اي سؤال عندك (اطرحه هنا) المقابل (دعوة بالغيب) ..

الله يجزاك الجنة ياخوي
أنا طالع ان شاء الله في شهر جولاي الجاي
فقط لغة لمدة شهرين
والمعهد معطيني الخيار أني اسدد مبلغ تكاليفه
عند وصولي هناك
وانا متحير وشلون اشيل مبلغ باللاف في الطاايرة
او افتح حساب هناك
وهل فتح الحساب يكون محدد بمدة يعني افتح
لمدة شهرين بعدين يسكر من لحاله
والله ماني عارف بالضبط

تبي تصير لاتشيلي هم ان شاء الله

بعدين سلامات من اول موقف سويتي هالدلع كله ( خليك اقوى انتي رايحه تواجهي الف موقف وكلها ضدك لاتكوني بهالاسلوب خليك اقوى وفكري اكثر عشان تعرفي كيف تطلعي من هالمواقف )

ههههههههههه طيب حلو عشان نشوفك مدرب المنتخب ( كورتنا في الحظيظ ياكوتش .. وانا اول من يلعب معك )

عموما لاتحطي ببالك شي .. مشكلتك ومشكلة الجميع الا وهي ( الشطحه ) يعني تناظرو لبعد سنتين وثلاث .. انتي دخلي راسك بكندا وابدي باللغه وقدامك سنتين تدوري لك على مخارج وحلول ( لابد من التجربه )

ويالبى الدعوه فديت قلبك ( دوري دعوات ثانيه بعد ترا مانيب قايل لا )

بالتوفيق يابطله ..

مراحب,

لهدرجه متعبك طول الموضوع ( مو مشكله مانيب رايح اقولك ارجعي للموضوع لكن لافضيتي اقريه كله ممكن يفيدك كثير )

بالنسبه لاي شي منسوخ كبرامج او افلام محرمه دوليا ( لكن نادرا يعرفون لانهم مايفتشون انا من عرفت نفسي اسافر وعندي اشياء كثيره منسوخه ولافكرت ) لكن دامها افلام تفرجي عليها وانبسطي لانه التفتيش بيكون في كندا فارميها اول ماتدخلي كندا باقرب زباله ( والقارء بكرامه ).

بالنسبه للاغراض الشحن حطي زي ماتبي لكن لاتكثري بمبالغه كانك بتتاجري ( يعني استعمال مؤقت وشي بسيط ) الاشياء الممنوعه اللي هي الاجهزه الجديده الغير مستعمله بجميع انواعها والتبغ بكل انواعه مسموح شي بسيط فقط.

بالنسبه للاشياء اللي معك بالطياره ماتكون عطور او اشياء حاده او كريمات ( اشياء سائله بشكل عام ).

بالتوفيق ..

وياك ان شاء الله ,

الحل اللي اشوفه مناسب تاخذ معك مبلغ بسيط مايقارب الفين دولار ( اول ماتوصل كندا يحولونها لك اهلك من بنك انجاز بالسعوديه على محل الصرافه المعروف باسم ويسترن اونيون )
او
توصل تفتح حساب بنكي ويحولنها على حسابك تاخذ يومين على بال ماتوصل والحساب تقفله انت لمن تمشي من كندا يعني قبل لاتمشي بكم يوم تمر على البنك وتقول ابي اقفل الحساب فقط.

نصيحتي : ادفع تكاليف المعهد من عندك والسكن ( لاتجيب معك كاش الا مصاريفك المبلغ اللي يكفيك وخله معك بالبيت وتفتك من مشوار البنك بحكم ان المده جدا قليله )

بالتوفيق يابطل ..

في ردك على السابق ...

ذكرت إن العطورات والسوائل ممنوعه صح ؟أو أنا فهمت غلط ؟

تنصحني بالفيزا يعني أحول الفلوس من السعودية للدولار الكندي وآخذ الفيزا معاي ؟كون أول شهر راح يكون على حسابي كوني جديد لا أملك صراف من بنك كندي حق المكافات ..

الله يوفقك في دينك ودنياك ..

ايه صح اخوي ( تدخلها معك بالطياره ممنوع لكن بالشحن مافيه مشكله ).

الفيزا افضل حل دايما ( لو عندك فيزا امورك بالسليم لان كل شي بكندا بالفيزا تقدر تحاسب ( حتى لو تبي واحد بيبسي تقدر تحاسب بالفيزا ).
لكن تقدر تفتح حساب اول ماتوصل كندا ولايشترط لفتح الحساب مبلغ معين او تكون مبتعث.

بالتوفيق يابطل ..

مراااااااحب بالخبير
بسألك سؤال
وين افضل خطوط طيران الى كندا(من وجهة نظرك ولا تقول لي حصان ههههههههههههه) لانه الاماراتيه والقطريه فيها ترانزليت كثييييييييير ويطول
ويارب الله يحقق لك كل ما تتمناه
بالتوفيق يابو الابطال

الفخامه والخدمات اللي انتي ذكرتيها طبعا, بالنسبه للاسرع والاقل ترانزيت البريطانيه, الفرنسيه والالمانيه. مع انه يعتمد اكثر على حظك في مسار الرحله والاوقات احيان انتظار ساعه واحيان 8 ساعات.

بالتوفيق ..

انا ابغى احجز تذكره ع حسابي لاني ماعرف بهاالامور ويش افضل اروح لمكتب ؟

والله يسهل امرك

على راحتك تقدر تروح للمكتب او تاخذها اون لاين او بالتلفون تتصل عليهم ( لو تبي تتصل عليهم ممكن اعطيك رقم مكتب عربي في منتريال اللي الملحقيه والطلاب العرب كلهم يتعاملو معه )

بالتوفيق ..