اي سؤال عندك (اطرحه هنا) المقابل (دعوة بالغيب) ..

مرحبا
دورت في اغلب الجامعات(السعوديه "جامعة عبدالعزيز" - الاردن - عمان -الامارات) ولقيته نفس المسمى تأمين
Insurance او MBA او
Insurance Business
والحل؟؟
بالتوفيق..

انتي اصلا وش نططك الى التخصص .. قدامك سنه ونص لغه ولاجيتي هنا تروحي بنفسك للجامعه وتشوفي وش عندهم ( قلت لك التخصص اكيد موجود لكن المشكله مدري وش اسمه بالعربي )

Insurance Business

التخصص هذا يندرج تحت الماليه ..

MBA

هذا ماستر ادارة اعمال ..

بالتوفيق ..

طيب
مشكور سعادة الخبير
بالتوفيق..

السلام عليكم

عندي طلب لاهنت

انا في فكتوريا طيب واريد طريقه التامين الطبي بالتفصيل الممل



يعني حب حب

كيف طريقه تعبيئه الابلكيشن ومن وين وطريقة ارساله

وشكرا

ربي يسعدك

عفوا اختي ماعندي خلفيه عن فكتوريا ..

بالتوفيق ..

الله يجزاك خير ويحفظك ماقصرت
عمرك طويل ان شاء الله

الله يرزقك الزوجه الصالحه والذرية الصالحه
ويحقق لك اللي في بالك ..
ويوفقك دنيا وآخرهـ ..
الله يجزانا ويجزاك الجنه ووالدينا ووالديك والمسلمين اجمعين ..
يارب العالمين

السلام عليكم
ياخبيرنا بصراحة انا مستغرب من تعامل السفارة الكندية مع طالبي الفيز

مايبلغونهم بوصول اوراقهم ولا يستعجلون بالقبول او الرفض خلاف السفارة البريطانية
عموما والقصد ::

انا مرسل اوراقي من ثلاثة اسابيع تقريبا عن طريق ارامكس والى حد الان ماجاني رد
وانا خائف بعد المدة ذي ترفض الفيزا
والصيفية على الابواب
فهل في رائك اني ارسل لهم على الايميل او اتصل عليهم
يانهم يقبلون او يرفضون ويريحونا
مايخلونا معلقين كذ وتضيع الصيفية بلاش
بالتوفيق

الله يجزاك كل خير والله ماتقصر
سؤالي لك هل الدراسة بشكل عام صعبة ومعقدة في كندا وبالتحديد في جامعة نيوبرانزويك او في تورنتو يعني هل اصعب من السعودية بغض النظر عن الاجتهاد اللي يبذلة الطالب لانو متردد اروح ولالا خايف اروح وما اعدي واضيع سنة هناك مع العلم اني طالب بكالوريوس والتخصص علاج طيبعي .....ومشكوور على كل ماتبذلة من مجهوود كبير

وياك يارحم الرحمين ( دعوه تريح القلب يالبى قلبك )..

بالتوفيق يابطل ..

وعليكم السلام ورحمة الله وبركاته ..

العاده تاخذ من 3-5 اسابيع الين توصلك الفيزا ( انت اصبر الاسبوع الخامس ينتهي واتصل عليهم او ارسلهم ايميل )

السفارات في حالة انك ارسلت لهم استفسار عن الفيزا قبل لاتنتهي المده المحدده من قبلهم رايحين يتاخرو بمعاملتك ويركزون عليك اكثر ( خلك بالنظام افضل )

بعدين 3 اسابيع يابطل تعتبر قليله ( اصبر وان شاء الله بتجيك ) .. غير كذا الوقت يحسب من اليوم اللي السفاره استلمت فيه الارساليه ( يعني الارسال وقته لحاله عطه اسبوع بالكثير رايح جاي )

بالتوفيق ..