اي سؤال عندك (اطرحه هنا) المقابل (دعوة بالغيب) ..

طبعا الخيارات متعدده بس انت قلت تبي جامعه محترمه ..
انت جايب جامعه لاتذكر بالرانك العالمي وجايب كليه ومعهد!!

عموما اخوي انت شوف الي يصلح لك والخيار يبقئ لك ..

بالتوفيق ..

صحيح يعتبر اغلا خصوصا انت بتتكفل باكلك .. لكن الافضل بدون منازع ..
ودامك انطوائي راح تتعب كثير خصوصا بالغربه .. فحاول انك تبدا بكندا بشخصيه ثانيه بالقليله الين تاخذ الي تبي لانك بهالحال راح تكره البلد وتدخل بنفسيات مالها داعي ..
بعدين اترك العقليه الي تقول لاتخالط عرب عشان اللغه !! العكس لازم تختلط معهم لانه عامل نفسي مهم بالغربه راح تحتاجهم كثير .. لكن انت ادرس بالمعهد ٨ ساعات .. في البيت ٣ ساعات .. والويكند خله راحه .. كندا مايبيلها نهائيا النفسيه ..

بالتوفيق ..

تسلم ع النصائح الهامه لكن عتبي عن النوادي اللي بكندا تقول ضعف مستوى الطلبة في الايلتس واللغه بسبب مخالطتهم للطلبة السعوديين بكثره هذا كلامهم عشان كذا احنا المستجدين حايسين شوي من ناحية تحسين اللغه بفعالية وترا ماهي فكره نفسية وكذا بس تعرف كطلبة مستجدين لازم نتعرف على افضل الخيارات الموجودة من واقع خبره الطلبة المتواجدين من فتره طويلة ليكزن الطالب ع بصيره ويعرف وش يبي بالضبط

وبيض الله وجهك

( تمت المشاركة باستخدام تطبيق مبتعث )

النوادي المفروض يوضحون العيشه مع السعوديين !! لانه فعلا فيه شباب جيتهم لكندا كانها طلعه استراحه ولا كشته بر !!
العكس اختلط وسولف وانبسط لكن خليك ذكي واعرف تقسيم وقتك ..

بالتوفيق ..

السلام عليكم ورحمة الله وبركاته
اخى الكريم
زوجتي مبعثة للدراسة القانون ماجستير وهى ضعيفة في اللغة الانجليزية ووحائرة بين الدراسة فى جامعة فكتوريا وجامعة بريتش كولومبيا ايهما انسب لها من حيث نسبة القبول
واى المدينتين انسب لنا كعائلة من حيت السكن والمعيشة بصفة عامة
وشكرا لك وبارك الل فيك


Sent from my GT-I9300 using مبتعث mobile app

وعليكم السلام ورحمه الله وبركاته ..

بشكل عام الطلبات نفس الشي بالجامعات ..

بالنسبه للاجواء العائليه يحددها انت مثلا :
فانكوفر : مدينه كبيره .. صرفيتها اكثر .. صخبه جدا ..
فكتوريا : صغيره .. اجوائها دراسيه .. التمشيه فيها محدوده .. صرفيتها اقل .. ممله

بالتوفيق ..

السلام عليكم اخوي خبير

عندي سؤال مهم واتمنى تطمني بإجابه اكيده حول تعامل الجامعات الكندية مع موضوع التوصيات وما ادراك ما التوصيات

حقيقة في في جامعه الملك عبدالعزيز في انواع للتوصيات مثل الجدول يأشر فيها الدكتور جيد او غير جيد وتعتبر تقليدية

وانا اخذت توصيتين بس مختلفه عن اللي فوق وهي عباراة عن قطعة براجراف قصيرة بالانجليزي فيها وصف باسمي والماده ورمز الدرجه اللي حصلت عليها وتحت اسم الدكتور ومعلومات الاتصال وعليها توقيع الدكتور وختم القسم نفسه والتوصيه مطبوعه على ورقة رسمي الخاص بالكلية

سؤالي / هل هالاسلوب من التوصيات يقبل في الجامعات الكندية ؟

ملحوظة : في بعض الدكاتره يقول سويلي فورما من عندك او انسخ من فورما اخرى وانا اوقع عليها

سؤالي الثاني / هل لو خليت جميع التوصيات بنفس الصيغة واغير بيانات الدرجة والمادع والدكتور تؤثر على قبولي بالجامعات والمعاهد الكندية او ان النظام هناك لازم كل توصية مختلفه عن الاخرى ؟

للعلم / انا مرشح لدراسات عليا

السموحة على الاطاله بس هالموضوع شاغل عقلي بالحييل 😟😟😟😟



( تمت المشاركة باستخدام تطبيق مبتعث )

السلام عليكم ورحمة الله وبركاته ..

اخوي ( خبير كندي ) .. بارك الله في جهودك .

انا شخص ببتعث لكندا ماجستير عما قريب اتمنى من الله انك تفيدي وتعطيني جواب كافي ..
بشرح لك وضعي بالتفصيل الممل وابي منك ( فضلا لا امرا ) جواب ملل , ندخل بالتفصيل :
1- انا بأذن الله راح ابتعث لكندا لا اعرف احد لا من قريب ولا من بعيد نهائيا ..

2- دائما يحيرني ويشغل بالي اول ما انزل من باب الطيارة لدولة كندا من يوجهني ومن يعلمني وين اروح ووين اجي باللحظه هذي لاني انا حصيلتي باللغة الانقليزيه بسيطه جدا

3- انا ابي اسكن عند عائلة عشان اكتسب اللغة بشكل سريع بمدة لا تتجاوز 6 اشهر لكن هل الملحقية تنسق لي مع عائلة اسكن معها ولا انا انسق مع عائلة وكيف ؟؟؟؟

4- يا اخي العزيز ابي منك تعلمني وش المدينه الي تناسب وضعي وحالتي .. ابي نصيحة منك بما انك خبير

وصلى الله على نبينا محمد وعلى اله وصحبه اجمعين ..


ولك دعوة خاصة بظهر الغيب بالثلث الاخير من الليل وشكرا

وعليكم السلام ورحمه الله وبركاته ..

التوصيات في اغلب الجامعات الكنديه تتم ع ورق خاص في الجامعه نفسها .. بمجرد تختار الجامعه الي تبي تقدم فيها يعطونك اوراق وانت ترسلها للدكتور يكتب فيها براقراف صغير ويشرح فيه شوي كلام عنك ويختم بالشمع الاحمر ولايفتح الا من قبل الجامعه نفسها .. بعض الجامعات تقبل بالتوصيات الي انت جايبها معك عباره عن بلغراف يكتبه عنك واسمه وطرق التواصل مع الدكتور ..

الي يقولك اكتب لي الصيغه اكتبها له وهو يوقع عليها عادي بس من الكسل الي فيه .. الله يفكنا شر الكسل ..

ماتقدر تخلي جميع التوصيات بنفس الاسلوب وقتها بيقولو انها مزوره ..

بالتوفيق ..

وعليكم السلام ورحمه الله وبركاته ..
لاتخاف الموضوع جدا بسيط بس حط براسك انه فيه بنات انا شخصيا اعرفهم سووها وبالحالهم كانو فمابالك انت كرجل .. ماتريق بس اوبي اعطيك صوره مبدئيه ان الوضع مو بالصعوبه الي انت متخيلها ..

١- وضح وش المطلوب مني وانا اخوك ..

٢- اول ماتنزل امشي مع العالم لان اغلبهم بيكونو رايحين ع الجوزات وانت بتلاحظ بنفس الطريق الي الناس ماشيه فيه كلمه immagraition اتبعها الين توصل لهم وتصف سره ويختمون جوازك بهاللحظه جهز ( جوازك + القبول + الورقه الي بتجيك من السفاره + مقر سكنك ) وبالطياره عبي الكرت اي شي اعلنه المهم لاتجيب معك تبغ او مبلغ يتجاوز عشره الاف دولار كاش .. اول مايختم جوازك تطلع وبتستقبلك العائله ..

٣- الملحقيه مالها دخل .. انت عن طريق النت او عن طريق المكاتب السياحيه يأمنون لك عائله مع الاستقبال من المطار ..

٤- اذا انت من النوع الي يطفش ويحب الطلعات لاتخلي خياراتك تبعد عن تورونتو او فانكوفر
اذا كنت تبي تدرس ولايهمك المدينه فخياراتك واسعه .. فكتوريا .. واذا البرد مو مشكله عندك كالقري او ادمنتن .. لكن انا انصحك بتورونتو او فانكوفر عشان تتعلم فيها اسرع وتحتك بناس اكثر خصوصا انت تبي لغه ..

اللهم صلي وسلم ع نبينا محمد ..

بالتوفيق ..