مساعدة كيف اتصرف..

اخوي عادي اتصرف اذا وصلت بالسلامه اركب تكسي وخليه يوديك اقرب فندق قريب من معهدك او جامعتك....
ثاني شي كلم النادي السعودي بفانكوفر ادخل على موقعهم وشوف وان شالله يفيدونك...

موفق خير.....انا زيك جيت ولااحد استقبلني ولا شي اخذت تكسي واعطيته عنوان المعهد وقلتله اقرب فندق....والانجليزي ماش عندي بس راح تمشي امورك غصب...

انا اشوف انك تخلص كل امورك من السعوديه ممكن تستخدم مواقع عربيه عشان تحجز الفندق ولما تصل الى فانكوفر تاخذ تكسي ويوصلك للعنوان طبعا تكون كاتب العنوان ومتاكد منه واذا على السكن بيكون ارخص وافضل اذا سكنت مع عائله وكمان فيه مواقع تقدر تتواصل معاهم ومو لزم تكون لغتك قويه عشان تتفاهم معاهم

في حاليا النادي السعودي عندهم خدمه استقبال بالمطار

بس راسلهم من قبل فتره وخبرهم بموعد جيتك وبايش محتاج وماراح يقصروا معك ان شاء الله وافضل من انك تجي وتكسي ينصب عليك وبمبلغ كبير احد من النادي افضل اشوف

الاخوان اللي في النادي ما راح يقصرو باذن الله
انت كلمهم بس

متى مسافر الى فانكوفر

لوحدك والا مع عائلتك؟

ومن اي مطار راح تقلع

واي معهد راح تدرس؟

انا رحلتي لفانكوفر ان شاء الله 25-5-2010

الخطوط الالمانية

الدمام-فرانكفورت-فانكوفر

لا تخاف من شيء ان شاء الله مافي شيء يقلق ولا يخليك تفكر كثير الموضوع جداً بسيط كأنك مسافر الطائف ولا جده

بالنسبه للفنادق اذا تبي تسكن فأنا انصحك وبقووووووه انك تحجز فندق عن طريق هذا الموقع
Priceline.com | Cheap Flights, Hotels, and Rental Cars -- Discount Airfare

تكتب اسم المدينه والتاريخ الي راح توصل فيه تاريخ الخروج

بس ما انصحك تدور فندق بالاسم
الاحسن انك تختار bid now
وهذي الطريقه حلوه هي انك تكتب السعر الي انت تبيه لليله الواحده
وتختار عدد النجوم والمكان او المنطقه الي تبي فيها الفندق

وهو يدور لك واذا لقي فندق بهذا السعر في اليوم على طول حجزه لك بس طبعاً لو تبي تلغي الحجز الفلوس غير مسترده

وعلشان تسوي حجز لازم يكون معك بطاقة ماستر كارد او كردت كارد
انا دايم استخدم هذا الموقع للحجز لما اسافر في كندا وامريكا واسكن في فنادق 4 نجوم في حدود 70 الي اقصى شيء 80 دولار في الليله

طبعاً هنا افخم شيء عندهم 4 نجوم بس انه اطلق من فندق 5 نجوم عندنا

وبعد ما تسكن في الفندق دور لك على سكن وزي ما قالوا الاخوان والاخوات فوق اكتب العنوان وروح شوف السكن بنفسك كل راس مالها تكسي ( صحيح التكاسي غاليه هنا ) بس احسن علشان انت الي تختار وين تسكن مو احد يشوف لك اي مكان