اي سؤال عندك (اطرحه هنا) المقابل (دعوة بالغيب) ..

http://www.mbt3th.us/vb/forum90/thread317095.html

مرحبا اخوي خبير والله يعطيك العافية على الجهد المتعوب عليه ..
عندي استفسار الله يطول عمرك..
ابي معاهد اكاديمية تقويني في اللغة وتاهلني للايلس غير معهد برتش كلومبيا وسيمون فريزر.. ادا امكن تدكر لي اكثر من واحد الله يسلمك..
واخير وش رايك في كولمبيا كولج من جميع النواحي ... اقصد تدريس اللغة ونظامهم ككل والدبلوم حقهم وكفائة تدريسهم..
اسف على الاطاله وجزاك الله خير يا خبير

السلام عليكم ..
ياليت تفيدنا الله يجزاك خير

لو كنت طالب دارس على حسابي وانقبلت بالانضمام للبعثة،
الراتب اللي بينزل راح يكون ( مبلغ صرف من بداية صدور القرار + راتب الشهر القادم كاملاً )
أو : فقط مبلغ الصرف اللي من بداية صدور القرار ، يعني يكون ناقص

مراحب .. الله يعافيك ان شاء الله

عندك معاهد كثيره للايلس زي مثلا قلوبل فليج عنده كورسات فقط للتحضير للايلس ويكون فل تايم وبارت تايم ( لكن نصيحتي لك انت قيم نفسك وشوف وين ضعفك باللغه فيه )
وخلنا نقول انك بالكتابه يبيلك تقويه ( فشوف لك مدرس بالساعه تمشي معه يعطيك مواضيع تكتب عنها وكل اسبوع تجتمعون ويصحح لك ويعلمك اغلاطك وهكذا افضل طريقه )
غير قلوبل فليج فيه معاهد الكليات والجامعات مر عليهم وبتلقى الكثير لان كل معهد بدون استثناء لهم كلاسات خاصه للايلس سواء بارت تايم او فل تايم ..

بالنسبه لكولمبيا كولج قريت عنها لكن شخصيا ماجربتها ويمدحونها لكن المشكله في كندا الام الكبيره تاكل السمعه كلها ( برتش كولمبيا وسيمون فريزر ) فالصغار تضيع سمعتهم
لكن كدبلوما جيده خصوصا ان اغلب موادها في البزنس قريبه لمواد الجامعه الكبرى مع اختلاف طريقة التدريس ( اسهل طبعا ) ودرجة التخرج المطلوبه تكون اقل مع امكانية انك
تكمل في عدة جامعات كنديه في حالة تبي تكمل البكالريوس لكن لاتنسى لكل شي درجه معينه لازم تحطها بالحسبان ..

بالتوفيق ..

وعليكم السلام ورحمة الله وبركاته ..

الراتب بينزل من اول ماقبلت بالبعثه ( مابيعوضونك عن الماضي اللي صرفته في حياتك اليوميه من ايجار ومواصلات ... الخ )
يعني بيكون راتب الشهر القادم فقط ..

ويعوضونك عن اخر سمستر لك بالجامعه دفعته من جيبك الخاص ( فقط الاخير حتى لو تكون مخلص اكثر من سمستر ) ..

بالتوفيق ..

استفسار ضروووووووووووري

الله يجزاة الجنة الي بيرد علية
اناا انقبلت بلمرحلة السابعة بعثةلكندا تخصصي بكالوريس كيمياء وقدمت طلب الماستر علوم حاسب
وقبلوني

بس ارسلوا لي مسج يقولون انتي تختارين المعهد واجيب القبول انا نفسي في ادمنتون في جامعة البرتا
وانا مو عارفة ولا شي مدري كيف اجيب القبول ومن وين وش المطلوب مني؟ماني فاهمة شي ومحد عندي يعلمني
وغير كذا ابي اسال عن الملتقيات انا اختار المدينة الي ابيها يعني انا اختار الرياض والا جدة والا الخبر والاهما يختارون لي
ومتى مواعيدها لاني دخلت على طلبي مو محددين لي الموعد ولا شي بس قايلين حضور الملتقى الازامي

وسوال اخير والله ادري اني بتعبكم بس وربي له دعوة من كل قلبي الي يساعدني
اخوي الي بيطلع معي يشتغل مساعد مهندس في امانة الرياض بيعطونة تفرغ من العمل والا لا؟؟؟
تكفون ساعدوني مرة شايلة هم لاني ماني فاهمة ابد شي بهشغلات


انتظر ردووووودكم واالله ييسر للكل

السلام عليكم

ممكن خدمه ابغي معهد كندي اكاديمي جيد

وكويس يكون في فانكوفر

بليز

الله يعافيك ..

اذا معدلاتكم من 80 % ومافوق امورك بكندا بتكون سهله كثير واذا اقل بتصعب عليك جدا جدا لكن ماهي مستحيله خصوصا في حالة الحصول ع الدرجه المطلوبه في اللغه ..
لكن نصيحتي لكم من الان دام معدلاتكم اقل من المطلوب شوفو لكم شي اضمن من ناحية القبول ..
بالنسبه للصيغه مو مهمه انت اكتب لهم اسبابك الشخصيه واهم الاسباب معدلك وبكندا شي معروف المعدل شي اساسي فرايحين يقبلو بدون جدال ..

بالتوفيق ..