اي سؤال عندك (اطرحه هنا) المقابل (دعوة بالغيب) ..

فانكوفر بكل المقاييس ( لكن لو انت متعود على الوحده وبيتوتي واهم شي الدراسه يعني ماتتضايق لو مافيه وناسه تعال كالقري بتهيئ لك جو دراسي اكثر )

بالتوفيق..

مشكور خبير كندا الله يجزاك خير إنشاء الله

مرررة شكراا صراحه اجابتك كثير افادتني بس ابغى اسالك عن مدينة فكتوريا
انا انقبلت بفكتوريا ومعايا تقريبا 20 الف ريال ووصلي 25 رجب ويقولو اللي يجي بعد يوم 20 بالششهر الهجري يستنى شهر الين ينزل الراتب
انابسال انوبجلس شهراستنى وفي ناس تقول اذا وصلت بوقت مو وقت راتب تنزلك بعداسبوع من من فتح الملف معونة فهل صحيح هذاالكلام ارجوك افيدني

العفو وان شاء الله ماتنساني من دعواتك

انت بتوصل على 25 بيكون راح اسبوع من نزول الرواتب ( ورايح تضيع هنا اسبوع عشان تفتح الملف يعني تجميع اوراقك وفتح الحساب والموضوع كله بياخذ منك اسبوع كمان ) يعني نص شهر راح عليك فماراح يعطونك الا بعد اسبوعين مع بداية الرواتب الجديده.

بالنسبه للمبلغ الي ذكرته بأذن الله رايح يكفيك لكن مدري وش المستلزمات اللي تبيها وكم شخص انتو بعطيك امثله وانت قيس حساباتك عليها :

1- اذا انتو عائله يبيلكم ايجار بيت اقل شي بــ 1500 دولار فلازم تدفع دبل عشان الضمان فهذي 3 الاف طارت ايجار وتأمين ( لانه لازم تدفع حق شهرين ) غير الاكل والروحه والجيه فقط ايجار بيت.
2- اذا انت مع مرافق فقط فيبيلك اقل شي من 900-1200 ( وبنفس الحاله الدبل بيطير عليك فقط ايجار سكن يعني تقريبا 2000 دولار ).
3- اذا انت لحالك فالايجار بيكون من 600-900 ( ونفس الشي الدبل لكن المبلغ بيكفيك الين الشهر الجاي ) لانه لاتنسى كلها 3 اسابيع .

لكن انا مدري بتوصل على فندق كم يوم هل فيه اشياء خاصه بتضطر تشتريها اول ماتوصل .. انت جيب ورقه وقلم واحسبها بالدولار ايجارات البيوت والفندق اول الفتره هي المكلفه ( الفندق احسبلها 100 دولار بالليله ) احسبها وشوف ( لكن المبلغ اللي معك كافي ان شاء الله وحاول قدر المستطاع انك تجيب معك فيزا او ماسترد كارد تنفع كثير ) اغلب الامور بكندا تمشي فيها وعالميا بعد .

بالتوفيق يابطل.

العفو .. وياك اخوي ان شاء الله

السلام عليكم ورحمة الله وبركاته
استاذي الفاضل عندي عدة اسئلة:
1- ماهو القبول المشروط والغير مشروط؟
2- وفر لي مكتب تجسيرالقبول في معهدELSولكن اشخاص مامدحوه لي فحولت الى معهدVES هل هو افضل؟وانا ماعطيت معهدELS خبر هل مفروض اعطيهم خبربتحويلي؟
3- انا لغتي ضعيفه لو فكرت اجلس 3شهور بالتجاري من متى مفروض ابدء ادور على معهد اكاديمي؟
4- مارأيك بجامعة University of Northern British Columbia

وهل لو كملت فيها المعهد اجد قبول ماستربسهولة "سمعت انها ماتشترط الاتلس"؟




والله يجزاك كل خير ويجعل كل حرف تكتبه توفيق لك ..

اخوي بسألك سؤال عن العفش اقدر اجيب معاي اكل مثل التمر والقهوة و معلبات والا ممنوع والدخان كم اقدر اخذ معاي وسوري على الاسأله وشكرا

وعليكم السلام ورحمة الله وبركاته

1- القبول المشروط ( قبول جامعي بالتخصص لكن فيه شرط ماتبدي الا لمن تجيبي الانقلش ).
2-بالنسبه للافضل ابيك تاخذينها قاعده ( اغلب المعاهد التجاريه بنسبة 95% دراسيا نفس الشي فرق بسيط بالمباني وعدد الكلاسات ) يعني من الاخر كلهم سوا .. المقارنه تصير بمعاهد الجامعات لاهتماهم الاكاديمي الاكثر ( بالنسبه تعطيهم خبر مايحتاج المهم تتواصلي مع الملحقيه قبل لايدفعو قسط الترم فتضطري انك تجلسي فيه ) باختصار اهتمي فقط للملحقيه ماعليك من المعهد.
3-بالنسبه للغه على حسب الاجتهاد ( لو انتي راعية دراسه وفعلا محترمه الانقلش اقولك من الان ابدي بمعهد جامعي لاتضيعي اكثر من شهر لانه حرام تروحي لمعهد جامعي بعد 3 شهور وتبدي من الصفر !! ) ماعليك من كلام الناس صعب وضغط ( مع انه لو تذاكري باليوم 3 ساعات فقط ودوام 5 ساعات راح يكون سهل وممتع ومفيد واعتبري نفسك موظفه وانك تستلمي راتب بمقابل ).
4-جامعه قويه وممتازه ( لو خلصتي جميع مستوياتهم تدخلي عندهم ويسهل امر قبولك لكن لاتربطي نفسك انتبهي من الان لانه في احتمال تغيري الجامعه لاي سبب من الاسباب فكري بالتوفل او الايلس فقط فقط فقط فقط ) انتبهي تغلطي زي الناس كلها يعتمدون على جامعه معينه ويخلصون الانقلش فيها ويجيك سبب بعلم الغيب يمنع الالتحاق بهالجامعه فانتي بدون توفل او ايلتس مابتقدري تتحركي واتركي عنك سمعت وابغى الاسهل ليه تخلي الجامعات تتحكم فيك وتقيدك وانتي بيدك اللي تختاري وتدلعي !!.. سوري طولت بهالنقطه لانها مهمه جدا لك بحكم لسى ببدايتك ( ياليت الكل ياخذ هالنقطه بمحمل الجد كثير يرجعون خايبين بسبب الانقلش والعذر كندا صعبه !!! )

يازين دعوتك بس ( ودي اكتب ماوقف على هالدعوه الحلوه هذا اللي ابيه منكم في حالة حسيتو اني استاهل ).

بالتوفيق يابطله..

هلا احساس ..

مصرح لكن بكميات قليله جدا يعني استخدام بسيط القهوه جيب ماحولك احد بس لاتبالغ والتمر يسمحون لشي بسيط 2 كيلو الدخان المصرح دوليا كرزين فقط ( اذا انت ماتقدر تستغنى عن هالاشياء نصيحتي قبل السفر بيومين عبي شنطه واشحنها من المطار على مدينتك وبتاخذ تقريبا 3 اسابيع على بال ماتوصل وبسعر جدا حلو مقارنه باسعار الوزن الزايد في الطياره لكن الدخان ممنوع على بال ماتوصل لكندا وترتب امورك الا هي واصله تروح تستلمها من المطار ).

برايفت .. الله يسامحك ذكرتني بالتمر وجلسة الوالده الله يردني لها باقرب وقت ان شاء الله.

بالتوفيق يابطل..

اي والله تستااااااااااهل ونص بعد
الله يوفقك وبدعي لك بكل صلاة اصليها
....
بس اشلون اعطي الملحقيه خبر
س: ارسل لمشرفي اني حابه احول لمعهد اكاديمي الشهر الجاي؟

س: وبرأيك اش افضل معهد في فانكوفر"الداوتاون" يراعي المستويات الضعيفه ويأسسها ياليت تدلني
وربي ضااااايعه حتى يمديني اقدم عليه اول مايخلص ضماني بالتجاري..