اي سؤال عندك (اطرحه هنا) المقابل (دعوة بالغيب) ..

طيب اخوي عندي سوال وستفسار بخصوص هالمعهد تعرفه في فانكوفر
Learn English at inlingua Vancouver - study English in Canada

اخوي انا نسقت مع مالعهد عن طريق مكتب بالشرقيه
جاب للي قبول 4 شهور مع السكن والتامين الصحي شامل كل شي والاستقبال المطار ومن والى مع وجبتين باليوم

السعر 30 الف ريال توقع زين هالسعر

وقولوي اخوي كيف بالنسبه المعهد حلو يعني قدر ستفيد منه ومع العائله اذا سكنت عندهم قدر تحسن اللغه معي

بخصوص التحاق البعثه توقع اخوي خلال 4 شهور يمديني التحق بالبعثه او موعد دراستي الشهر الجاي باذن الله

وكم جيب معي مصروف 4 شهور تكفيني 3000 دولار بس مصروفي ومصروف الطلعات والروحه والجيه تكفي بالربع شهور يعني تقريبا 15 الف ريال

وبغى سال عن الشرائح الكنديه بكم الشريحه وكم رسوم خدمه البلاك بيري بالشهر ياليت تفديني يالغالي ولك مني جزيل الشكر

المعهد جيد ( لكن لو انت تبي تدرس الجامعه بكندا لازم تحول على معهد جامعي لكن لمن تنقبل على البعثه لان اسعارهم اغلى من المعاهد التجاريه ) ولغتك بكل تاكيد رايحه تتحسن لكن المعاهد الجامعيه تأهلك للجامعه اقوى.

والبعثه عشان تلتحق فيها من يوم التقديم من 3-6 شهور يقبلونك ان شاء الله .

بالنسبه للمصاريف ( لو شامله الاكل يوميا برا صعب تكفيك هالمده ,, لكن لو تشمل فقط التمشيه والتلفون والاكل القليل بالخارج رايحه تكفي ان شاء الله )

التلفونات اخوي فيه عروض كثيره لكن افضل العروض الاخيره تطلع شريحه قيمتها 40 دولار للشهر كامل جميع المكالمات مفتوحه ( الا المكالمات الدوليه ) واي خدمه تحب تضيفها تكلفك مبلغ بسيط 10-20 دولار بالشهر

بالتوفيق ..

طيب اخوي بالنسبه الفتره الحاليه هل التحاق سهل وسريع الاسرع من الامريكا مثل مايقولون
سمعت كندا الاسرع من الامريكا يقولون
بالفتره الحاليه بعد القرارت المكليه الله يطول بعمره يارب لنا
يعني لو درست 4 شهور للغه ونتظمت بالمعهد ودرجاتي حلوه يمديني التحق بالعثه خلال هالمده هذي او لا

بخصوص المعهد اخوي ياليت لو عندك تفاصيل عنه من ناحيه التكدس وهل فيه سعودين واجد وفي الاجانب واجد
راح سكن مع عائله في فانكوفر بس وين بالظبط الموقع ماعرف للحين ماخذيت التفاصيل من المكتب


وبخصوص الفلوس كيف الطريقه اخوي جيبها معي دولار كندي او الادولار العادي الامريكي ؟؟؟؟؟ نفس الادولار فلوسهم
عادي جيبهم كلهم معي بالطياره وحاول حطهم بمكان الامين عشان ماتنسرق
وهل البنوك هناك لما تفتح حساب يعطونك مثلا بطاقات فيزا ؟

جيتي قريبه اخوي وسمح للي على كثره الاسلئه
وكيف راح يكون الدراسه في رمضان طيب والعيد في الاجازه للطلاب او لا ومن الساعه كم الى الساعه كم الدوام وهل دوام بشكل يومي ودروس يوميه

الالحاق زي ماقلت لك تاخذ هالفتره ان شاء الله ماتتعداها ( امريكا اصعب بحكم عدد الطلاب فيها اكثر )

المعهد مقارنه بالمعاهد الثانيه اقل بكثير عدد الطلاب العرب فيه.

الفلوس مسموح لك كاش الفين دولار .. اول ماتوصل افتح حساب بنكي وخلي الاهل يحولونها لك الباقي .. والفيزا تقدم عليها فيه ناس ينرفضون وفيه ناس يعطونهم ( انت قدم على الفيزا اول ماتفتح حساب بنكي وبيعطونك ان شاء الله )

الدراسه في رمضان نفس الشي ماراح يتغير شي ( لكن يسمحون للطلاب اللي يبي اجازه لكنها بتكون مدفوعه ) .. الدوام على حسب الكورس اللي ماخذه الى الظهر او الى العصر هالمعلومات تاخذها من المكتب اللي حجز لك.

بالتوفيق ..

^^^^^^^
طيف متى يقدر المرافق يكون مبتعث ..؟
مثلا هل لو ينتظم بمعهد اللغه 3 شهور يقدر يكون مبتعث رسمي زينا ؟؟

(((((( --- بما انكم حول الموضوع يعني *_*


نجي لاسئلتي .. اول شي مسا الخير والله يعطيك العافيه ..

ثاني شي بسئلك عن كم شغله تقدر تقول عليها غبيه

- عربيه الاطفال اقدر ادخلها بالطياره ؟ علما ان حجمها صغير جدا جست تشير وذ وييلز

- كم عدد الشنط المسموح لنا كلنا .. ؟ ( انا اللي اعرفه كل واحد له شنطتين بس هل الطفل برضو هيك ؟؟ )
عمره سنتين .. اتوقع المسموح لنا 6 اغراض مو هيك ؟؟

وذا فيه شنطتين لي ماتتعدى 10 كيلو .. هل مثلا يجوز لي بهالحاله اخذ لي 3 شنط ( باعتبار ان المسموح لي شنطتين ماتتعدى 23 كيلو ) >>> يارب تكون وضحت الفكره ههههههه


اخر سؤال وهو الغبي من جد :
هل بطاقه الجزيره تشتغل ع الرسيفرات هناااك ؟ << اهم شي عاد هذا *_*
وكيف نظام الاشتراكات بالقنوات الرياضيه المشفره ..

الله يعينك على اسئلتي .. وبانتظار اجوبتك ..
وميرسي اووي

المرافق يقدر يحول الى مبتعث من بعد مايكمل ملف التقديم تاخذ الفتره مايقارب من 3-6 شهور ..

عربية الاطفال : اذا هي تتسفط وتصير قد الشنطه الدبلوماسيه الصغيره وتنحط بالادراج فوق المقاعد تقدري تدخلينها لان اثقل شنطه تدخل للطياره ( 20 باوند ) مايقارب 10 كيلو..

الشناط : البالغين اللي لهم مقاعد خاصه لكل فرد مسموح له شنطتين ماتزيد عن 23 كيلو ( لو الشنطه الوحده فيها 10 كيلو على سبيل المثال تعتبر شنطه ) يعني ماتقدري تفرقي مثلا كل 10 كيلو بشنطه وتطلع عندك 4 شناط .. يعني شنطتين لكل فرد فقط ولاتتعدى 23 كيلو .. الاطفال لهم 10 كيلو شنطه وحده الا في حالة الطفل له تذكره كامله فيحق له نفس البالغ .. راجعي هالموضوع ممكن يفيدك خصوصا لكل خطوط اوزان مختلفه ..
http://www.mbt3th.us/vb/forum132/thread152621.html

لا ماتشتغل من باب تجربه شخصيه ( لكن هنا فيه اشتراكات للقنوات العربيه وفيه ادشاش عربيه يعني ماعليك خوف ان شاء الله )
وبالنسبه للقنوات الرياضيه لها اشتراكات شهريه من شركات كثيره .. يعني متوفره..

بالتوفيق ..

مشكوووور وضحت المعلومه ..

بس بالنسبه لكلامك عن المرافق .. وشلون بعد مايكمل ملف التقديم .. وش هالملف ؟
ووش اجراءاته ؟

الملف نفس المبتعث اللي يفتحه اول مايجي على كندا .. ( يقدم على اساس انه مبتعث لكن الفرق الوحيد الخيار بالبوابه يكون تقديم بعثه ) والطلبات نفس المبتعث..

بالتوفيق ..

كيد يحق لك تقدمي .. قدمي عن طريق الوزاره زي المبتعثين كلهم وبأذن الله تتوفقي وتطلع لك..

بالنسبه للوظيفه الاهليه ماعنده مشكله ان شاء الله .. ( المطلوب دائما اجازه استثنائيه من مكان الشغل او الاستقاله ) ..

اتوقع فيه لبس عندك بالموضوع .. ( انتي بمجرد تطلع لك البعثه من شروطها يكون لك مرافق والمرافق بيكون زوجك ويدرس وله كامل الحقوق لكن يكون مرافق مايقدر يكون مبتعث لانه في حالة انه صار مبتعث انتي تضطري تدوري لك على مرافق )

بالتوفيق ..