اي سؤال عندك (اطرحه هنا) المقابل (دعوة بالغيب) ..

جزاك الله خير ..

<أسأل الله ملك الملكوت الحي الذي لا يموت [سبحانه] أن يتم دراستك على ثباتاً على دينه وإستقامه على طاعته وصحه وعافيه ونجاح في دراستك و يقر عينك بشوف والدتك وهي بأتم الصحه والعافيه ويطول في عمرها ويحسن عملها ويحسن خاتمتها ويرزقك ويرزقها الفردوس الأعلى إنه القادر على ذلك > اللهم آمين ..

طيب انت ليه عصبت !!!!
>>> أمزح ـمزح مشكوووووور وما قصرت في ردودك

السلام عليكم :
كيف حالكم يااجمل اعضاء انا عندي مشكله وحبيتكم تشاركوني فيها لعلى وعسى تعطوني حلول تفيدني وان شاء الله اقدر افيدكم لو كان في شي اعرفه ماراح ابخل عليكم
انا توني راجع من السعوديه وزوجتي اول مره تدخل كندا وفيزتها سياحيه ومو راضين يعطوني ستدي بيرمنت لها عشان انا ودي انها تدرس وقالو لي ادارة الهجره لازم اغير الفيزا بعد ٦ شهور (هذا الفتره المسموحه للدراسه للي عنده فيزه سياحيه) وانه زوجتي لازم تطلع من كندا فيها تفاصيل غريبه معه العلم انه فيزتها ماتنتهي الا بعد سنه معه فيزتي فا لو تكرمتو في احد يعرف كيف اغير فيزت زوجتي من فيزة سياحيه الي دراسيه لانه حتي تامين حكومي ماني قادر اطلع لها لانه ماعندها سندي بيرمنت ولاادري ماالعمل ؟؟؟؟؟؟؟

وانتظر افادتكم
انقذوووووني (النجددددددددده)

وشكرا

الى الخبير الكندي.... السلام عليكم ورحمة الله وبركاته.

اخوي أنا جاي انشاء الله خلال شهر اكتوبر- تحديدا فبل 20 اكتوبر- لتعلم اللغة الانجليزية في معهد جامعة بريتش كلومبيا، وحاب استفسر عن نظام التامين الصحي لأني قرات ان الطلاب يجب ان يحصلوا على تامين صحي عن طريق احد شركات التامين و يطلب التعويض المالي من الملحقية بعد الحصول على التامين هل هذا صحيح؟ واذا صحيح حاب تزودني لو سمحت باسم/اسماء شركات تامين تنصح فيها؟

اذا الكلام مو صحيح ممكن توضح لي طريقة التامين الصحي في حالتي؟

جزاك الله خير....

اللهم امين ..

كلام يريح القلب الحمدالله .. وياك يارب

عصبت !!!! ابدا ماعصبت

العفو ..

وعليكم السلام ورحمة الله وبركاته ..

http://www.cic.gc.ca/english/visit/extend-stay.asp

هذا موقع الجوازت والهجره الكنديه ويدخلك على صفحة الزوار
زوجنك لو تبي تحول من زائره لطالبه لابد تطلع برا البلد وتقدم من اول وجديد
تقدر تجدد لها الزياره لو تبي ( لكن الدراسه لازم تطلع من الدوله )
بالنسبه للضمان طلع لها عن طريق المعهد يعني من الشركات الخاصه اللي يتعاملو معها المعاهد والجامعات

انصحك تتصل عليهم وتستفسر منهم وهذا رقمهم حبيبين ومتفاهمين :
Call Centre telephone number: 1-888-242‑2100

بالتوفيق ..

وعليكم السلام ورحمة الله وبركاته ..

اولا توصل بالسلامه ان شاء الله ..

اولا اذا مدتك من 6 شهور وفوق ( معك تصريح دراسه يعني ) فيه تامين صحي حكومي ولو تقرا الدرود السابقه رايح تشوف العناوين حق المكاتب اللي يسوونها في فانكوفر
بالنسبه لشركات الخاصه توفرها لك الجامعه او المعاهد ( اول ماتحضر قولهم ابي اقدم على تامين صحي وبيرتبون امورك بالمعهد )

لكن الحكومي افضل ماتدفع شي وجدا مريح .. الشركات قلق بحالة انك تدفع ويعوضونك ( لكن تعويض كندي مافيه مماطلة شهور )

ولك الخيار ..

بالتوفيق ..

السلام عليكم و رحمة الله و بركاته ..
أنا طرحت موضوع بعنوان اسئلة عن جامعة ألبيرتا مدينة ادمينتون ..

و هذا نص المشاركة
"السلام عليكم و رحمة الله و بركاته ..
أعزائي ..
أريد الاستفسار عن جامعة ألبيرتا .. بمدينة ادمينتون ..
كما قرأت أن الجامعة معترف بها ,, و المدينة صالحة للدراسة و السكن ,, ان شاء الله معلوماتي صحيحة ,,

حابة اسأل كم سؤال ^_^
- سمعت عن بعض الجامعات تكون لغة الدراسة فيها بغير الانجليزية كالفرنسية مثلا ,, السؤال ,, لغة الدراسة بهذه الجامعة بأي لغة ؟؟
- بعض الجامعات لا تقبل معهد اللغة التابع لها ,, قرأت في المنتدى أن هذه الجامعة تقترح عليك معهدين في فانكوفر ,, السؤال ,, هل هذا صحيح أم أنها تقبل المعهد التابع لها أي أن لها قبولات مشروطة باللغة ؟؟
- دراسة الماستر فيها بحث أم مواد ؟؟
- سأدرس بإذن الله علوم حاسب ,, ماهي شروط القبول في الجامعة غير اللغة ؟؟ اختبارات أخرى ؟؟ ماهو اختبار ال جي ار إي ؟؟
- متى تكون بداية الدراسة في الجامعة ,, و في المعهد ؟؟
- آخر يوم للتقديم الديد لاين ؟؟

في سؤال عام ,, دراسة الأطفال في المرحلة الابتدائية للمناهج السعودية ,, في كندا عامة ,, الولايات أو المدن ؟؟

~ وفقكم الله في الدنيا و الآخرة و يسر لكم أموركم جميعها ~"

ياليت اللي عنده خبر أو عنده معلومة عن أي سؤال يفيدني ..

وعليكم السلام ورحمة الله وبركاته ..
صحيح الجامعه معترف فيها وتعتبر من اقوى 5 جامعات كنديه واول 80 جامعه عالميه ..

1- اللغه الرسميه فيها انقلش.
2- تقبل تخلصي اخر ليفل فيها وتدخلي على تخصصك على طول.
3- فيه الاثنين وعلى حسب الدكتور اللي بتشتغلي معه.
4- في الموقع مافيه طلبات لكن بعد التقديم ويدرسون شهاداتك ومعدلك في احتمال يطلبو منك اي اختبار معين ( لكن المعروف بالحاسب ماله اختبار معين للقبول ).
5- المعهد كل شهرين من بداية السنه الى نهايتها ( الحسبه عليك ).. بالنسبه للتخصص كل شهر جانوري وسبتمبر وبعض التخصصات تقدري تبدي فيها بالصيف ..
6-قبل بداية السمستر بــ 4 شهور.
السؤال العام : تواصلي مع المدارس الاسلاميه موجوده في ادمنتن لكن انصحك تتكلمي مع النادي السعودي في ادمنتن كلهم عوائل وعندهم اطفال بيفيدونك اكثر مني..

بالتوفيق ..