اي سؤال عندك (اطرحه هنا) المقابل (دعوة بالغيب) ..

وياك يارب .. بالتوفيق .

الحمدالله .. والله يوفقك بالبعثه قريبا ..

وعليكم السلام ورحمة الله وبركاته ..
اغلب المعاهد الانقلش معترف فيها المهم الجامعه نفسها اللي تحاول تتأكد من مدى اعترافها من قبل الملحقيه او لا ( المعهد جيد ).

ياليت قريت الردود كان لقيت اجوبه لسؤالك ( لكن اعيد ولايهمك ) الفتره تاخذ من 3-6 شهور للانظمام للبعثه من فتح الملف في الملحقيه ..

بالتوفيق ..

ياليت تقرين الردود قبل لاتسئلي ..

1- تقدري تجمعينهم وتجهزي الاوراق وتعرفي الطريقه لكن ماتقدري تفتحي الملف ( يشترط كل الاوراق تكون كامله عشان يفتحون ملفك ).

2- ايه تقدري تفتحي حساب من يومها للمرافق ( لكن ابفهم كيف تبي يصير مبتعث وهو مرافق !!! ولو صار مبتعث مين بيكون المرافق حقك !!؟ )

ملاحظه .. في حالة المرافق حقك يبي يتحول الى مبتعث لازم لازم لازم يكون عندك مرافق ثاني او تسقط بعثتك ..

بالتوفيق ..

هههههههههههههههه تمزح انت

طيب افرض جدلا انو يوم قدمنا على البرنامج انقبلنا كلنا انا وزوجي ( وحنا فعلا قدمنا بس هو ما انقبل لعدم توافر الشروط )
اخذ معي مرافق ثاني وزوجي معي رايح ؟؟؟

معقول ماتعرفي هالشي!! اجل على كذا ليه كل المرافقين مايحولو على البعثه !! خصوصا انهم ياخذون نص الراتب( يعني منطقيا كلامك عليه الف علامة ...؟؟؟؟ فكيف مافكرتي فيها ؟ )

ماتشوفي المرافقين كيف زعلانين انهم مانزلت لهم المكرمه وينزلهم نص الراتب ليه !! لو الموضوع زي ماتفكري كان مالقيتي مرافقين بالمرا ..!!

على الافتراضيه حقك ايه نعم لازم يكون لك مرافق غير زوجك ..

بالتوفيق ..

اخوي يعطيك العافيه ع مجهودك الرائع
استفساري هو ان زوجتي مرافقه معي ويوم دخلنا كندا ماعطوها فزرت بيرمنت
انا ابيه عشان ابي اسوي لها التامين الحكومي ورحت للهجره الي ع هورنبي
وقالو لي عب ابلكيشن بموقعنا ولا عرفته ممكن تساعدين اذا عندك خلفيه وجزاك لله خير

والله ماكنت اعرف .. بالعكس كذا الصرف يزيد احس ..

ماعلينا ..

طيب اللحين اذا جيت بفتح حساب بالبنك ... وطلبوا الفيزا .. عادي اعطيهم بطاقه الفيزا حقت زوجي ..
ولا لازم تكون لي فيزا تبعي انا ..؟

يارب ماتعقدها علي وتقولي لازم لك فيزا عشان انتي اللي بتفتحين الحساب وانتي المبتعثه وهو ماله دخل *_*

واللهي لو كانت هذي اجابتك مادخل على موضوعك اقين ههههههههه << احسن فكه
امزح لاتصدق ..
والف شكر على جهودك وردودك السريعه .. ماشاءالله تبارك الله ..

الله يعافيك ..

كندا اذا عطوك فيزة زياره فهي مدتها معروفه من 6 شهور وتحت .. بمعنى ان زوجتك لازم تغادر كندا في خلال 6 شهور .. ولابيعطونها شي بالمطار لان الزياره او السياحه ماتجددت من داخل كندا .. المفروض طلعت لها فيزا دراسه زيك عشان كل ماتنتهي تجددها..( حاول تبحث عن طريق تحويل زوجتك من زياره الى طالبه )

بالنسبه للتأمين الصحي انا من فتره سويت تجديد للتامين حقي وطلعته من المكتب والله واخذت اثباتاتي معي وفاتوره تثبت اني من سكان المقاطعه ( ودخلت ادور لك اي استماره بموقعهم ولا لقيت ) اخاف انك مافهمت عليهم لان هذي هي الطريقه المعروفه واللي الكل يسويها .. ياليت تروح للمكتب مرا ثانيه وتطلب التامين الصحي وانت معك كل اثباتاتك ( اشك ان الموضوع فيه شي مافهمته اخوي ).

عموما حاول تعطيهم زياره مرا ثانيه .. او بالقليله اتصل على الفرع نفسه واطلب منهم الطريقه عشان تستخرج التأمين ( مع اني متأكد من طريقتي ) ..

في احتمال كبير ان زوجتك رفضو يعطوها لانها جايه زياره مو طالبه ( اتمنى تتأكد من المكتب لاني فريت في موقعهم ولا لقيت شي )

فيه مكتب اسمه عابدين .. او اللييبي ... اسئل الشباب الي بفانكوفر يعطونك عنوانه يسوي كل شي لك بمبلغ بسيط .. لكن المشكله انا مو من فانكوفر ماعرف عنوانه بالضبط ..

بالتوفيق ..

اذا جيتي تفتحي حساب بالبنك يطلبون منك اثباتاتك ( 2 ) + عنوان السكن + معلومات روتينيه للتواصل .. وبنفس الوقت تطلعي الشيك الملغي ..

فمادري من وين جبتي هالفيزا والشروط .. لاتفكري كثير الموضوع سهل .. بس المهم لاتنسي جوازك لمن تجي كندا <<< احسك بتنسينه من كثر اسئلتك الخورافيه

بالتوفيق ..