اي سؤال عندك (اطرحه هنا) المقابل (دعوة بالغيب) ..

مشكور أخوي ... ايش تنصحنا بمدينه تنفع للعوائل ...؟
مارأيك بفانكوفر ..؟
وكم من الوقت يحتاج القبول يعني كم يوم ويجينا القبول ..؟

طلع معهد تجاري وانا رايي بالتجاري معروف .. ماقدر اني امدحه نهائيا لان اغلب برامجه ترفيهيه فقط ..
باختصار شوف لك معهد جامعه افضل لك بكثير

بالتوفيق ..

العفو ..

فانكوفر من اجمل المدن الكنديه كطبيعه وجو وكل شي يخطر ببالك ..
القبول مدري وش تقصدي ..
اذا قبول جامعه ع حسب طلباتك اذا كامله تجيك باسبوعين ..
واذا انتي تتكلمي عن الانقلش ماياخذ اسبوع بس بعض المكاتب تجيبه بشهر وشهرين ..

بالتوفيق ..

thanx...so mutch

لو سمحت ابغى اعرف كيف اجدد الفيزا انا في السعودية ومنقطعه عن الدراسة. ولما اتصلت على الملحقية قالتلي اطلبي تعريف هل يكفي التعريف ولا لازم قبول معهد وزوجي نفس الشي قالتلي اطلبي تعريف لاصدار فيزتو لان مارضيت تغيرلي المحرم لاز بعد دخول كندا هل ممكن يعطونا فيزا بدون قبول. وبس بالتعريف وفي سوال ثاني معهد sfu اقدر ادخل فية وانا مستوى مبتدئ وكيف اجيب قبول فية لو تعرف احد في كندا يجبلي قبول فيه. وشكرا

أخوي خبير كندي الله يجزاك عنا بكل خير
والله يجمعك بوالدتك بالسلامة بعد ما تحقق هدفك من وجودك بكندا

والله العظيم جهد جبار يحسب لك ويعجز عنه الكثير ممن لديهم وقت الفراغ فما بالك بشخص مثلك مشغول بدراسته

لدي ثلاث اسئلة لو وقتك يسمح بالإجابة

السؤال الأول:-
أنا ناوي أسكن بهوم ستي لمدة شهر الى شهر ونصف حتى أتمكن من ترتيب سكن عائلي لأسرتي بمقاطعة Richmond
السؤال هو ما رأيك بالحجز عن طريق موقع homestaybooking هل فيه مصداقة مثل موقع booking لحجز الفنادق أو يعتبر مغامره الحجز عن طريقة وماهو الموقع اللي تنصح بالحجز عن طريقة ويعرض كامل التفاصيل عن السكن بالصور.

السؤال الثاني:-
ماهي الأشياء التي ينبغي التأكد من وجودها بالعقد قبل التوقيع سواء بالهوم ستي أو بالسكن العائلي ؟

السؤال الثالث:-
إذا وصلت إنشاء الله بفتح ملف طالب بالملحقية ولكن وصول الأهل سيكون بعدي بشهر الى شهر نصف تقريبا , كيف أقدر أضيف الأهل بالملحقية بعد وصولهم لجل تنزل لي الكافأة كاملة
وهل فيه طريقة لإضافتهم قبل وصولهم بمدة أو لابد من الإشعارأثناء فتح ملفي بمرافقتهم لي مؤخرا ؟

والله يسهل لك كل أمر عسير ويرفع قدرك ويحقق لك أمنياتك بأسرع وقت.
وشكرا

انتي لمن تقدمي ع الفيزا .. رايحين يعطونك ع اساس انك طالبه او سياحه .. صح ؟
طيب اذا ماعطيتيهم قبول كيف بيعطونك الفيزا والمده بتكون كم وايش نوع الفيزا !!
بالنسبه للتعريف وش رايح يكون مكتوب فيه .. فقط انك طالبه ؟ طيب طالبه وين؟
انتي اقري الطلبات حق الفيزا بموضوعي ..
نصيحتي انك تقدمي ع تجديد الفيزا مع القبول او اسئلي السفاره نفسها لاتاخذي بكلام ناس مجتهده ..
او تكلمي مع المشرفه عن مدى تاكدها من التعريف .. اول مرا اسمع بهالشي .. لان السفاره راح تعطيك المده واسم الفيزا ع حسب القبول .

بالنسبه لسيمون فريزر ايه تقدري تبدي فيه لكن ماعندي احد فيه قدمي اون لاين او اي مكتب بالسعوديه عندك راح يوفر لك ..


بالتوفيق لك ..

لو سمحت ياخبير كندي مارأيك في جامعة برتش كولومبيا بفانكوفر

وياك يارب .. اللهم امين اشكرك ع كلامك الطيب ..

1- الموقع معروف ماراح يكون فيه اي نصب ( لكن الخوف من الصور الي تشوفها بالموقع انها نظيفه والواقع عكس ) هالشي يصير غالبا حتى مع الفنادق الكبيره يورونك شي والحقيقه شي ثاني .. لكن دام هي مده بسيطه عادي حتى لو شي مو قد الطموح كلها فتره بسيطه وتطلع منها .. والله هذا افضل موقع عندي بحكم انه متجدد بالدقايق تنزل العروض .. Room rental Greater Vancouver Area. Roommates Greater Vancouver Area. Furnished, unfurnished, male, female, shared rooms for rent on Kijiji.ca

2- اغلب العقود متشابهه اهم شي انك ماتوقع عقد طويل المدى واذا اضطريت حاول تتفق معهم في حالة انك ماكملة مدة العقد الغرامه ماتتعدا اكثر من قيمة ايجار شهر
لان احيان يجبرونك تدفع الايجارات حق الشهور الباقيه او انك تجيب مستاجر ( شوي مزعج هالشي ) .. وكل ماقصر وقت العقد كل ماكان افضل ( لكن الباقي كلهم نفس الشي مافيه شي يخوف اشياء روتينه ) ..
لكن اهتم بعدة المطبخ والنظافه واي كسور في البيت .. تسجلها عشان لاجيت تطلع من البيت كل شي واضح مايتبلون عليك ..

3- عادي تفتح لهم زي مافتحت لنفسك لكل شخص سواء مرافق او مبتعث فتح ملف مستقل .. مستحيل تضيفهم قبل الوصول لانهم يطلبون ختم الدخول الى كندا ( من مطار كندا ) يعني لابد من وجودهم ..

اعتذر انا مو بيومي اذا ردودي مافهمتك الي تبي .. فاذا فيه شي ثاني اكتب لي ..

بالتوفيق ..

الف الف شكر

الا كفيت ووفيت

وإذا مو بيومك بقول لك ( الله يشرح صدرك ويزيل همك وينور دربك ويلهمك الطريق الصحيح ويوفقك وين ما تروح )

من جد ساير مثل الأخ لك شخص سألك
الله يجزاك بالخير عن كل شخص مر على موضوعك أو إستشارك