اي سؤال عندك (اطرحه هنا) المقابل (دعوة بالغيب) ..

اخوي الله يعطيك العافيه لكن رسالتك الحروف ماهي واضحه جايتني مربعات ممكن ترسلها خاص لاهنت

اذا مشكلتك في المصطلحات .. لاتعتمد ع حفظ الكلمات بقدر ماتعتمد ع فهم القواعد .. انت ركز ع القواعد لانه ممكن فعل واحد يلخبط عليك الجمله كامله وتعمي عليك المعنى الحقيقي للجمله.. بعد هالشي حاول تفهم معاني الكلمات من موقع الاستخدام للكلمه .. لانه كثير من الكلمات تستخدم في مواقع مختلفه بمفاهيم مختلفه ..

النقطه الثانيه حاول انك تركز ع تكرار القراءه بالبدايه اجعلها مسح سريع ع الجمله وافهم المضمون الكبير وبعدين فصلها .. متعبه جدا بالبدايه لكنها فعاله ..

لو تمر عليك جمله تحس فيها بمشكلتك الحاليه اكتبها وانا اشرح لك الي اقصده بكلامي ( انا اتكلم عن مشكله يعانيها انسان متقدم وضعه في اللغه ) ..

حاول بالاخير ع كثر القراءه الجمل القصيره والسهله مع الوقت راح تلاحظ الفرق وعليك بقصص الاطفال بعدها بالمقالات الصحفيه ..

بالتوفيق ..

مشكور اخوي وراح اطبق نصايحك

عشان احطك بالصورة مثلا قبل امس جاتي ايميل مت جامعه فكتوريا حول الجيمات وكذا اللي طلبت منك ترجمتها وانا أقرأها اعرف معاني الكلمات بالعربي وكذا احاول اترجمها بالعربي حتى افهم مضمون الرساله

بالمختصر انا ترجمتي وفهمي للكلمات اما كترجمه نص قطعه كامله جالس احاول اتدرب عليها حتى اتخطاها

( تمت المشاركة باستخدام تطبيق مبتعث )

فهمت عليك ..

طبق الي قلت لك عليه وباذن الله راح تشوف الفرق المهم ركز ع القراءه ..

بالتوفيق ..

السلام عليكم اخوي ومشكور على لطرح وكثر الله امثالك / ياليت اخوي تفيدني بافضل الجامعات فيها هالتخصص والقبول فيها سهل أمن المعلومات ( information security ) فياليت تفيدني ايش افضل جامعه فيه لاني بحول من الدوله الي انا فيها عشان هالتخصص

هذي الجامعات لكن حط بالحسبان صعوبه الدراسه ..

Toronto

Alberta

British Columbia British Columbia


تعتبر من اقوئ الجامعات الكنديه ..

بالتوفيق ..

جزاك الله الجنه اخوي وسهل لك كل امر

بواقع خبرتك احتاج نصيحتك اي الخيارات للطالب في السكن لكي يكتسب اللغه بشكل ممتاز ويختصر الوقت مع مراعاه المكافأة

1/ السكن مع عائلة داخل الجامعه
2/السكن مع عائلة خارج الجامعه
3/ سكن بغرفه منفرده
4/ سكن مع طالب او عده طلاب

بالنسبة لي انا رغبتي اسكن مع عائلة كندية الاصل بس معرف كيف احصلهم غير كذا بحاول انعزل عن الطلبة العرب والسعوديين في فتره اللغه قدر الامكان حتى اتمكن من اللغه واتجاوز الاختبارات ان شاء الله

( تمت المشاركة باستخدام تطبيق مبتعث )

ع خياراتك السكن مع عائله .. لكن انا اشوف تسكن بالسكن الجامعي افضل بكثير من العائله في حال انك انسان اجتماعي وتحب تسولف ..
العائله صعب جدا تطيح ع ناس يعطونك وجه الا اذا ام العائله ماتشتغل وعندهم اطفال ،لاهيب نفسيه ..

السكن بالحرم الجامعي مع طلاب راح تحتك بشكل اكبر وسوالف كثيره ..

بالتوفيق ..

اخوي انا بحثت بالنت وقالو لي هالجامعا ت



Centennial College
RCC Institute of technology
Niagara University

بس اللي قريته ان السكن بالجامعه غالي مقارنه بالسكن خارج الجامعه وماني عارف انت قصدك سكن بالجامعه مع طلاب ولا عوائل داخل الجامعه

وتبي الصدق انا شخص ما احتك كثير تقدر تقول فيني انعزالية وانطوائية شوي فما تفرق معاي سواء مع عائلة او سكن طلاب بس الاهم ابعد عن العرب نهائيا

( تمت المشاركة باستخدام تطبيق مبتعث )