اي سؤال عندك (اطرحه هنا) المقابل (دعوة بالغيب) ..

السلام عليكم ورحمة الله وبركاته
اخوي خبير عندي استفسارين اذا ممكن:-
1- كيف اجدد ضماني المالي ؟
2- كيف يتم استخراج تأمين صحي " ماهي الطريقه بدون اللجوء لمكاتب"؟
3- هل صحيح بأن معهد لنقارا موقف من الملحقيه؟
4- ماهي المعاهد الاكاديميه التي يفتح السمستر حقها في اغطسطس "لان حابه اكمل كم لفل بالتجاري" ؟

وعليكم السلام ورحمة الله وبركاته

1- التجديد عن طريق البوابه مع الاتصال على المشرف الخاص فيك.

2- التأمين الصحي فيه مكاتب اسمها ( ريجستري اوفيس ) موجوده بكل مكان سوي بحث بقوقل ماب عن اقرب وحده لبيتك ( او اسئلي المعهد يدلونك على اقرب مكان لان هالمكاتب منتشره بكل مكان ) طلباتهم :
أ- اثبات انك من سكان المقاطعه ( تجيبي عقد البيت او اي فاتوره فيها عنوان البيت باسمك انتي )
ب- خذي كل اثباتاتك ( جواز + تصريح دراسه + بطاقة جامعه + اي اثبات معك زايد )
لكن مدري وش تقصدي بدون الجوء الى المكاتب

3-والله ماسمعت بهالشي ( هالاشياء تاكدي فيها من المشرف الخاص او موقع الملحقيه لانها تتغير بيوم وليله )

4- اغلب المعاهد الجامعيه تبدء في سبتمبر ببدايته ( اول شي اختاري الجامعه وبعدين شيكي على الموقع الجامعي نفسه )

ملاحظه .. اتمنى منك تسوي زياره للجامعات وتسئلي بنفسك لان هالنقطه بتفيدك كثير لمن تجي تقدمي على التخصص بتعطيك الثقه وبتحسسك انك فاهمه ( جربي ).

بالتوفيق..

السلام عليكم

اولا اشكرك اخوي الخبير كثير لانك تضحي بوقتك في سبيل خدمة الاخرين وهذا الشي قليل من يسويه خاصة بالغربة

اخوي انا مبتعثة ضمن المرحلة السادسة لمرحلةالدكتوراه لفانكوفر في معهد قلوبال فلج وعندي استفسارات قد تكون كثيرة لكن يشهد الله انها مهمة بالنسبة لي

لذا اتمنى توسع صدرك في الاجابة عليها ولك دعوة في ظهر الغيب سواء رديت او لا

1/ باسال عن المعهد .. مستواه هل هو تجاري .. ومعتمد من الوزارة لاني قريت مرة انو مو معتمد ؟
2/ انا لن ولن ولن اتنازل عن نقابي ابدا لذا باسال فيه مضايقات بالنسبة للمنقبات او لا وكيف تعاملهم معهم ؟
3/ الجو العام للمدينة .. نصايحك النسبة للملابس والأشياء اللي اخذها معي قبل السفر خاصة اني ام لثلاثة اطفال الله يحفظهم اعمارهم 11 - 9 - 2 ونص يعني تقريبا صغار وما يتحملون البرد
4/ بالنسبة لحجز الرحلة . وجدت الخطوط الالمانية اللوفتهانزا والبريطانية برتش والـ bmi ايهم افضل خاصة عشان اطفالي بالذات الصغير الله يحفظه حركته كثيرة ؟ >>>> اتمنى تفيدوني عشان الحق الحجز
5/ ياليت تعطيني فكرة عن المدارس .. هل يوجد مدارس سعودية والا فقط الكندية ؟ وفي حال مابغيت اطفالي يدرسون السنة الجاية بغيتهم ياخذون لغة اول .. كيف الوضع يعني ممكن يدرسون لغة وهل هي على حسابي او ع حساب الوزارة ؟؟ >>>> مهمة هذي النقطة ياليت تزودني بمعلومات عنها لان مستقبل ابنائي يهمني كثييييير

اخيرا .

اكرر شكري لك .. وتمنى القى جواب لاستفساراتي .. تعرف قلب الام شلون يشيل الهم

تحياتي للجميع

وعليكم السلام ورحمة الله وبركاته

العفو الله يخليك على الكلام الطيب ( وكل الي ارجيه منكم الدعاء فقط )

اسئلتك ممتازه واتمنى الكل يستفيد منها ان شاء الله وحاظر باي وقت لاي سؤال باذن الله

1- المعهد ممتاز خصوصا الكلاسات المختصه للتحضر لاختبارات الايلس لكن لو تقارنيه بمعهد جامعي فالجامعي افضل بكثير ( تعالي ابدي فيه اول شهر ولا شهرين الى ان تترتب امورك ومن ثم انقلي على معهد جامعي باقرب فرصه لان المعاهد التجاريه تركيزها غير اكاديمي وهذا الشي يضرك بالنهايه في اختبار الايلس او التوفل ).. بالنسبه للاعتماد فاغلب المعاهد الانقلش معتمده والان شخصيا اعرف ناس كثيره بهالمعهد فمدري من وين جبتي معلومة سحب الاعتماد .. وسبحان الله لو الاعتماد سحب تقدري تحولي على معهد ثاني ( مع التذكير انه سواء معتمد او غير معتمد .. انتي شخصيا ابعدي عن المعاهد التجاريه ولو قريتي ردودي الاولى بتستفيدي اكثر ).

2- والله ياختي موضوع النقاب شي شخصي ولا احد رايح يتعرض لك ان شاء الله وفيه بنات منقبات ( لكن رايحه تواجهي النظرات الغريبه من الجميع ) خصوصا ان الشرع حلل كشف الوجه لكن لن اخوض كثيرا بهالنقطه لانه قرارك .. لكن نقطه بسيطه ابي انبهك عليها ( رايحه تضطري ترفعي النقاب في بعض الاماكن اجباري كالمطارات لتطبيق الوجه على صورة الجواز واغلب الدوائر الحكوميه في كندا رايحه تطلب منك هالشي خصوصا لو ساقك القدر لدائره مافيها بنت ) ..

3-الله يخلي لك اطفالك ( الصيف اجواء حاره ومعتدله بالليل يعني لاتبهذليهم بالملابس الثقيله ) في الشتاء اجواء بارده لكن لمن توصلي كندا تروحي محلات تسمى ( North face ) تشتري لهم جاكيتات خاصه بالثلج والبروده القارسه مع ان فانكوفر برودتها هادئه لكن احتياط وليتطمن قلبك وفايدة هالشركه بتغنيك من الملابس الشتويه كلها لان جاكيت واحد يكفي لبرد كندا من هالشركه.
هذا موقع الجو جدا مهم ومفيد شيكي عليه قبل لاتطلعي من البيت وحتى الان عشان تعرفي الاجواء اذا شفتي 20 لاتقولي برد العكس شمسهم قريبه وحاره جدا :
http://www.theweathernetwork.com/weather/cabc0308

4-انتي عطيتيني خيارين لو انا اللي بسافر بختار اللفتنانزا لانها اريح كخطوط ومعامله ( برتش معروفين بالعنصريه الخارقه خصوصا على العرب ) .

5-فيه مدارس عربيه ومدارس مسلمه وسعوديه ايضا ماعليك خوف ان شاء الله ( والحكومه تتكفل بالاطفال في المدارس لكن الطفل اللي يحتاج الحضانه Day care تدفعي عليه من جيبك الخاص )..
لكن نصيحتي لك اول ماتوصلي لفانكوفر اتصلي على النادي السعودي
http://www.saudihouse.org/
وحاولي من الان تتواصلي معهم لهم مواضيع مثبته في اعلى صفحة المواضيع ( يستقبلونك ويبيضون الوجه ان شاء الله ). رتبي معهم بيفيدونك كثير ان شاء الله.
http://www.saudihouse.org/Scholars%2...Tguide2005.doc

في الختام : اي نقطه مو واضحه اي شي تحبي تستفسري عنه اكثر الموضوع تحت امرك والطلب فقط دعوه صادقه من القلب ان الله ييسر اموري.

بالتوفيق ..

الله يعطيك العافية اخوي

مشكور ما قصرت .. والله ييسر لك امورك ويحقق لك ما تتمناه

حسب ما فهمت من كلامك ان اللوفتهانزا هي اختيارك بس يا اخوي سمعتهم يذمون مقاعدهم انها مهي مريحة وشي من هالقبيل .. مع العلم ان زوجي عنده ديسك وخايفة يتعب من الرحلة

وش رايك احجز واتوكل على الله ؟؟!

وبالنسبة لمدارس الاطفال ريحتني كثير بكلامك .. بس اللي ابغا اعرفه هل اقدر اخليهم ياخذوا لغة اول عشان يستفيدوا وهل حيكون على حسابي او الوزارة ؟؟

كمان بغيت استفسر عن اهم الاوراق اللي لازم اترجمها واخذها معاي

انا قريت هنا اللي يقول كرت عايلة واللي يقول شهادات الميلاد والتطعيم للاطفال واخر يقول رخصة القيادة

لذا بغيت اعرف الضروري منها واللي فعلا ساحتاج له هناك >> خاصة ان مكاتب الترجمة اللحين بدا موسمهم الكل طالع بالصيف وجاي يترجم اوراقه الله يعين بس


ومشكور مرة ثانية وثالثة و.. وعاشرة

الله يعافيك

1- انا شخصيا جربت الاثنين ( فرق بسيط في اتساع الكراسي ) لكن حطي بالحسبان نوع الطياره ( لانها لاتحدد ولاتعرفي ايش نوع الطياره اللي بتكون على حظكم ) فهي رايحه تختلف من ناحية الحجم وسبل الراحه والمميزات انا شخصيا احب التعامل الراقي وبصراحه وجدته في الالمان اكثر ( وبريطانيا لاتحتاج الى رأيي في العنصريه ) ..

2-في المدارس العربيه والمسلمه يدرسونهم اللغه مع السنه الدراسيه ( وبالطبع لكل مدرسه نظام بطريقة الدراسه فلاتستعجلي انتي اوصلي وروحي للمدارس العربيه وشوفي الخيارات الي يوفرونها لك لاني متاكد ان شاء الله ستكون خيارات ممتازه ).

3- انا مدري الاوراق اللي تبي تستخدمينها باي مكان ( لكن من رأيي جيبي اوراقك كلها بملف واحد واي شي يحتاج الى ترجمه .. ترجميها من كندا ) في كل مدينه جاليه عربيه تترجم كل شي ومعترفه من قبل الحكومه الكنديه.

بالتوفيق..

السلام عليكم ورحمة الله وبركاتة
اخي جزاك الله خيرا
هذا المعهد متى يبدأ التسجيل فية : انا قرأت انة نهاية يوليو " شكلي قرأته خطأ الله يعين"
ظ…ط¯ط±ط³ط© طھط¹ظ„ظٹظ… ط§ظ„ظ„ط؛ط© ط§ظ„ط¥ظ†ط¬ظٹط²ظٹط© ظپظٹ ظƒظ†ط¯ط§ , ط£ط¯ط±ط³ ط§ظ„ظ„ط؛ط© ط§ظ„ط¥ظ†ط¬ظ„ظٹط²ظٹط© ظپظٹ ط§ظ„ظƒظ„ظٹط© ط§ظ„ظƒظ†ط¯ظٹط© CCEL. ط¨ط±ط§ظ…ط¬ ط§ظ„ظ„ط؛ط© ط§ظ„ط¥ظ†ط¬ظ„ظٹط²ظٹط© ط§ظ„ظ…ظƒط«ظپط©, ط¨ط±ط§ظ…ط¬ ط§ظ„طھط¯ط±ظٹط¨, ط¨ط±ط§ظ…ط¬ ط§ظ„ط
اثابك الرحمن اخي

وعليكم السلام ورحمة الله وبركاته

1- JUN 27 11
2- SEP 26 11

CCEL Application Form, Your Details, Course Selection, Accommodation, Optional Information

بالتوفيق ..

السلام عليكم ورحمة الله وبركاته ..
أخي الكريم .. والله موضوعك هذا سار مرجع لي في كثير من استفساراتي ,,... الله يعطيك ألف ألف عافيه
لكن أنا اليوم جايه ومعايا استفسار مهم أكتر شي
أنا قدمت على طلب تعوبضات الفيزا وأرسلوا لي ايميل وقالوا لي فيه انها تاخد من 3 الى 7 أيام
لكن دخلت ثاني يوم على حساب بنكي في البوابه وفوجئت ثاني أنهم كاتبين في جدول مكافأة شهر جماد الثاني متفرقات وحاطين مبلغ ما ,,,
وكاتبين 125 دولار رسوم تعويضات فيزا مرتين لكن اللي نزل في حساب البنك بس المبلغ الأول بدون رسوم الفيزا
فـ ايش قصدهم بهذا الكلام ؟؟؟؟

اليؤال الثاني : أنا قلت لك قبل كدا اني مقدمه ع الماستر والآن في سنة اللغه وجاني القبول في معهد PLI وقلت لك أبغا أحول لمعهد أكاديمي
لكن المشكله ان لغتي متوسطه ويمكن مبتدأه .. خايفه أحول على معهد أكاديمي وما أقدر أمشي فيه
قلت ابدأ أدرس شويه ع الأقل لمدة شهر في هذا المعهد أني أتعود أتكلم وأفكفك اللغه على قولة واحد الله يسعده
وبعد كيدا أحول على معهد أكاديمي
فـ ايش رأيك في هذا القرار ؟؟!!!
وأبغا اسم معهد أكاديمي معين يكون ممتاز بمعنى الكلمه وتكون الدراسه فيه سهله والقبول عندهم سريع وسهل
مثلاً أنا قرأت عن معهد VCC وحسيت ان الدراسه فيه جيده فـ أبغا رأيك بصراحه وشفافيه مطلقه الله يسعدك

سوري طولت عليك في الأسئله ..!!!

وعليكم السلام ورحمة الله وبركاته .. الحمدالله هذا المراد من هذا الموضوع وهو الفائده لكم جميع ان شاء الله.

السؤال الاول :" وكاتبين 125 دولار رسوم تعويضات فيزا مرتين لكن اللي نزل في حساب البنك بس المبلغ الأول بدون رسوم الفيزا " ( ماقدرت افهم قصدك نهائيا كيف نزل مبلغ الاول وبدون رسوم الفيزا !! هل تقصدي ان التعويضات المفروض تكون 250 ومانزل الا 125؟ )
اذا هذا القصد مالك الا تستفسري من المشرف الخاص بايميل او اتصال ( لانه غالبا تصير زي هاللخبطه ورايح يحولك على الماليه وتتفاهمي معهم ) مجرد اتصال وبتفهمي منهم كل شي لانه المفروض ينزل لك المبلغ كامل (250)

سؤالك الثاني تكلمت كثير بهالموضوع لو تراجعي الردود كان لقيتي جواب لك وافي وكامل ( لكن نعيد لك الكلام تستاهلي ان شاء الله )
لو عندك فرصه تنقلي لمعهد جامعي لاتترددي ابدا ولاتهتمي لاي كلام يجيك لسببين بسيطه :
1- المعاهد الجامعيه اكاديميه 100 % ورايحه توصلك للحصول على اختبارات اللغه ( TOEFL + IELTS ) بأذن الله .. وبعض الجامعات تقبل انك تدرسي اخر مستوى عندهم ويدخلونك للتخصص بدون اختبار اللغه.
2-المعاهد التجاريه بتقضي فيها كم شهر ( لكن بعدين بتحولي على الجامعه رايحه تبدي من الصفر والفتره الماضيه بتكون راحت على الفاضي ) اي نعم بتتعلمي لكن مابتتعلمي الشي المطلوب والصحيح اللي رايح يفيدك ويدخلك للجامعه.

لاتخافي ابدا من المعاهد الجامعيه ( اذا كنتي انسانه مجتهده ورايحه تذاكري 3 ساعات يوميا ) حرام تضيعي شهرين من البعثه في تجاري ( هالشهرين رايحه تحتاجينها بعدين في التقديم على الماستر )
لكن ثقي تمام الثقه الانقلش 60 % بيدك والباقي من المعهد ( ذاكري فقط 3 ساعات 5 ايام بالاسبوع .. بأذن الله اضمن لك الايلتس بعد 10 شهور بيدك )

مافيه شي اسمه افكفك اللغه ( بصراحه لاتتضايقي لكن هذا عذر المهملين .. بكرا بسوي وبكرا بفعل ) انتي الفرصه الان بيدك استغليها بكل دقايقها انتي الكسبانه بالاخير .. اتعبي الان وارتاحي باقي العمر .. لانه باختصار شديد الدراسه بالمعاهد التجاريه مضيعه للوقت..

اخيرا وبلا منازع ( معهد جامعة برتش كولمبيا )

بالتوفيق