اي سؤال عندك (اطرحه هنا) المقابل (دعوة بالغيب) ..

انا موجود في فانكور، و عندي علم بموضوع الضمان ل ubc و كيفية التقديم.
يمكن ان ترسلي صورة الجواز و تريخ الدراسة و قرار الابتعاث. و انا بكلم الجامعه.

يعطيك العافيه فاعل خير ع المساعده ..

أخوي خبيرر انا كملت اوراقي الحمدالله بس فيه ، طلب مادري يخص كندا ولا لا
>>صورة من نموذج (I-20) للطلبة الراغبين بالدراسة في أمريكا، ونموذج (COE) لراغبي الدراسة في استراليا، ونموذج (CAS number) لراغبي الدراسة في بريطانيا. \
، هل كندا لها نموذج اعبيه ولا لا ، واذ1 فيه وين القاه ،

كندا فيها شي اسمه Study permit تاخذه من المطار بس احتفظ بالاوراق الي تجي مع الفيزا وحده منهم ياخذونها منك ويعطونك هالتصريح ..

بالتوفيق ..

يااخواني انا عندي قبول شهرين من معهد يو بي سي وبجيب قبول من معهد تجاري لمده سنه عشان الفيزه ابغاها تطلع سنه...وحصدر قرار الابتعاث ع اساس معهد ال يو بي سي...سؤالي ادا وصلت المطار اش اعطيهم ايت قبول؟؟؟ وهل يسألوا عن قرار الابتعاث؟؟


انا اللي ناوي اسويه اوريهم قبول المعهد التجاري(االلي اصلا مابروحه) واوريهم الفيزه واخبي قرار الابتعاث وقبول اللغه من اليو بي سي هل ينفع كذا؟؟ ولا يشيكو ع قرار الابتعاث؟؟ ولا حيسولولي مشكله؟؟؟

جزاكم الله خير افيدوني

السلام عليكم

انا جايه على فانكوفر ان شاء الله في نوفمبر

تعبت ادور سكن ابي شقه غرفتين نوم او بيت

ويكون في منطقة فانكوفر او ال ubc لأني باداوم بالبدايه في الداون تاون ثم في معهد ال ubc

القبول وريهم اي واحد تحب مافيه مشكله لانهم مايذكرون بالفيزا ع اي معهد رايح .. في المطار ماراح يهتم لاي شي الا ان عندك قبول لان تصريح الدراسه رايح يعطيك اياه ع حسب مدة الفيزا
قرار الابتعاث مايطلبونه في الجوازات لانك ماوصلت لهم الا وهم عارفين ان عندك الي مكفلك سواء حساب بنكي او ضمان مالي

الي يطلبونه .. جوازك ( عشان الفيزا ) والقبول الدراسي ( بكيفك عطه الي تبي ) وبيسئلونك وين رايح تسكن ( سؤال روتيني )
وبعض المطارات يسئلون كم عندك مبلغ كاش ( بجيبك مو في البنك ) ..
تراهم حبيبين هنا لكن انت خلك نظامي .. اذا فيزتك من 6 شهور واقل عطهم قبول ابو شهرين .. واذا فيزتك اكثر من 6 شهور عطهم ابو سنه ..

بيني وبينك انا ارد ولاني فاهم وش تبي بالضبط احسك مخوفك روحك زياده عن اللزوم .. عموما لو ردي مافهمته وضح طلبك وبيجيك ردي باذن الله ..


بالتوفيق ..

وعليكم السلام ورحمة الله وبركاته ..

اذا قصدك انا اشوف لك شي شخصيا ودي لكن انا مانيب ساكن في فانكوفر ..

بس بعطيك طريقه تغنيك عن اي احد .. هذا الموقع كل 10 دقايق ينزل شقه للايجار بفانكوفر كلها .. انتي ادخلي ع خريطة قوقل .. واختاري وصف بيطلع لك مكانين .. الاول تحطي فيه عنوان الجامعه وتلاقينه بالقبول عندك والثاني حطي فيه العنوان حق الشقه الي شفتيها وعجبتك ( طبعا الشقق الحين بحط لك موقع نشيط جدا وحلو والوحيد الي انصح فيه .. وبيعطيك كم المسافه بينهم وكل التفاصيل الي تحتاجينها )

2 bedroom / furnished condos for rent in Greater Vancouver Area. apartments, lofts, furnished, unfurnished rentals on Kijiji. Free Classifieds.

الموقع محدث وبتلاقي فوق 300 صفحه كلها شقق غرفتين وكل كم دقيقه ينزلون شقق ( حددت لك )

بالتوفيق ..

اذا فيزتك من 6 شهور واقل عطهم قبول ابو شهرين .. واذا فيزتك اكثر من 6 شهور عطهم ابو سنه .. هذي الجمله اللي كنت ادور لها ..

معنى كلامك انه مافيها شي لو يكون معايا قبولين؟؟

شكرا جزاك الله خير