تجمع طلاب Thompson River University ( * تم دمج موضوع mon2020 هنا )

والله شكلها الجامعه مو معترف فيها .. شكلي باحول على كلية كومسون

ياخي الجامعة معتمدة وانا طالع قرار من الوزارة قبل شهرين تقريباً بالابتعاث لهالجامعة ..

تاكد انه الوزارة ماراح تبتعثني لو كانت الجامعه مو معتمدة ..

توكل على الله وبس

السلام عليكم ورحمة الله وبركاته اما بعد
اخواني انا مبتعث ويوم جبت قبول قالوا ان الجامعة غير معترف فيها
هل ان اسم الجامعة القديم هوUniversity of the Cariboo لاني يوم دخلت ابحث عنها في موقع الوزاره على انها الجامعة نفسها فالموقع حولني تلقائيا لجامعة tru

والله ما ادري لكن ابي اعقب عليك البلدة صغيره ومقرفة واهلها كلهم اصول اجنبية صينيين وهنود وباكستانيه وشوي ايطاليين وشوي يونانيين مثل منفوحة عندنا بالرياض لكن الهنود هنا يزئرون عليك كالاسود وكلهم يلعن امهم عضلات يعني ما تقدر تصفقهم مثل الرياض بأختصار البلد مو مقرفه وبس الا قرف في قرف في قرف فيا اخواني لوجه الله شوفوا لكم جامعات ثانيه لمصلحتكم
انا نفسي جالس اعاني مره واللي مصبرني اني انتظر الفرج من رب العالمين ويجيني قبول من جامعه ثانيه وحفظ الله الجميع من كل مكروه ....
اخوكم : ح.ج

asr998يخي المدينة مو بالسو هذا
بعدين مو عاجبتك ممكن تعجيب غيرك
البلد جملة هادية

يا شباب يا حلوين .. عطونا علم .. إرسوا على بر
أبي تسألون تشوفون إذا فيه طلاب يدرسون ماستر إدارة أعمال من قديم بالجامعة .. إسألوهم كيف الوضع
كيف الدراسه .. هل الجامعة صح وإلا لعب ؟
نبي علم يا عيال ... أجزم عليها او لا؟ ما راح يقبلني إلا هي
هل هي دراسه صح وشهادتها حلوه وطريقة تدريسهم زينه وعندهم حرص على الطالب
أو إذا صار القبول سهل .. صارت الدراسه لعب ؟؟!!
ودي أصيح تصدقووووون .. خايف أجيب قبول منها وتصير موب حلوه لأنهم يقولون أصعب شي إنك تحول من جامعة لجامعة وانت هناك

الحين هل سهولة القبول في جامعة تمبسون يعني إني أقدر أقدم أوراقي من دون ضمان مالي ؟؟؟
أو لازم الضمان المالي ؟؟؟
تكفووووووون يا ناس واحد يرد

تويكس الجامعات الكندية ما تطلب ضمان مالي

السفارة تطلبه منك انا حصلت على قبول بكالوريوس بدون ضمان مالي

يختلف النظام عن امريكا لان السفارة ما راح تعطيك تاشيرة الا بالضمان بالعكس امريكا الضمان عند الجامعة والسفارة ما تسال عنك لو انك مططططططططفر

فهيدان .. أنا أبي أقدم على ماجستير .. الوضع ربما يختلف
على ما سمعت إن قبول البكالريوس من الجامعات العالمية أسهل بكثير من قبول الدراسات العليا