اي سؤال عندك (اطرحه هنا) المقابل (دعوة بالغيب) ..

الله يوفقك يا رب ويحفظك وين ما تروح .....بغيت اتأكد هل القبول المشروط يكون في الهندسة الكيميائية ...

اخوي .. وياك يارب

الجامعه تعطي القبول لكن صدقني هالموضوع مو مضمون .. انا قدمت ع 12 جامعه قبل 8 سنوات .. وجاني 5 قبولات مع العلم ماينقصني الا الانقلش وقتها ..

فلهالسبب مقدر اقولك رايحين يقبلونك او لا .. فيه امور كثيره تحت النظر ( سعة الجامعه.. المنافسه .. يعني الي قدمو قبلك ممكن افضل كدراسه وخبرات .. المدارس الي تخرجو منها ) ..
عشان كذا نصحتك قدم ع اكثر من جامعه وانت بيجيك الرد ( انا جاني قبول من جامعه ماتوقعت ابدا تقبلني ,, والله حظوظ ..)

بالتوفيق ..

ياخي قول امين الله يوفقك وييسر لك امرك ونشوفك في ارقى المناصب ....كلمة شكر لن توفيك حقك ايها الخطير المثير الخبير الكندي *_^

الله يوفقك ... الكشف الحساب 3 او 6 شهور ؟

اميييين .. يارجال ماخلاني اكمل هالموضوع الا من بعض الاعضاء الي يدعون .. يارجال بالغربه طعمها ثاااااني .. الله يعطيك كثر ماتنوي لي بكثير ..

شكرا ع الكلام الاكثر من رائع ..

بالتوفيق ..

- - - مشاركة محدثة - - -

الجميع يارب ..

المذكور 6 شهور .. بس لاتدقق كثير عطهم الي عندك والباقي ع الله .. اترك الخوف ووكل ربك ..

بالتوفيق ..

سؤالي لك / هل بالطياره يعطوني ورقه؟ اواي شي اكتبه لهم ؟

رحلتي ربما تكون من الرياض الى / لندن ومن ثم الى كندا (كالجري) .. دخولي عادي ( احمل فيزا دخول سياحية مرة واحده) ما يصير فيه مشاكل؟ مثلاً دخولي الى لندن؟

الله يسهل يارب .. ويوفقك اخوي .. الله يرزقك اللي تتمنى وشكرا لك تعبتك معي .. انا رايح اقدم اوراقي للسفارة بتاريخ بشهر 12 ميلادي والله يسهل

اي .. معلومات روتينيه واي اكل او تبغ تكتبه .. ( تاخذ الورقه الي بتكون في اخر طياره فقط حق كالقري )

لا مافيه مشاكل ..

وياك يارب .. توصل بالسلامه ..

بالتوفيق ..

الله يعطيك العافيه

كنت حابه اسال انا بطلع مع الوالد ان شاء الله
يعني هو مرافقي
ايش نوع الفيزا الي يقدم عليها هو ؟؟

الله يعافيك ..

اعشق هالنوعيه من الاباء بشكل ماتتصورينه <<< لو جايه للمدينه الي انا فيها راح اجهز لكم كل ماتحتاجونه من الالف الى الياء لعيون هالاب الله يحفظه لك .. بكل ماتعنيه الكلمه كل شي يعني كل شي
والله ماعمري سويتها بس احترام للوالد ..

بالنسبه للفيزا غالبا الناس تقدم ع سياحه لمدة 6 شهور بس يواجهون صعوبه بالتجديد ..
انصحك انك تجيبي له قبول انقلش .. ويقدم ع ااساس انه بيدرس ( فرايحين يعطونه زيك ) اقل شي سنه ..

جلست اقرا شوي في موقع الحكومه الكنديه وبالضبط قبل شهرين كندا سمحت للتجديد بالنسبه للفيزا السياحيه ( كان ممنوع تخلص ومافيه تجديد ) ..
هذا موقع الحكومه http://www.cic.gc.ca/english/visit/extend-stay.asp
لكن ارجع واقول بدال ماتجلسي كل شوي تجددي جيبيله قبول انقلش وطلعي له فيزا طالب ..

عفوا .. انتي رايحه ع كوبيك ؟ اذا تخصصك فرنسي فبالتوفيق .. واذا غيره او تبحثي عن اللغه الانقليزيه فلي تعقيب ..

وانا جاد بعرضي ..

بالتوفيق ..

اسف ضايقتك وازعجتك لكن لن انساك من دعواتي ..

مثل ايش الاسئله ؟

وايش تقصد ب الورقه حق كالقري؟