اي سؤال عندك (اطرحه هنا) المقابل (دعوة بالغيب) ..

وياك يارب ,

شي طبيعي جدا بتكون اصعب من السعوديه لسببين :
1- الانضباط ( المذاكره اليوميه الاجباريه )
2- اللغه يعني حتى لو كملت سنة اللغه بالمعهد ( رايح تدرس مرا ثانيه انقلش في تخصصك بحكم المصطلحات بتكون جديده عليك ).

لكن على الصعيد الشخصي رايحه تكون افضل ( بتفهم الشي اللي تدرسه من قلب ورايحه تطور فيك جميع المهارات سواء اللغويه او التخصصيه )

بالتوفيق يابطل ..

السلام عليكم سعادة الخبير
عندي سؤال
بخصوص
دراسه اللغه تكون (12شهر) بس القبول اللي جاني فيه (11شهر) يعني مثلا ابدأ شهر 5 تنتهي الدراسه بشهر 4
هو الموضوع طبيعي ولا كيف؟؟
بالتوفيق..

وعليكم السلام ورحمة الله وبركاته ..

جدا طبيعي المهم انه فوق 6 شهور عشان يعطونك تصريح دراسة طالب وليس زائر .. ولاجيتي هنا تقدري تجددي كل شهر لو تبي ..

...

السلام عليكم عندي سؤال
انا قدمت في معهد BCIT
واختبرت وطلبت قبول من المعهد عشان ارسل طلب تغير معهد رفضوا يعطوني القبول لازم ادفع 1000 دولار
وش اسوي ؟؟؟؟؟؟؟
محتارة

طيب
كويس الحمدلله
...

وعليكم السلام ورحمة الله وبركاته ...

انتي لمن قدمتي ليه ماعطيتيهم تعريف بانك مبتعثه او ضمان مالي ( في حالة انك تملكي ضمان مالي شامل للدراسه ).
في حالة انه ماعندك اي ضمان ( تواصلي مع المشرف الخاص بهالنقطه ) مالك الا تدفعي لهم هالمبلغ وتطلبي التعويض من الملحقيه رايحين يعطونك التعويض بكل تاكيد ان شاء الله.

( انا اول مرا اسمع انك لازم تدفعي 1000 .. حق ايش اصلا ؟؟ لانه الي تدفعي عليه فقط القبول مايتعدا 200 دولار والملحقيه ترسل لهم الضمان قبل بداية سمسترك بأيام ) اخاف انتي مافهمتي عليهم بالضبط او فيه لبس بالموضوع .. عموما .. سوي اللي قلته لك وبأذن الله بتمشي امورك.

بالتوفيق ..

السلام عليكم اخوي خبير

عندي سؤالين لو تسمح

الاول بخصوص القبول الجامعي زوجتي مبتعثه بس ودي اعرف مين اللي لازم يجيب القبول المبتعث والاالملحقيه توفر القبول علما انها مرحلة بكالوريوس لان الكلام كثير ودي اعرف الكلام السليم

الثاني بسأل عن اشتراك الانترنت والتلفزيون وش تنصحني بالشركة بالخدمة الطيبه والسعر الاطيب ولو ممكن طريقة الاشتراك عن طريق التليفون والا كيف

جزاك الله خير على مجهودك والله ينولك مرادك

احترامي لك..

وعليكم السلام ورحمة الله وبركاته اخوي احساس,

1- المبتعث الاهم والمهم ( المرافق لو مايبي يدرس بعد بكيفه مو مجبور ابدا )

2- فيه شركات كثيره جدا ( واغلبها نفس الاسعار والخدمات ) .. ارشح لك ( Telus ) انا شخصيا مشترك فيها وسعارها وخدماتها ممتازه بالحيل ..

عن طريق التلفون او احد الاكشاك الموجوده بكل مول تسوي الحجز ويعطونك موعد ويجونك فيه .. وهذا موقعهم وارقامهم .. او عن طريق اي كشك لهم باي مول ..

شيك على العروض قبل الاتصال والاسعار يابطل ..


http://telus.com/

بالتوفيق ..

السلام عليكم ورحمة الله وبركاته ..

إن شاء الله تكون بأتم الصحة والعافية يارب ..

حبيت اسأل التأمين الطبي يشمل الأسنان ..وهل طب الأسنان غالي ..

الله يحقق لك مرداك إن كان خير لك في دينك ودنياك ..

أخوي خبير كندي

أنا جاتني رسالة على الجوال من canadavisa

نص الرساله مكتوب فيها
your application is expected to be finalized on 19 july

مع العلم إني مقدم ع الفيزا من بداية هذا الشهر 1/6

وش معناتها هل معناتها إن الفيزا خلاص أوك ولا لا فهمني يرحم والديك