اي سؤال عندك (اطرحه هنا) المقابل (دعوة بالغيب) ..

طيب ولايهمك ارسلي على الخاص وابشر بسعدك ..

بالتوفيق ..

ومسآعدتي إن أستطعتم




المصدر: http://www.mbt3th.us/vb/forum107/thr...#ixzz1f7PyEe65
حفاظاً على حقوق الكاتب نرجو عدم حذف المصدر مبتعث

خبير كندي , السلام عليكم و رحمة الله و بركاته
عساك بخير يا رب ؟
كيف الاجواء عندكم ؟ جعلها يا ربي برد و سلام عليكم
كيف قوة معهد كابلن في اللغة ( أنا ما أسأل عن دورات تدريب الاطباء و غيرهم لان دا المعهد متخصص بزي كدا دورات ) ؟ إذا تعرف عنو حاجة قول لي
و كم يبعد عن لندن؟

و شكر الله لك

1- السلام عليكم و رحمة الله و بركاته
2- كيف معهد كابلن في تدريس اللغة ( لغتي ليست ضعيفة جدا ) أو ما مقياس تهيئته للغة الطالب اكاديميا لدخول الجامعة ؟
3-كم يبعد عن مدينة لندن ؟

وعليكم السلام ورحمة الله وبركاته ..

اولا وانا اخوك مافيه شي يستاهل الرعب الوضع جدا عادي ورايحه تتعودي من اول يوم لك في كندا انا رايح ارد على اسئلتك لكن انتي بالبدايه ودك تتعرفي على بنات ماتوقع بتلاقي بنات كثير بموضوعي لان اغلبه استفسارات فانصحك تنزلي موضوع عن تجمع بنات فانكوفر ورايحين يجونك ياكثرهم ماشاء الله .. واذا انا اقدر اساعدك من الناحيه النفسيه ماراح اقصر ان شاء الله ..

بالنسبه للاسئله :

1- من الصعب جدا اني اعطيك ايجابيات او سلبيات شخصيه لانك ادرى بمقدرتك الدراسيه ( لكن بتكلم بشكل عام وان شاء الله تستفيدي ) ..
اشعه : جيده كرواتب معروفه في كندا لكن انا شخصيا اشوفها ممله او بالاصح طبيعة عملها ممل لي شخصيا .. اضف الى ذلك في حالة التطوير بالداراسات او الفرص الدراسيه بتكون اقل لك بعد التخرج منها باختصار شديد محدودة الطموح ..

مختبرات : ممتازه كرواتب وبيئة عمل وبنفس الوقت تقدري تطوري نفسك بحكم عدة تخصصاتها الكثيره والمتوفره وبنفس الوقت تستطيعي تفتحي شي شخصي كبزنس ..

2- الطب في كندا كدراسه من البدايه شبه مستحيل بحكم كثرة متطلباتها وانه لازم يكون عندك بكالريوس في العلوم الطبيه او الطبيعيه .. لكن يطلبو معدل خيالي شوي فاذا تعرفي نفسك شاطره جدا جدا بتقدري لكن لو تعرفي قدراتك محدوده نوعا ما اتركيها ( لان القبول يتم حتى على شخصية المتقدم حتى وان توافت الشروط ) .. يعني انتي تقدري تدرسي مثلا بكالريوس بالمختبرات واذا جبتي معدل قوي فتقدري للطب بعد ماتخلصي البكالريوس ..

نصيحتي اذا كنتي تبي الطب : ادرسي الطب البشري في السعوديه او دوله اقل صعوبه من كندا والدراسات العليا في كندا ( وهذا حال كل الاطباء السعوديين ) ..

3- انتي مع ايش تتأقلمي هنا السؤال ؟ اذا بترتاحي مع عائله اسكني معها لكن حطي براسك ماراح تتكلمي معهم الا باليوم نص ساعه لكن انصح فيها اول شهرين الى ان تعرفي المدينه خصوصا ان الشعب الكندي شغيل من الدرجه الاولى ( يعني من الصباح الى المغرب برا البيت فمافيه الوقت الكافي اذا كان تفكيرك لغه تكتسبينها منهم ) لكن غالبا فيه عوائل كبيره ففرص كلامك بتكون اكثر .. بالنسبه لسكن طلاب الجامعه ممتاز لكن الاجواء مابتصلح لك بحكم انهم دائما حفلات وتجمعات فاذا انتي محافظه بتتعبي شوي ..

4- للاسف ماقدر افيدك بهالشي لانه ماعندي الا هالموضوع اي استفسار ارد عليه ..

بالتوفيق ..

وعليكم السلام ورحمة الله وبركاته .. بخير جعلك بخير ان شاء الله ..

ياليت تعطيني رابط المعهد او اسمه بالانقلش ..

لكن ملاحظ كل اسئلتك تسئلي كم يبعد المعهد عن المدينه !!! انتي ناويه تكوني تسافري يوميا يعني حتى لو برا المدينه بنص ساعه بتتبهذلي بالمواصلات خصوصا انه اكيد بيكون فيه معاهد بمدينتك ..

بالتوفيق ..

وعليكم السلام ورحمة الله وبركاته .. ااذا تبي تغيري مشاركتك سوي تعديل يعني مايحتاج تكتبي مشاركتين وكلها نفس المحتوى ..
نفس الرد السابق ابي اسم المعهد ..
بالنسبه لمقياس اللغه ( اختبارات التوفل او الايلس ) ..

بالتوفيق ..

السلام عليكم ورحمة الله

الله يعطيك العافيه على الاجابه على استفساراتنا جعلها ان شاء الله في ميزان حسناتك

عندي استفسارات كثير

انا راح اسافر لكندا - فانكوفر لدراسة في ( معهد + وجامعه ) ان شاء الله في البدايه راح يكون على حسابي ومن ثم بحاول انضم للبعثه

المعهد global village

الجامعه Simon Fraser University ( تخصص علوم حاسب )

طبعاً بروح عن طريق تنسيق مكتب ( الاكاديمي العالمي لدراسه ) نسق لي تسجيل المعهد والجامعه و والسكن واستقبال المطار .


س1/ انا سجلت بمعهد global village هل راح يطلب المعهد مع بداية الدراسه كتب من الطالب ؟

س2/ افضل طريقة مواصلة من السكن الى المعهد وكم تكلفتها ( سمعت ان الاوتوبيس افضل شيء ) ؟

س3/ الحساب البنكي في كندا عطني كامل التفاصيل ( افضل بنك + طريقة فتح الحساب + الاوراق المطلوبه ) ؟

س4/ ماهي الاجراءات الي اسويها عشان انضم للبثعه من الألف الى الياء ؟

س5/ طبعاً ان شاء الله رايح على الخطوط الالمانيه او الهولنديه لكن ان شاء الله على الالمانيه هل في اجراءات الجمارك او الحدود سمعت عنها في الحدود الكنديه بس مافهمت وش المقصود فيها ؟

س6 / هل في محظورات ماراح اخذها معي مثل الأكل ( راح يكون عندي حقيبة ظهر بحط فيها كتكات وفطيره وعصير وهالحاجات ولا ممنوع )؟

س7 / انا ادرس بأحد الجامعات في المملكه هل لو وقفت قيد وقدمت على البعثه انقبل او ينرفض بسبب اني في احد الجامعات ؟!

س8/ اي نصائح تقدمها لي كطالب ذاهب لدراسة في كندا وبتحديد فانكوفر بشكل عام او خاص ؟

فا اي نصيحه سواءً كانت صغيره او كبيره او مهمة او غير مهمة ياليت تطرحها هنا استفيد منها ويستفيد منها غيري

واعتذر على كثرة الاسئلة بسبب اني ماسافرت لحالي خارج دول الخليج ابد

واشكرك يالغالي ( بنتظارك )

ججزآك الله كل خير , وفييت وكفيت ,
جد مررا شكرًا , أفدتني كتيير

الله يعافيك .. تستاهلون كل خير ان شاء الله ..

1- ايه نعم الكتب بتكون على حسابك بتكلفك تقريبا 150 دولار ..

2-فيه القطارات والباصات البطاقه الشهريه تكلف 100 دولار تستخدم فيها جميع المواصلات الحكوميه كقطارات وباصات وهي اللي كل الشعب يستخدمها للمواصلات ..

3-البنك اسمه CIBC تروح لاي فرع وتاخذ معك اثباتين لهويتك ..

4-الاجراءات اهمها القبول الجامعي المشروط تجيبه وتفتح ملف بالملحقيه وتنتظر الين يقبلونك ( الاوراق كثيره لاجبت القبول المشروط علمتك وفيه مواضيع مثبته بالموقع بتفيدك اكثر وموجوده في موضوعي الروابط )..

5-اجراء جدا عادي في مطار فانكوفر توصل للكونتر وتعطيه جوازك + القبول الجامعي + اثبات السكن ان وجد فقط ..

6-الاكل عادي جيب زي ماتبي ( لكن الاشياء المعروفه زي العطور والامواس والاشياء الحاده حطها في شنطة العفش ..

7-لا مالهم دخل مايهتمون ..

8-النصائح كثيره وصعب احصرها برد وانا ناوي انزل موضوع خاص في نصائح عن السفر لكن لو تبحث بالمنتدى بتلاقي الكثير ولو فيه سؤال محدد ابشر ابرد عليه ..

اي سؤال تحتاج رده اطرحه وان شاء الله ارد عليك باقرب وقت واعتذر عن التاخر بسبب الاختبارات هذي الفتره ..

بالتوفيق ..