اي سؤال عندك (اطرحه هنا) المقابل (دعوة بالغيب) ..

السلام عليكم ورحمة الله وبركاته الله يعطيكم العافية
انا طالب سعودي متخرج من الجامعة العربية المفتوحة فرع البحرين و تخصصي IT جيت ابغى اصدقها من التعليم العالي السعودي يقولون شهادتك مو معترف فيها
هل اقدر ان اخذ دبل ميجر بنفس التخصص ويعادلون لي اياها في جامعات برا مثل امريكا وغيرها ؟ و اذا عادلوها اقدر التحق بالبعثة او لا؟
بمعنى اخر اني قبل لا اطلع برا اعطي التعليم العالي خبر اني بادرس بكالوريس بواسطة شهادتي الثانوية واطلع للجامعة اللي برا اعادل شهادتي اللي اخذتها من الجامعة العربية المفتوحة وبهذا انا عادلت ساعات كثير و يمكن تكون مدة دراستي حوالي السنة
الله لا يهينكم ابي رد على هذا الموضوع ضروري
وشكرا

لو سمحتوا انا خريجه قسم انجليزي
هل يوجد تخصص لغويات "انجليزي" في جامعات كندا
وأيش التخصصات الموجوده طبعا أقصد التخصصات التابعه لقسم الانجايزي"ادب-ترجمه-لغويات"

وابغى اعرف ايش نظام الدراسه لان بعض الجامعات نظام بحوث وبعضها كورسات وأخر شي تقديم بحث
ومشكـــــــــــور أخوي واتمنى تفيدني

منهم الي بياخذو !!؟ الحل الوحيد لك انك تخلي محرمك يتساجر فان وتنقلوها بنفسكم ماتاخذ اكثر من 100 دولار ..
الشقق كثيره بس انتي حددي شتبي ؟
فيه 8 اسابيع و 16 اسبوع .. نفس الشي بالضبط كلهم ..
الجميع يارب ..

بالتوفيق ..

لو تكتبي اسم التخصص بالانقلش يكون افضل .. لكن اذا التخصص انقلش فهو موجود بالجامعات الكنديه ..

بالتوفيق ..

انتي رديتي على نفسك فعلا الجامعات هذي نظامها وتفرق على حسب الجامعه ومن تخصص لتخصص ومن دكتور لدكتور ..

حددي الجامعه الي تبينها ومنها تقدري توصلي لاجوبه للي تبي ..

بالتوفيق ..

وعليكم السلام ورحمة الله وبركاته ..

دام السعوديه ماعترفت فصعب برا يعترفون فيها .. لكن جرب انك تعادلها وشوف وش يقولون لك مع اني اقولك الاغلب ماراح تقبل ..
حتى لو اخذت دبل ميجر مابتعطيك الا نفس الجامعه الي انت درست فيها فلاجيت تقدم او تعادل بتواجه نفس المشكله ..

بالتوفيق ..

سؤال قد سألته بس مالقيته مدري وين طار

قبول معهد اللغة الحمد لله وصلني ع الايميل وناويه خلاص ارسل اوراق الفيزا
هل يكفي اطبع القبول اللي وصلني والا لازم ارسل للمعهد يرسلون اصل القبول على عنوان فيدكس اللي عندنا

معليش انا سألت لان ناس قالي لازم تطلبي قبولك الاصل وناس قال لا يكفي اللي ارسلوه ع الايميل

اعطوني من تجاربكم هل لازم اطلب القبول الاصلي عشان الفيزا او عشان اي اجراء ثاني للمطار او قرار الابتعاث والا مو لازم
والا عادي ما اطلبه واسافر بدون اصل القبول

شكرا لك اخوي
اسم التخصص linguistics طبعا هو احد فروع قسم اللغه الانجليزيه
وابغى اعرف هل هو موجود في جامعات كندا والكادر اللي فيه قوي
انا سمعت ان هالتخصص موجود في احدى جامعات امريكا بس انا ابى اعرف هل هو موجود بكندا لاني افضل كندا
وشكراا لك اخوي

أخوي خبير كندي اسفه ع الازعاج عندي سؤال
لهجة سكان كندا مثل لهجة الامريكان ولا البريطانيين
هالموضوع شوي مزعجني..

واسفــــــــــــه ع الازعاج