اي سؤال عندك (اطرحه هنا) المقابل (دعوة بالغيب) ..

الله يبارك فيك وعقبالك ان شاء الله
بالنسبه للايلتس انا متخرج من بريطانيا هذي السنه وكل الجامعات اللي قدمت عليها اعفوني منه، اختبار الجي ار اي غير مطلوب في اغلب الجامعات الكندية جامعة وحده طلبته اللي هي ميكغل وصرفت النظر عنها. جامعة دالهاوسي وكونكورديا جاني قبول مباشر منها اما تورونتو والبرتا كان عن طريق دكاتره في الجامعة راسلتهم وعن طريقهم جاني القبول. انا كنت مثلك متخوف من القبول وحسب كلام الناس انه صعب ولكن اذا كنت مطابق لشروط الدخول احتمالية كبيره بتكون مقبول باذن الله. حاول ايضا يكون لديك ثلاث توصيات قويه و معبره والبرسنال ستيتمنت لازم تكون قوية اللغه والمعاني.
انا ان شاء الله اذا حددت الجامعة اللي بروح لها بكتب موضوع عن قبولات الماستر في كندا وكيف تزيد احتمالية قبولك.... بالتوفيق
- - - مشاركة محدثة - - -

زادك الله علما ورزقك من حيث لا تحتسب

ماشاءالله تبارك الله..
الله يسهلك ويكتبلك الي فيه الخير
بإنتظار موضوعك والله

السلام عليكم

عند استفسار انا الحين ابغى انزل اجازة للسعوديه لان الجامعه راح تبداء على الخريف فما ادري وش المطلوب اسويه قبل انزل يعني اسوي ايقاف صرف ولا اسوي ايقاف بعثه ولا انزل ولا اقول لهم ولا ايش اسوي بالضبط اتمنا تفيدوني

وعليكم السلام
اذا عندك ظرف كويس تقول للملحقيه عنه. ايقاف البعثه غالبا يكون لظروف قويه.
كثير ينزلون بالاشهر والصرف ماشي.

بس انا خلصت اللغه وجاني قبول جامعه على الخريف وباقي اربع اشهر على الدراسه مقدر اجلس بامريكا الا شهرين فلازم انزل السعوديه يعني نازل اجازه

أخواني وأخواتي الأفاضل / أتمنى لكم التوفيق والسداد في مسيرتكم الدراسية , سأكون متواجد في كندا بمشيئة الله في 15/05/2014 وتم حصولي على التأشيرة وسيتم مكوثي لمدة أربعة أشهر فقط لدراسة اللغة الإنجليزية , عليه امل منكم إفادتي عن أفضل المعاهد التجارية التي تنصحوني بدراسة اللغة فيها في برتش كولمبيا سواء في فانكوفر أو فكتوريا خاصة أنني أدرس على حسابي الخاص ومارأيكم في معهد كنج جورج , مع الشكر الجزيل .

السلام عليكم.. عارفه انه الأسئلة قد تكون مكررة ولكن من كثر المواضيع هنا وضيق الوقت صعب الواحد يجلس يقرأ كل هذه المواضيع لمعرفة الإجابة فلوسمحتوا ممكن تجاوبني على أسئلتي ،،


أنا حابة اسأل عن دراسة الدكتوراه في أمريكا تخصص إدارة الاعمال (إدارة المشاريع) كيف نظامها لآني تخرجت من بريطانيا وأكيد نظام الدراسة مختلف فممكن احد يفيدني بالخبر الأكيد.. وكم مدة الدراسة تقريبا..؟؟؟؟؟

وبالنسبة للدكتوراه في أمريكا ايش اهم البروفيسور ولا الجامعة؟؟؟

لانه في بريطانيا اهم شيء السوبرفايزور على أساسه نبحث قبولات.

لآني حقيقة مني عارفة من فين ابدأ؟؟؟؟؟
والوقت ضيق جدا..


ممكن تقولولي اول خطوة اعملها للبحث للقبولات غير معادلة الشهادات بموقع Wes والله حتى مني عارفه اي ولاية اختار وأي جامعة بالأصح كيف احدد الولاية اللي تناسبي


الله يسهل ويعين

أسفة طولت وكثرت
شكرًا



( تمت المشاركة باستخدام تطبيق مبتعث )

كيفكم انشاالله طيبين عندي كم استفسار ياريت احد يفيدني لاني حايس. انا ادرس في جامعه university of north of dakota وهذا اول سمستر ليا بس مظطر اني انقل عشان المناخ جدا سيئ واخاف يأثر علي دراستي هل لمصلحتي اني اعمل دروب للسمستر وانقل علي ولايه ثانيه او اكملً السمستر وانقل معا العلم اني نزلت ١٢ ساعه هل لازم اخلص عدد ساعات معين عشان انقل ولا يعتمد علي الجامعه الي حنقل لها



( تمت المشاركة باستخدام تطبيق مبتعث )

سلام عليكم ..........

طلب مني المعهد مبلغ مالي كضمان له مسترجع ماهي أفضل طريقة لتحويل المبلغ من بنوك أو غيره من السعودية منتظركم

الله يجزاكم خير
هل يوجد شقه مفروشه قريبه من جامعه اوتاوا

( تمت المشاركة باستخدام تطبيق مبتعث )