مساعدة الإستعداد لما قبل السفر ( ارجو الدخول )

اولا: قران وسجادة ويفضل قران كبير وقران صغير وسجادة خفيفة تقدر تحطها معك بالشنطة ولا في جيبك وسجادة عادية
ثانيا: الافياش
ثالثا:فيزا بنك .. واذا ماعندك روح طلع وحده مسبقة الشحن من الاهلي.. او اذا مرة ما امداك خذ لك بطاقة صراف عادية اللي يكون مكتوب عليها VISA لأنك مارح تقدر تطلع جوال إلا منها.
رابعا: اشتر الجاكيتات من هناك جب لك واحد من هنا مش حالك لين تشتري واحد مناك ، وحاول تشتري واحد يجيك جواته ريش تلقى الاسعار من بين 100 إلى 300 هذا اللي ينفع في كندا لأنه بيدفيك ولا تحس بالبرد ابد ان شاء الله.
خامسا:جب معك ماتحتاج لك شخصيا وكل شخص يختلف.. تبي تجيب بهارات تبي تجيب .. حلاوة بقر مثلا
سادسا: جب معك مفاتيح البيت عشان اذا جيت ترجع ان شاء الله يمديك تفاجأ أهلك
سابعا : اذا عندك الرخصة الجديده جبها
ثامنا:ثوب شماغ طاقية سروال سنة سروال نص عقال والاهم الزبيرية هاها.
تاسعا:امواس حلاقة كل شي للذقن
عاشرا: ديكشنري
11 : سماعات للابتوب مع الميكرفون عشان تتلكم مع اهلك وعشان ماتكون مزعج ببيوتهم !
12 : ادعية
13 : بوكسرات واجد خخخخ
14 : فصفص باجة

^ تصدق ان ذي اهم شي > نسسسيتها والله




نفس اللي قاله الاخ الفاضل << اهم شي الافياش الانترنشونال



بالتووووفيق

مساء الخير

واتمنى لك من القلب ان تصل بالسلامة ,,, والله ييسر امرك على خير

كما كتب من اخي السابق ,,, ولكن احب ان اظيف بعض الشغلات لعلها تفيدك ؟

- طبعاً لحد يقولك جب لك ملابس وخم لك من الملابس ؟؟؟ خذ اللي على قدك وقتصد جداً لأنني لما جيت لقيت كل شي موجود وافضل من اللي موجود عندنا .. لكن لا يمنع على الماشي 4 او 3 جنوز .. وانصحك بالازرق ودرجاتة ... لان من النادر تشوف جنوز زي اللي عندنا بالسعودية ناس تلبس لك بني او رمادي او بيج
اكثر الناس هنا جنوزهم ازرق بدرجاته والاسود كذالك
-خذلك كم تيشيرت يعني مو اكثر من 8 والباقي من كندا... بالنسبة للجاكيتات بتلقى بكندا وباشكال مرررة حلوة وافظل
- مايمنع تاخذ لك من الاحتياط كم بلوفر بالكثير 3
- لاتنسى فيوجن للحلاقة تراها بطلة ؟؟ ولا تنسى تمر اكسترا وتجيب لك مكينة براون لوكلايزر 3 في 1 وهي تنعيم وتحديد وتخفيف
- لاتنسى اطلس معك للترجمة
- لاتنسى الابتوب وافياش تلقاها من ساكو بس انت قلهم ابي الافياش الدولية مع حبة توصيلة المانية لو قيمتها 70 ريال اهم شي اصلي
- لاتنسى اهم شي ومثل ماقالو الاخوة القران الكريم والسجادة
- خذ لك ونا اخوك بجامتين برومان وانصحك بها
- لا تنسى تجيب ونا اخوك كم غرض من الصيدلية وتحطها بشنطة صغيرة مثل ( بنادول . مظاد حيوي . مسحة طبية جروح . شاش . لزق جروح . مرهم فالتورين للعظلات . قطرة خشم . قطرة عين . قطرة اذن للتنظيف . فوار فتامين سي . دواء كحة . )
-جب معك شاحنين لجوالك للاحتياط مثلاً
-بطاقة البنك الاهلي كحساب جاري . وبطاقة فيزاء مسبقة الدفع ... واذا طلعتها ابيك تسوي حساب على الانترنت من البنك وتفعل الخدمة قبل ماتجي علشان تحول كذا عملية وتتاكد ان الامور تمام
وهي تفيد تقدر تحول من حسابك الجاري الى حساب الفيزة عن طريق النت ونت جالس
- لا تنسى ونا اخوك تجيب معك فلاش وتخزن علية جميع مستنداتك وتعمل لها سكان على برنامج PDF ولاتنسى تجيب معك صور من الفيزة والجواز والاستدي بيرمنت علشان المطار الامقريشن ... ولا تنسى تجيب كاحتياط صور شخصية اقل شي 8
- في الاخير حاول ما تكثر عفشك لانك بتتورط بالمطار وشيك قبل الرحلة على حجزك بكم يوم وشيك على الحد المسموح لك عن طريق شركة الطيران تبعك وتقدر توزن عفشك قبل ماتروح المطار عن طريق الميزان العادي للوزن
- لا يمنع اذا بجيب شوي بهارات تراك بتفقدها
- اذا انت راعي كيف لايمنع بدلة وبريق وهيل وقهوة وطاحونة صغيرة ولكن تذكر العفش العفش
- بالنسبة للرز اذا انت من عشاق الرز لا تهتم ولا تحتار الاسواق ملياااااااانة
- اهم شي جهازك الحاسب الآلي تاكد ان نسخة الاوبريتنق سيستم اصلي والاوفيس اصلي ولا تودي نفسك تحت يمكن ويمكن ؟؟؟ خلك سيدة يحتار فيك خصمك

اتمنى اني ذكرت الاشياء المهمة والله يوفقك واذا بة استفسار حاظرين يالغالي

بالتوووفيق ...
متى يجي اليوم اللي اجهز فيه عفشي وه بس
دعووااااااااااااااااااااااااتكم

لا يطولوها الاخوان عليك ... ادري شباب وادرى ببعضكم ...

بس بالنسبه لي افضل حل والي سويته ونفع معي ولا كثرت اني قبل السفر بفتره جهزت ملف نوت بالابتوب واي شي اشوف اني استخدمه بكثره بالبلد كتبته فيه وبعدها اخر شي حذفت الاشياء الي مالها داعي يعني زي شامبو وكذا وامور متوفره مليون بالميه حذفهم

غير هالامور فكل شي متوفر هنا

القران مثلا الي انا فعلا كنت حارصه عليه وخايفه انساه من كثر ماخوفونا اخوان نسوا واتحسروا

جيت وحصلته هنا بكل الاماكن العربيه وتقدر تاخذه ... بس ماقول تنساه بطياره يونسك وتختم لك كمن جزء بوقتها واذا شاطر ختمته كله ..

فما بالك بالامور الثانيه عدت حلاقه الاخوان بيجيبوك ليه هني مايحلقون الا هنا الذقن هم الي يحلقوا لحالهم فمتوفرين

اطلس الكتروني ماستخدمته والله يخلي مترجم قوقل واذا عندك ايفون او ايبود تش حط فيه حق اذا تورطت .. بس لاتعتمد عليه مامنه فايده وافضل تاخذ لك دكشنري من هنا حقين اكسفورد الكتب الي ترجمتها انجليزي انجليزي عشان تتعود تستخدم اللغه وتعرف تستخدم مرادفات ماتعلق على كلمه وحده


الافياش .. مادري ليه مسويين فضيحه عليهم انا من يوم كنت بالسعوديه افياش بيتنا نفس اشكال افياش كندا ونشتري الافياش من كهربائي جنب البيت وارخاص في حين باكسترا وذول اسعارهم دبل فانتبه لا تظن انهم اختراع ومو متوفرين تحصلهم ورخاص بالبلد وبكندا كمان متوفرين وبالدولار ستور

ملابس ... لاتجيب غير ملابسك .. الا اذا كنت واحد مالك خلق سوق .. بس هنا اسواقهم مره حلوه وعندهم اشياء افضل ومايعدي اسبوع ماعندهم تخفيضات بمكان معين فتلاقي اسعار لقطه


الاشياء الي احرص عليها تجيبها معك الامور الضروريه ومايمدي لها تاخير

مثلا شي سخيف وبكل مكان لكن ماينفع تجي بدونه ... فرشاه اسنانك ومعجون صغير .. لان من اول يوم لازم بتستخدمهم وراجع تعبان مالك خلق تطلع

اشياء كذا ان ابد ماينفع بدونهم يوم واحد

الشي الي تعيش بدونه اسبوع فماله لزمه وتعال هنا اسبوع ودوره وين تحصله بكندا واش مسمياتهم

وشي لو لابتوبك ضمانه مو دولي ويمدي تسويه دولي سويه احتياطا لان هنا تصليحاتهم غاليه لو اقل شي يخرب لك <<< خرب لابتوبها من اول شهر

طيب العطور لازم تكون اقل من 100مل زي بعض الدول
واقدر اجيب معي عسل ولا يتصادر في المطار
وشكرا

thaaaaaaaaaaaaaaanksa

مشكورررررررين والله انكم رووووعه

إيه يا أخوان بالنسبة للعطور ؟ مثل ماذكر الأخ ؟
هل فيها إشكآل مثلاً ؟؟