اي سؤال عندك (اطرحه هنا) المقابل (دعوة بالغيب) ..

مرحبااااا ..
عدت اليك من جديد !!
عندي سؤال صغيرووون هو ماله شغل بالدراسه بس له علاقه بـ كندا
اذا أشتريت أغراض من ايكيا وبعد رجعت أكتشفت اني ما أحتاجها أو بالأحرى ما أقدر أستخدمها لأن ممنوع أخرم في جدران الشقه ..,,, ولا فتحتها ولا استخدمتها .....
أقدر أرجعها ؟؟؟؟؟؟؟ وكم المهله اللي متاحه لي لأن الأغراض اللي عندي أشتريتها في الويك أند وأنتظر للـ ويك اند الجديد حتى أرجعها !!
ياريت ألاقي عندك الجواب ومشكور مقدما
وياريت اذا تعرف ايش المحطه حقت الاسكاي ترين اللي تودي لـ إيكيا في فانكوفر وايش الباص اللي يوصلني عليه
>>> راحت بتاكسي ودفعت مبلغ جاااامد

مراحب ,

اذا محتفظه بالايصال ايه ترجعينه ولك تقريبا 40 يوم ( لكن رجعيه باقرب وقت افضل )

اقرب محطه والله مو متاكد لاني من مو من سكان فانكوفر .. لكن هذا موقعهم هل فيه محطه اسمها ريتشموند؟

Ikea is located in Richmond, BC a suburb of Vancouver

بالتوفيق ..

مساء الخير الخبير العالمي

صراحه هو سؤال جريء شوي واخاف انه يفتح باب مسكر عليكـ ,, لكن انت ماشاء الله محترف وتعرف ترد برد يقفل كل التساؤلات ههههه < بينكبك
انا صراحه شفت موضوع بالقسم الامريكي , عن تكرمون .. الحمامات والوضع بدون موية ,

في كندا وش الحلول المتاحه لـ الشي هذا .. واحد من الشباب موصيني اجيب له معي شطاف , فخفت انه لهالدرجه مافيه حلول هناك ؟
معليش على الاحراج :$

مساء النور ياغالي ,

والله كثير يستخدمون جركل المويه حق الزراعه الصغير , دبة مويه صغيره او ابريق كبير شوي تخليه خاص بالحمام ( يكرم الجميع ).

الموضوع سهل تطبيقا ( لكن كتفكير صعب بس انسى هالموضوع والزنقه زنقه بتخليك تتكيف مع هالاشياء هههه )

بالتوفيق يابطل ..

مساء الخيـــــــــر
سؤالي يقول
س.فتح الملف في الملحقيه شامل للمبتعثه والمرافق<<اتوقع نعم بس زيادة تأكيد
بالتوفيق يابطل

ايوه يابت ياليا,

لا مو ايوه يعني كل واحد منكم يفتح ملف .

بالتوفيق ..

طيب
مرسي ياسي سيد
ههههههههههههههه
<<قلبنا مصري باقي بس الشاي والموز
الله ذكرتني بالذي مضى هههههههههههههههههههههههههه
هههههههههههههههههههههههههههههههه
بالتوفيق يابطل

وعليكم السلام ورحمة الله وبركاته ..

ردودي سوف تخص دولة كندا فقط :

1- كندا في القانون جدا قويه وقبولها صعب وبعض الجامعات توازي القانون بالطب كصعوبه دراسيه.
2- ماعندي علم بالافضل ( المفروض انت اللي تعرف هالشي ياعزيزي لانه تخصصك ) واحذر تاخذ اراء الجميع انصحك تتبع نصائح دكاتره لك بالجامعه او المسؤلين في اقسام التسجيل.
3- نفس الرد ( 2 ).
4- الايجابيات انك تحصل على دراسات عليا من دوله متقدمه دراسيا والسلبيات ممكن تكون شخصيه على حسب قدراتك بالتكيف مع الدوله او ( في حالة الفشل لاسمح الله تكون قضيت عمر على الفاضي ).
5- سنتين.
6-نعم.
7- السكن مع العائله مفيد جدا خلال اول شهرين فقط ( بعدها بيكون الوضع روتيني نفس الاسئله مكرره الا اذا توفقت بعائله ممتازه ).
8- البعثه.
9- بطاقة الاحوال المهم ساريه المفعول .. والجواز يطلب عند التقديم .


اخيرا .. اسئلتك ياغالي مالها اجوبه محدده ( اغلب الاسئله ) لانها ارزاق بيد ارحم الرحمين كراتب وتوظيف ومجالات التوظيف .. كثيرا من حاملين الشهادات لايتوفقون بالعمل والسبب بعلم الغيب ( توكل على الله وبذن الله تتوفق )

بالتوفيق ..

السلام عليكم ورحمة الله وبركاته ..

الله يجزاك خير ويوفقك دنيا وآخره ..

عندي بعض الأستفسارات البسيطة ..

أنا أحب أكل الأجبان والزيتون والنواشف بشكل عام هل هي غالية في كندا (فانكوفر )

وهل يبدون الدراسة على طول ولا مثلنا أول إسبوع مافيه شيء ..

والإدوات المدرسية غالية مثل الدفاتر ..

أسئلة غير مهمة لكن طرت على بالي فحبيت أسئل ..

الله يوفقك وينجحك ويرزقك أعلى الشهادات ويستر عليك دنيا وآخره ..اللهم آمين ..