اي سؤال عندك (اطرحه هنا) المقابل (دعوة بالغيب) ..

لك كل الشكر مقدما

س1- متى أقدر أحجز اجازة ع السعودية؟

الان في سنة اللغة في كندا و صار لي ثلاث شهور فقط ودي أحجز أول اجازه ع السعودية من بدري
لا يصير زحمه بعدين أو أخاف احجز وما ادري اش ظروفنا بعدين

وعليكم السلام ورحمة الله وبركاته

الله يخلي لك ابنك ويتربى بعزك وعقبال الثاني يصير كندي ان شاء الله..

1- تعطي المرافق 1400 .. المبتعث 2700 الاطفال على حسب الانتظام الدراسي للمرافق .. راجع هذا الموضوع بيفيدك اكثر ان شاء الله :
http://www.mbt3th.us/vb/forum17/thread141683.html

2- لو تبي دكتوراه بعد ( لكن المهم ان المبتعث اي زوجتك تكون مستمره بدراستها ) في حالة توقف المدام ماتقدر تكمل ..

بالتوفيق يابطل ..

يفضل دائما تسوي الحجز بدري خصوصا في المواسم والان يعتبر موسم الصيف ( انتي تاكدي متى اجازتك ومتى تبي تمشي )

انا دائما اطلب التذكره قبل 3 اسابيع احتياطا ( في فتره طلبتها بيومين لكن ماكان موسم وجتني بهالفتره )

انتي وضحي لي متى رايحه تقدري تتاكدي من الاجازه والخبر اليقين انك تقدري ترجعي وانا اعلمك عن الوقت ان شاء الله .

بعدين وش مصحيك للحين يلا على سريرك نوم يابطله وراك دوام..

بالتوفيق يارب ..

ندى اسف اسف لو قريتي ردي السابق .. ردي السابق كان على اساس انك بتطلبي التذكره من الملحقيه .. لكن انتي مايحق لك الا بعد 9 شهور من وجودك في كندا ..

اذا انتي تقصدي على حسابك :

تتصلي على مكتب الطيران وتسوي حجز ويرسلون لك الحجز ويعطونك مهله 5 ايام الين تشتري التذكره اذا ماشتريتيها تطير عليك الرحله ويلغى الحجز

في حالة انك تبي تكنسلي الحجز مجانا ماتدفعي شي .. والتذكره تقدري تشتريها قبل لاتطلعي المطار في حالة ان الطياره فيها مقاعد فاضيه...

اللي تسوينه ..

اتصلي على مكتب احجزي على اليوم اللي تبينه ورتبي امورك خلال اسبوع الين تتاكدي من كل شي وتتصلي على المكتب وتدفعي لهم بالتلفون او اون لاين .. والتذاكر توصلك بالايميل

الحجز لاتقلقي متوفر يعني ابعد رحله بتلاقينها بعد اسبوع بالكثير ان شاء الله من اليوم اللي تدوري فيه ( لكن دوري قبل اليوم اللي تبينه باسبوعين احتياط )

بالتوفيق يابطله ..

شكرررررررررا قد جمال فكتوريا لسرعة تجاوبك لاحرمت الأجر

استفساري عن أول اجازة أخدها على حساب الملحقية


(لكن انتي مايحق لك الا بعد 9 شهور من وجودك في كندا )

طيب في شهر ديسمبر اكون خلصت 9 شهور بكندا

اقدر احجز عالسعوديه واطلب تذاكر من الملحقيه من الان ؟؟

والاجازه كم مدتها ؟؟

ولاتنصحني انتظر لأني مادري اش بتكون الظروف بعدين ...

لالالا مرررا بدري زي ردي الاول قبل الاجازه ب3 اسابيع اطلبيها .. بالنسبه للاجازه في ديسمبر راح تكون على حسب المعهد اللي انتي فيه لكن غالبا المعاهد تأجز في 16 ديسمبر ويرجعون في 9 جانوري ( الاكيد ان شاء الله مو اقل من 20 يوم ).

بالتوفيق..

مرحبا خبير
بصراحه الموقع جدا جدا جدا مفيد
طيب انا مستواي بين المبتدئ والوسط يعني بالنص
بصراحه شفت بالموقع مدرس اجنبي وسمعته حسيته مرره كويس خصوصا انه يدعم التعليم بالصور ومنها اتعلم 2 في 1
سمع ولغه ولا شنو رايك؟؟

بالتوفيق يابطل

هههههههه حلوه منك سمع ولغه ( لاتعصبي على ضحكتي هههههه )

والله هو مفيد كثير لكن ابيك تقفلي على نفسك الغرفه عشان مايقولون اهلك بنتنا انهبلت وكوني رددي وراه واعرفي الجمله بالعربي وش تعني

وكوني غيري الكلمه الاساسيه والجمله خليها زي ماهي .. مثال :

Do you have a pen

اقريها زي كذا واحفظي طريقة السؤال ومعناه بالعربي وابدي غيري الكلمه الاخيره او الشي اللي تسئلي عنه كالمثال هذا :

Do you have a pencil

على هالطريقه استمري عشان طريقة السؤال تركب في ذهنك وتكوني متذكره السؤال ومع حفظك للكلمات رايحه تستخدمي اشياء كثيره والسؤال طريقته وحده ..

برافو شدي حيلك من الان عشان ترتاحي كثير ..

بالتوفيق ياقوى بطله ..

اقوى بطله هههههههههههههه
احرجتني سعادة الخبير
بس تشكر
وبالتوفيق يابطـــــــل

ههههههه يحليلك ,

انتي تنقي كلمه من ردي وتعلقي عليها والباقي تتركينه .. خلااص من اليوم ورايح ردي عليك كلمه ولا كلمتين وخلااص ( امزح )

بالتوفيق ياقوى بطله