":.,,.:" اللي متحمسس للدرآسـه في الخآرج لا يدخل ":.,,.:" + سسؤآل بسسيط

منوور أخوي .. ومشكوور على الكلآم الحلو زيّك

لكن وأناخووك يقولك .. رحم الله أمرئن عرف قدر نفسسه ..

والله يآخوك أنا على قد حآلي .. وإسستطآعتي ما تتحمل إني أقعد أكثر أو أغير دوله

تعرف يبيلك مصآريف .. والدنيا هينا نــآآآر

لكن سسؤآلي يآ جمآعه .. يآ ريت أحد يجآوبني عليه

أنا شهآدتي الأصل أرسسلتها يوم أطلع الفيزا.. للسفآره الكنديه اللي بالريآض
السسؤآل : كيف أطلعها من عندهم ؟؟
لأني برجع إن شاء الله وبقدم على أي شئ في السسعوديه أنتبهوا يا أخوآن .. لا تنسسون السؤآل وتقومون تقولون لي ,, رآجع نفسسك وزي كذآ ,,
مو مشكله أنصحني وانا متقبلها من الحين .. لكن اللي عنده جوآب على سسؤآلي يا ريت يذكره مع ردّه
بس لا أحد يجي يكتب رد (( نصيحه فقط )) أكتب نصيحتك ومعها الجوآب ..


موفقين خير ,,

الله يعينك يابو محمد .. ادري النفسيه مقفله ولاتبي تسمع كلام ونصائح .. لكن ممكن انا اكثر واحد بيحس فيك لاني مريت بموقفك .. وخليني اعطيك نبذه عني قبل مارد على سؤالك ..

انا مريت بظروف قبل فتره .. انطردت من الجامعه وتوقف الدعم عني .. وانا مقدم على الجنسيه .. فكان عندي خيارين ..

ارجع السعوديه واستسلم بحكم ماعندي لاجامعه ولادعم ..او اني اشوف لي طريقه اصرف على نفسي الين تفرج .. المهم رحت اشتغلت كونستراكشن .. اقسم بالله اشتغلت تحت الشمس 12 ساعه ماغير اشيل بهالاسمنت والخشب طول اليوم .. الافغانيه ماشتغلوها بالسعوديه ..وبشكل يومي .. الين ربك اكرمني وخلصت اموري والحمدالله العزيمه من الله جت .. فكر بالموضوع لو تشتغل باي مكان وتوقف دراسه الين يطلع لك قرارك .. مابقى شي عليها بحكم هالمده اللي جلستها ..

زبدتي .. الظروف بكل مكان بتقسى عليك .. حاول ماتستسلم باولها .. والله يوفقك ان شاء الله ..

بالنسبه لسؤالك .. الدوائر الحكوميه الكنديه ماهي مسؤله عن اي اوراق اصليه لو تضيع .. لكن كل اللي تقدر عليه اول ماترجع للسعوديه تكلمهم وتعطيهم موضوعك .. فبكل تاكيد بيكون لك فايل خاص فيك بحكم انك قدمت عليهم .. وبيطلبونك عنوان يرسلونه لك (لو انها للحين عندهم ولاتخلصو منها) .. لكن الوكاد انها موجوده للحين ..

قفله .. اي مكان حكومي في كندا ماترسلهم الاصل نهائيا الا بالجواز ..!!

بالتوفيق اخوي سلطان ..

طلال

الله يوفقك أخوي

حاول تتصل بالسفارة الكندية بالسعودية
أو وزارة الخارجية الكندية إذا كنت بكندا

هلا فيكم ..

هلا أخوي.. يووزر .. يوفقنا ويآك يالغآلي ومشكور على المعلومه وما تقصصر ..

هلا أخوي طلآل ,,أنت بالذآت تموون يالغآلي لو تنصح من هينا لين بكرى ..
أكيد مارآح تقول كلام إلاّ في مصلحتي .. من غير قصور فالبآقين
أما بالنسسبه لوضعك , والله أنك عآنيت ,لكن الله عوّض عليـك .. وإن شاء الله دووم

لكن ياخووي لا يكون في بآلك إن السبب الرئيسي في رجعتي هي النفسسيه .. لا
فيه أسبـآب خـآصه أحتفظ فيهـآ لنفسسي . ولا النفسسيه أبشرك عآل العآل . ولله الحمد

لكن بالنسسبه للسؤآل ما قصرت على الإجآبه ..
طيب لا سسمح الله ما قدرت أطلع الشهآده من السفآره لأي سبب من الأسسبآب ,,

هل فيه طريقه ثآنيه أقدر أطلع شهآده جديده وتكون زي الأصل ؟؟

ومشكورين مره ثآنيه ..

ياخوي صدقني الكل عانى مو بس انا .. لكن العبر بالخواتيم ..

والله يسهل همك وان شاء الله النفسيه دووم مرتاحه .. اهم ماعليك نفسيتك يابطل ..

عموما ماعليك خوف من ناحية الشهاده .. لو لاسمح الله السفاره الكنديه قالت ماهيب عندنا مع اني متاكد بتلقاها ..

تروح للمدرسه او الكليه اللي طلعت لك الشهاده .. ويطلعون لك بدل فاقد وتكون نفس الاصليه بالضبط ..

يعني لو انت متخرج ثانوي تروح لمدرستك الي تخرجت منها 3 ثانوي ويطلعونها لك .. واذا كليه نفس النظام ..

والله يستر عليك .. وياليت ماتقطعنا تورينا يوزرك بين فتره لفتره .. لانك اكرمتني ياغالي ..

طلال

الله يبيّض وجهـك ويعطيك العـآفيه .. وكثر الله من أمثآلك

ما عليك المنتدى إن شاء الله ما رآح نقآطعه .. حتى لو مالنا حآجه ,, نفيد على الأقل باللي نعرفه

الله يعافيك ياغالي ..

وان شاء الله تتيسر امورك وتتسهل .. لكن حاول انك تتابع الاوراق وانت في السعوديه ..

لعلى وعسى تطلع لك وخلها احتياط متى ماتيسرت معك الامور .. اطلع وبالتوفيق ..

طلال

الله يكتب اللي فيه الخير ..

وربّك يسسهل إن شاء الله ..