالمات مجانية من الساعة 9 مساءا الى 6 أو 7 صباحا .. والويكيند من 9 مساء الجمعة إلى 6 أو 7 صباح الأثنين ..

كان في عرض للطلاب أنهم يعطوك من 6 مساءا بدلا من 9 مساءا بالنسبة للمكالمات المجانية لكن أنتهت مدته .. تقدر تطلبه على أغسطس إن شاء الله حتى لو أخذت الجوال الحين ..

أنا نصيحتي لك أنك تقارن بين عروض روجرس وفايدو لأن روجرس هي الشركة الأم .. وعندك أحد المميزات لدى روجرس واللي تقدر تأخذها مجانا وهي المكالمات بين روجرس وفايدو مجانا طوال اليوم ..

أتمنى أكون أفدتك ببعض الشيء ..

أخوكم
عمدة أدمنتون

انا صارت معايه نفس المشكله ورحت جبت كرديت كارد من محل سفن اليفن اعتقد كذا اسمه واشتريت الكرديت كارد بخمسين دولار وبعدين قدرة اطلع رقم وترى هذا البطاقه تقدر تستخدمها بعدين في اي مكان بقيمه 50 دولار هما بس ياخذ رقمها بس انا عندي سؤال كيف ادفع فاتورة الجوال

ريري عندك اكثر من طريقه للتسديد ..

1-تروحي للبنك وتعطينه الفاتوره وتسددي المبلع وتطلبي منه يسجلها عشان تصيري تسددي من البيت عن طريق اون لاين ..
2-تتصلي على الشركه وتسددي بالحوال عن طريق الفيزا او الماستر ..
3-او عن طريق .. ATM
4-او ترسلي المبلغ شيك (طبعا بطلوها العالم لكن ماتزال موجوده)..
5-اي كشك تلاقيه نفس شركتك بالمول تسددي منه ..
افضل طريقه .. روحي سجلي الفاتوره بالبنك عشان تكوني تسددي من البيت ..

اذا شي مافهمتيه او تبي توضيح ردي علي ..

طلال

مشكور طلال
سددتها عن طريق البنك من حسابي بس مارحت البنك عشان اسجل الفاتوره دخلت من نفس حسابي وانا سجت الفاتوره وسددتها

ياعيني .. طلعتي اشطر مني .. خلاص انتظرك تجاوبي على كل الاسئله ههههه امزح ..

افتخر بالناس اللي تكتشف اشيا جديده .. بس لاوصيك علي الناس اللي حولك ..

شطوره يابطله ..

طلال