حوار سياحه حول كندا

اذا مازرت اليو بي سي كامبيوس ,, انصحك تزوره رغم انه حرم جامعي الا انه حلو " ubc campus "
وعندهم حدايق حلوه
في متحف الانثروبولجي الموجود فيه
حلو تدخله وتشوف اثارهم لو كنت مهتم anthropology museum




بس ع فكره انا وحده ماكنت اطلع كثير كوناسه بس لغتي افضل من كثيرين بسبه اني مختلطه بالي حواليني
فلا تاخذها حجه

الانجليزي ماهو اختلاط بشكل كبير
مجرد الكلام هو الي يحتاج انك تختلط مع ناس
والسعوديين بالكلام شاطرين
مشكله الغالبيه كتابه وقراءه وهذي مالها دخل
فلا تتحججون

ايه نرجع

فانكوفر ايلند يمدحونها بس لسه مارحتها vancouver island
الركي ماونتن كمان يمدوحها ومارحتها وماهي بعيده كثير والكل يمدح الطريق اليها ممتع rocky mountain
النياجرا يمدحوها بس هذي رحتها وتستاهل بس صبر الجو يدفا اكثر وروح استانس فيها بعز الصيف تروح وماي الشلالات عليك ,, بس تبع اونتاريو اذا عندك اجازه 3 ايام او شي كذا جرب روحها Niagara falls


زور كتسيلانو بيش انا احبه حلو وهالايام الجو حق شوي تتمشا هناك kitsilano beach

وعموما المنطقه مابين اليو بي سي والداون تاون
خذ اي باص واي منطقه تعجبك وقف واتمشا

هاي افضل طريقه انك تستكشف المنطقه
وقف ودور بنفسك

بالنسبه اي باص تاخذ
فكلن حسب عنوانه
مانقدر نقول خذ الباص الفلاني وغير بعضهم يبي لهم سياره او روح مع الي ينظموا رحلات وهذول انصح فيهم لو تبي لغه لانك بتطر تتكلم انجليزي وياه وتسمع كلامه
والاماكن الي حق ويك اند وتبي تعرف الطريق زين فالله يخلي قوقل ماب
Google Maps

حط عنوانك او بس صندوق البريد
وعنوان المكان الي تبي تروحه
ويخبرك اي باص تاخذ وين توقف واشلون تمشي ولفات وبالتفصيل

يعطييك الف الف الف عافيه اختي صدى الغربة هذا هدفي من الموضوع انه كل واحد يبدي تجربته وخبراته انا وانتي وغيرنا يعرف شلون يروح بس فيه ناس ماعندها الخبره وتعتمد علينا احنا كثقه عشان يروحون ويعيشون التجربه

اما من قصة اللغه انا عارف كمان وانا ماحطيت حجه بس كمان الجرئه لها دور في تطوير النفس ولو الطلاب شافو حماس اي احد راح يتحمسوا كثير وانا دايم احمس نفسي والي حولي عشان نكسر الروتين وتقوى عزيمتنا

انا ودي ارفع صور للاماكان بس والله متكسل لانه حوسه انزل صور ويتأخرون في التحميل << خايب


اشكرك مرة ثانية


تحياتي للكل...

فيه برج كابيلانو في النورث هذاك كويس..

.








vanaqua.org | Vancouver Aquarium

Science World HOME - Science World

Lynn Canyon Park | Lynn Canyon Suspension Bridge

شوف الاماكن اللي فوق هذه، اضافة الى فيكتوريا يمدحوها والله ..
انا ما رحت ولا شي منها للآن ..
لكن مخطط اروح الاماكن هذه ..

اذا عندك فيزا انقز لك يومين سياتل، يمدحوها والله ..
ولا بورتلاند ..

انا ودي اروح هاواي بعد اسبوعين، لكن الله يسهل الامور واقدر اخذ اجازة من المعهد ..

ويعافيك والاماكن الي ذكروها حلوه

كابيلانو بردج تجربه لازم تجربها

ونسيت قروس ماونتن ماذكرته
Grouse mountain

ويسلير اظن تعرفها

بس كلهم ذول حق زياره مره وحده
ماهم حق كل ويك اند تطيح فيهم

فيه مكان كويس بس بعيد شوي يمكن ٣ ساعات بالسياره مايفتح الا بالصيف.. عباره عن قارب ويمشي بك بسرعه ويقطع نهر اليو بي سي مع نهر ثاني.. الرحله ل ٣ ايام مع السكن وكل شي الظاهر تكلف ٣٠٠ دولار ..

يعطييكم الف عافيه على كل واحد منكم رد وشارك بالموضوع واتمنى الكل يستفيذ