اي سؤال عندك (اطرحه هنا) المقابل (دعوة بالغيب) ..

اخول سؤالي لك كم ادفع للسفارة ( فيرا موقتة / لوحدي طبعاً / دخو مره واحدة ) هل ادفع 150 دولار او 75 دولار ؟

THE RECEIVER GENERAL FOR CANADA

متى ادفع ؟ وكيف يعرفون ان المبلغ من عندي؟ هل ادفع اذا ارسلت للسفاره والا اقبل والا كيف واي البنوك افضل ؟ وهل عطي البنك فقط هذا الاسم ؟


---
ايضا هل يلزمني كشف من المستشفى؟ اذا كانت الاجابه بنعم.. هل هتاك مستفيات محدودة؟ والا اي مستشفى حكومي؟


وشكرا جزيلاً لك

السلام عليكم الف شكر غلى هذا المجهود يجعله في ميزان حسناتك ارغب في السؤال عن معهدVANCOUVER ENGLISH CENTERهل هو معهد يتبع لجامعة معينة وهل من الممكن ان اتحصل على قبول اكاديمي بعد ان اتخرج منه مباشرة كما ارغب في السؤال عن التخصص في مجال القانون ان معدلي جيد ونسنتي 67% هل يمكنني دراسة الماجستير ومشكور مقدما

وعليكم السلام ورحمة الله وبركاته ..

لا هذا معهد تجاري مايتبع لاي جامعه ( بعض المعاهد يقولك رايحين نحولك للجامعه لكن بعد ماتجيب اختبار التوفل .. لكن هذا الشي بديهي يعني تعتبر خدعه تسويقيه لا اكثر ) .. لا ماتلقى قبول مباشر ..

الماجستير بهذه النسبه صعب جدا لان طلبهم 4 - 5 ( 80% ) لكن يعتمد اذا كان عندك خبره او لا خصوصا ان القانون جدا تخصص قوي بكندا ..

بالتوفيق ..

75 $ .. Visiting Canada: Temporary Resident Visas – How to apply رقم 4

انت مين عبى لك الاستماره ؟؟ هذي المعلومات كلها تلقاها في الاستماره نفسها .. طبعا تدفع مع التقديم كله بملف واحد .. وتكتب الشيك باسم السفاره الكنديه ويحددون لك البنك ..
غالبا البنك يكون الهولندي تلقاه موجود في حي السفارات نفسه .. لادخلت البنك قوله ابي هالمبلغ للسفاره الكنديه وهم يعرفون وش يكتبون ..

الكشف للي جايين دراسه السياحه او اقل من 6 شهور مايطلبون هالشي منهم .. وفي حالو طلبو هم الي يحدوون ..

بالتوفيق ..

السلام عليكم
انا طالب في السنه التحضيريه في الجامعه الاسلاميه
لكن ودي اطلع على حسابي وادرس لغه وبعدها احول على حساب الدوله هل استطيع التحويل ولا لا ؟؟ وكم تكلفة السنه الاولى ؟؟
علما اني قدمت على نظام الابتعاث ورفضوني مع ان نسبتي ( الثانويه 91% ؛ القدرات 83% ؛ التحصيلي 74% ) وانا خريج سنة 31\32 هـ

مشكور مقدما ...

الله يجزااك الف الف خير الله الرد .. انا اللي كتبت الاستمارت والان اجهزها حتى اسلمها لارامكس ..

يعني مطلوب مني فقط 75 دولار .. هل بنك الرياض يسويها لي ؟ لاني مو بالرياض ..

ياليت تصحح لي لو خطأ كلامي .. اروح للبنك واقول لهم ابغى شيك لهذا الاسم THE RECEIVER GENERAL FOR CANADA بمبلغ 75 دولار صحيح كلامي ؟

- فيزتي وش اسمها بالضبط احترت بصراحه ( انا سفرتي اقل من 6 شهور ) هل اسمها tourist او VISITOR او كلها نفس الشي .. في الاستمارت مره يمر خيارات فيها ( BUSINESS - OTHER - tourist ) اختار انا tourist.

واحيانا في استمارات ثانيه يجيني VISITOR هل كلها نفس المعنى و تمشي ( *انا سجلت بمعهد فقط 6 اسابيع اثناء زيارتي لكندا يعني منها زيارة كندا واتعلم لغه كم اسبوع .. و جاني قبول بالمعهد

الحمدلله ) << وطبعاً سأرفق ورقه القبول مع الاوراق للسفارة


-- بالنسة لكتابة اسماء العائلة .. انا كتبتهم بالانجليزي هل يكفي؟ بحسب خبرتك .. والعربي وين اكتبه pdf ما قدرت اكتب فيه عربي ..

-- هل يلزم كشف حساب؟ اللي عرفته من الاخوان بما اني سعودي فقط اجيب تعريف بالعمل ( فقط شفرتي 3 شهور تقريباً ) وش رايك اخوي؟




الله يسعدك وين ما كنت اخوي خبير كندي .. الله يوفقك يارب . ( أحتاج نصيحتك )

وعليكم السلام ورحمة الله وبركاته ..

التحويل عاده ياخذ من 3-6 شهور في كندا ( لكن مافي شي مضمون ابدا ) .. التكاليف اقرا اخر 10 صفحات بتلاقي كذا رد يخص التكلفه ..

بالتوفيق ..

وياك اخوي ..

ايه هذا المطلوب .. وماعندي خلفيه عن بنك الرياض لكن تقدر تسويها في الاهلي ( واذا ماعندك الاهلي مر ع بنك الرياض وتاكد بنفسك هو كله شيك ) ..

بالضبط هذا الي تقوله صح ( البنك اصلا يعرف هالشي حتى بدون لاتقوله يعني بمجرد تقولك شيك للسفاره الكنديه رايح يعرف وش يكتب وانت تحدد السعر ) ..

ترجم الكلمتين وشوف وش تطلع لك .. وعطني خبر .. عموما كلها نفس المعنى ( بس ابعد عن توريست .. اخاف تتوهق بالنطق وتجيب العيد لان الكلمه الشينه قريبه منها .. عاد بتطلع تحفه وقتها ) ..

الاسماء المهم تكتب وبالانقلش اهم .. مايحتاج بالعربي

عجبتني بما اني سعودي هههه .. يارجال جبلهم كشف حساب دسم لايصكونك برفض ماشي 2000 .. يطلبون كشف حساب كندا كل همها بالفيزا انها تضمن انك بترجع ديرتك .. فلو ماوريتهم انك مرتاح ماديا بيقولون طمعان فيهم ..

بالتوفيق ..

ئلت الاخوان اللي باستفسارات الفيزا وقالوا ما تحتاج كشف حساب لست شهور ( لاني موظف) فقط احتاج ورقه من العمل

هل انت متأكد من كلامك اخوي ؟


تورست هي تجي بالاختبارات ومايفه بديل عنها يا

اخوي لاتنسى اني 3 شهور يعني ما رايح اطول ..