اي سؤال عندك (اطرحه هنا) المقابل (دعوة بالغيب) ..

انا بولايه متشغان بمدينه قراند رابيدس ابي اسىل عن الجو والمعيشه وكم يكففيني لمده شهر وانا معي ضمان مالي وانا بمعه ELS ولا ادري هل الضمان يشمل السكن ولا لا انا اوصل لقراند رابيدس 25/5/2011 الساعه 3 ونص العصر الي يعرف احد هناك يستقبلني لاني مااعرف احد وانا خااااااااااااااااايف بالمرة لاني مااعرف احد ولاا اعرف فنادق ياليت الي يعرف احد يعطيني ايميله علشان اكلمه لاني بالمرة خايف

عزيزي انت تتكلم عن امريكا ؟

ياليت توضح لان الولايه امريكيه وسويت بحث سريع وثبت كلامي ( اتمنى تعطيني اسمها بالانقلش مع اي عنوان تملكه داخل المدينه كامل .. عنوان معهد , سكن , فندق او اي شي بس يكون كامل الله يخليك ).

لو طلع فعلا الولايه امريكيه فانت طبيت بالمكان الغلط ( هالقسم فقط لكندا ولاية البرتا وبرتش كولمبيا ) فيه اقسام خاصه لامريكا .

بالتوفيق

اخوي خبير كندي بسألك عن تخصص المختبرات في أي جامعات فانكوفر وتخصص ميكانيكا انتاج بأي جامعات فانكوفر وهل يوجد معاهد لغة بنفس الجامعات ينصح بها والا المعاهد التجارية كافيه

وشكرا

ياليت قريت الردود السابقه لان اغلبها تتكلم عن المعاهد والفروق بين الجامعيه والتجاريه.. عموما الجامعيه افضل للتاهيل لاختبارات التوفل والايلس ( وهذي الاختبارات شرط اساسي بجامعات كندا ).

بالنسبه للتخصصات موجوده في جامعة برتش كولمبيا المختبرات تحت مندرج علوم طبيه والمميكانيكا تندرج تحت تخصصات الهندسه .

بالتوفيق..

يعطيك العافيه ..

انا فيه شي محيرني برحلتنا ان شاءالله

طبعا الاقلاع من مطار فرانكفورت مكتوب : 1 و40 ق الظهر .. والوصول 2 و 45 >> وكله مكتوب بيوم 7 جون
يعني صح يصير يوم الوصول 8 مو 7 ؟؟ >>> عشان اعرف احجز بفندق

الشي الثاني انا اللي اعرفه مده الرحله من فرانكفورت الى فانكوفر تكون تقريبا 9 س و45 ق .. صح ولا انا غلطانه ؟
هذي مدتها اكثر من 9 ساعات بقوووه ...


اخر سؤال .. ماعمري سافرت ترانزيت صراحتن .. ووقت قعدتنا بمطار فرانكفورت 6 ساعات
هل اول مانوصل ان شاءالله لمطار فرانكفورت .. فيه اجراءات نسويها .. ولا عادي اخذ راحتي واروح لمصلى واتمشى وشووبينق ومطعم وقبل وقت رحلتنا نروح البوابه ؟؟
ووكم الوقت اللي يلزم حضورنا قبل الرحله للبوابه ( يعني قبل الرحله بساعه ولا بساعتين ولا بثلاث )

وكيف احجز مقاعدنا في الرحله .. لازم على موقع اللوفتهانزا ؟ ولا ينفع من المطار (( ابيها للرحلتين كلها ))

سوري طولت عليك بس معليش اول مره اسافر ترانزيت صراحتن لا و6 ساعات انتظار ..

الله يعافيك سؤال دسم اتمنى الكل يستفيد ..

1- على حسب الي مكتوب بالتذكره بالساعه والتاريخ لانه باين عليك نسيتي فارق التوقيت ( بيننا مايقارب 10 ساعات فرق حطيها بالحسبان )

2-صح عليك .. لكن زي ماقلت لك فارق التوقيت يعني ممكن بالتذكره يكون الفرق ساعتين او 20 ساعه لاتهتمي ( فقط اهتمي بتوقيت الوصول للمدينه اللي بتروحي لها )
لكل مدينه توقيت مختلف عن المدينه الثانيه لاتنسي بتقطعي قارات انتي فشي طبيعي يصير لخبطه بالوقت .. انتي اللي عليك مثلا وقت الوصول 9 اول ماتوصلي غيري ساعتك على 9 حتى لو ساعتك 1 مثلا.

3-اول ماتنزلي تروحي تدوري بوابة المغارده الى فانكوفر والمطلوب قبل الاقلاع بساعه تكوني جالسه قدام بوابتك تنتظري يفتحونها والشاشات بكل مكان بتكون جدا واضحه ( الموضوع جدا بسيط ).

4-المقاعد من تحجزي تقدري تحددي وين مقاعدك ( لو فاتك هالشي تقدري تحجزي من المطار تطلبي من الموظف اللي يعطيك البوردينق المكان اللي تبينه )
بعض الاحيان يعطونك البوردينق من السعوديه الى المانيا .. ومن المانيا الى كندا .. واحيان يقولك البوردينق حق المانيا كندا تاخذينه من المانيا لانه الى الان ماتحدد رقم البوابه ..

في حالة انه قص لك البوردينق حق الرحلتين كان بها كل شي واضح .. في حالة انه قص لك فقط السعوديه المانيا .. اول ماتوصلي المانيا تنزلي تدوري بوابتك فقط التذكره معك تروحي لاي مكتب من مكاتب الخطوط اللي مسافرين عليها بتلاقونها بكل سيب في المطار وكله موظفين .. اسئلي اي احد فانكوفر ووتورينه التذكره وبيودونك ..

اوصلي للبوابه او ماتنزلي من طيارة السعوديه ( يعني بمجرد وصولك الى فانكوفر روحي اول شي دوري البوابه واول ماتلاقينها روحي صلي وانبسطي وسوي اللي تبي وقبل الاقلاع بساعه تكوني عند البوابه )
الامر جدا بسيط المهم انه لاترتبكي وتضيعي متعة الرحله..

بالتوفيق ..

^^^
قصدك مطار فرانكفورت ..

عموووما قسم بالله دعيت لك من قلب .. الله يوفقك دنيا واخره ويسهل دراستك وترجع باحلى شهاده

جزاك الله الف خير ..

صح عليك

لالا دام هذي بدايتها فماعليك خوف ابدا ان شاء الله مركزه اكثر مني وانتي تحت الضغط ( تطمني باين عليك نبيهه ان شاء الله وماعليك خوف )

وفعلا الموضوع سهل وانتبهي تفقدي متعة الرحله وتوصلي بالسلامه ..

بالتوفيق..

السلام عليكم ورحمة الله وبركاته
اخي بارك الله فيك...
بعد البحث وجدت ان بداية السمستر القادم بعد شهر من الان في اغلب المعاهد... وانا صراحة مستخسرة اكمل هالشهر في المعهد...
لقيت معهد فان ويست بداية شهر سته عندة سمستر جديد
سؤالي بارك الله فيك: اقدر اغير اكثر من معهد؟ يعني يسمح المشرف اني ادرس بمعهد وبعد فترة اغيرة؟ ام مسموح لي التغيير مرة واحدة فقط؟

غالبا على حسب الضمان المالي متى ينتهي حق المعهد

لكن انتي جربي اللي بقولك عليه .. اتصلي على المشرف الخاص فيك وقوليله ابي الضمان المالي للمعهد فان ويست لمدة شهر او شهرين لاني بعد شهرين بنقل لمعهد جامعه ( وهو يعطيك الخبر الاكيد )

لان اللي اعرفه انا وشبه متاكد منه المهم متى ينتهي الضمان المالي وتوفر القبول من المعهد الثاني ( عموما مجرد اتصال للمشرف وقوليله هالكلام وان شاء الله بيتساهل معك لانه بصراحه شي من حقك انتي اللي بتدرسي ) .

بالتوفيق..