اي سؤال عندك (اطرحه هنا) المقابل (دعوة بالغيب) ..

شكر لك اخي كندي
بس كم سنه ادرس بكالريوس صيدلي كم 5 او 4 سنوات انا معاي دبلوم فني صيدلي
كم حدود لغه وسكن فقط في شهر بريال سعودي كمعدل متوسط

العفو ..

على حسب كم ماده تنزل بالترم الواحد .. وهل انت رايح تكمل على الدبلوم او بتبدا من جديد ..
اللغه احسب لكل شهر الف دولار .. والسكن من 700-1000 دولار لكل شهر ..

بالتوفيق ..

سلام عليكم
اخوي ابغى اسأل كيف القبول ماستر في جامعه يو بي سي هندسه كيميائيه انا حمدلله معدلي طيب في البكالوريس بس عندي مشكله اللغه سجلت بمعهد الجامعه بس ابغى اعرف هل لي الاولويه اني انقبل بالجامعه بعد الانجلش؟؟؟؟ وكيف قوه الجامعه ذي من ناحيه الدارسه والبحث؟؟ ارجو التفصيل شكرا

حبيبي انت بالجامعه نفسها معقول صعب تروح تسئلهم بنفسك ؟؟

عموما هم عندهم ليفل لو تخلصه يصير يساوي الايلس ..لك الاوليه لكن بنفس الجامعه فقط يعني ماتقدر تروح لجامعه ثانيه
وانا اشوفه هدر للوقت ع الفاضي يعني لاتفكر بغير الايلس او التوفل ..

البحث ادخل ع تخصصك في نفس الجامعه ويكتبون لك كل دكتور وش ابحاثه وانت الي تبيه تقدر تختاره ( الافضل تزور قسمك وهو يعلمك لانه راح تكتشف اشياء كثيره انت غافل عنها وبتكون واقعيه وامامك ) ..

انا اغلب موضوعي للي يحتاجون فقط للمساعده بالسعوديه ولا المواضيع الصعبه .. لاتزعل مني بس انت لازم تروح للمبنى الخاص بتخصصك افضل لك بكثير من الف سؤال في النت . .

بالتوفيق ..

السلام عليك اخي خبير كندي
انا اختكم مبعثة جديدة من طرابلس-ليبيا و بأذن الله جاية فانكوفر نهاية 12 في الحقيقة انا و زوجي حنقرا ب ال UBC , و عندي بنت عمرها سنتين ......طالبة منكم خدمة و انشاء الله بميزان اعمالكم لو في اي احد منكم يعرف ايجار شقة كويسة و سعرها معقول في حدود 1000$ و مش بعيدة كثير عن الجامعة
انا شفت بالكريق ليست حسيت انه منطقة Marpole معقولة انتم شن رايكم ؟ و ثاني شي ابي حضانة لبنتي كويسة و سعرها معقول تدخل فيها على طول لانه دراستي انا و زوجي ESL تبدا 7/1 ما ابي اقعد حايرة و ادور ؟

و شكرا جزيلا

جزاك الله خير حبيبي بس انا باقي بالسعوديه مارحت لكندا........مكن مااكون فصلت في ردي بس لن اكون بهذه السذاجه اني اسأل وانا وسط الجامعه!!!!!!!!!

انا فعلا سجلت بالمعهد بس دراستي على بدايه مارش وانت طيب

وعليكم السلام ورحمة الله وبركاته .. الله يحفظ لك بنتك ..

انا حاط مواقع ايجار شقق في اول صفحه من الموضوع ادخلي وشوفي عنوان الشقه .. وادخلي ع قوقل ماب ( شرحت هالشي قبل اسبوع تقريبا باخر الصفحات ) ..
تحطي عنوان الشقه وعنوان الجامعه وبيعطيك المسافه بينهم بالضبط .. ( الاسعار رايحه تطلع لك في نفس الموقع واهمهم Kijiji ) ..
الحاضنات ع حسب الشقه ( بعد ماتطلعي الشقه رايحه تلاقي حاضنات بكل شارع الموضوع بسيط .. والاسعار تقريبا نفس بعض .. الا اذا لقيتي عربيه ممكن تعطيك سعر افضل ..انصحك بمراسلة النادي السعودي في فانكوفر وتتكلمي مع العوائل رايحين يفيدونك بشكل اكبر مني ..
بصراحه ماعندي خلفيه عن المناطق لاني مو ساكن في فانكوفر .. لكن توكلي ع الله وخذي عقد شهري في حال ماعجبك تقدري تغيري الشهر الي بعده ..

بالتوفيق ..

هههههه والله ماكذب عليك تنرفزت بالبدايه بس حاولت اني اصير محترم قدر الامكان لاني توقعتك موجود بالجامعه نفسها ..

اعتذر اخوي ع الجفا الي بردي الاول ( ولو اني حاولت اكون تمام ) ..

طيب ياغالي اول شي اهتم بالمتطلبات .. يعني الانقلش والمعدل والتوصيات وهالامور كلها .. الشي الثاني ركز ع التخصصات الي عندهم في تخصصك واقرا كل دكتور وشي ابحاثه عشان تتواصل معه بشكل خاص بينكم ..

القوه ماعليها خلاف بس المهم هل بتفلح ؟؟ انا بعطيك اقسامهم وانت حولها للعربي واقرا كل شي موقعهم فصفصه صدقني بيغنيك عن الكل وبيفتح عقلك ع الكثير ..

https://www.grad.ubc.ca/prospective-...oup-prog-facts

بالتوفيق ..

السلام عليكم ورحمة الله وبركاته
صباح الخير يااستاذي بغيت اسال وياليت القى اجابه
انا ماعرفت اقدم ع جامعة UFT وابي تخصص تحليل الشخصيه بالرسم ومااعرف شنو اسمه بالانجليزي
بليز اتمنى تساعدني الله يجزاك خير ويوفقك...

وعليكم السلام ورحمة الله وبركاته ..

عفوا هل اسم التخصص بالعربي كذا بالضبط ؟

والله تحمست اني اعرف عنه اول مرا يمر علي ( عندي خلفيه عن كل التخصصات تقريبا لكن ذا خوفني شوي هههه ) ..

ياليت تعطيني اسمه بالعربي بالضبط لاني سويت بحث بالانقلش ولا طلع لي .. وسويت بالعربي كمان ماطلع شي !!

واذا اسمه كذا بالعربي عطيني اي جامعه عربيه ( موقعهم الاصلي ) فيها هالتخصص لاني ابي اقرا عنه شوي واحاول اترجمه انقلش واشوف ..

بصراحه تحمست ..

يالتوفيق ..