اي سؤال عندك (اطرحه هنا) المقابل (دعوة بالغيب) ..

الله يعطيك العافيه مانبي غير هالدعوه الصادقه الله يخليك.

1- ترسلي القبول للمشرف وتقولي له نقلت لهالمعهد فقط مع اتصال.
2-تبي معهد تجاري !! كلامي اللي فوق قريتيه زين؟ انسي شي اسمه تجاري وروحي للجامعه برتش كولمبيا او احد الكليات اللي تعليمهم اكاديمي ( حاولي تنفذي هالامر مو طلب ولا توسل لازم يصير )
ابعدي عن الاحباط النفسي اللي واضح بكلامك ابعدي عنه ( لاتهتمي ابدي بالاكاديمي وبتوصلي خير اول اسبوعين بتحسي بصعوبه ومع الاجتهاد بتنجزي لاتضيعي عمرك على الفاضيي لو تجاري ارجعي السعوديه ابرك عند اهلك وسجلي بمعهد في منفوحه ).

عموما الجامعات والكليات كثيره شوفي الافضل لك او الاقرب وسجلي المهم تعليمهم اكاديمي شي يساعدك للمستقبل ( المعاهد التجاريه تطورك لكن وانتي بمكانك جامعيا ماتقدمك اي خطوه ).


بالتوفيق يابطله ..

معليش تلقفت على موضوعكم لاكن سؤال الحين معهد الجامعه مثلا اللي في كالجاري يعتبر اكاديمي صح ؟

طيب وش رايك اسجل فيه..... ولا اسجل في البدايه في قلوبل فيليج لمدة معينه لانك بتطلع على حسابك بعدين تحاول تجيب قبول من معهد اللغه حق الجامعه

اتمنى يكون فهمت قصدي

وسؤال ثاني وش اخذ قبول مشروط ولا غير مشروط مع العلم اني بسجل في معهد قلوبل فليج ان شاءالله

ولايهمك وانا اخوك ( اذا معهد جامعي ايه نعم اكاديمي ).

انا نصيحتي للكل يبدء بالجامعه افضل اهم شي باللغه تأسيس من البدايه تصعب ولاتصعب بالنهايه خصوصا الجامعات واختبارات الانقلش تتطلب هالشي.

من الاخر لو ظروفك تسمح لاتتردد عن الجامعي.

القبول المشروط تطلعه من الجامعه انهم بيدخلونك بعد ماتخلص الانقلش ( تجيب شهادة انقلش توفل او ايلس او كاييل ).

القبول المشروط الملحقيه تطلبه عشان تضمك للبعثه ( هالشي من اهم شروط الانضمام للبعثه ).

وبالاخير تجيب قبول مشروط انت المستفيد بالملحقيه ( انت شوف بنفسك هل احد طالب منك قبول مشروط او لا اذا طلبو منك جيب اذا لا مايحتاج تخسر نفسك على الفاضي ).

القبول الغير مشروط ( مافيه شي اسمه قبول غير مشروط .. هو قبول عام اللي تدخل فيه الجامعه والقبول المشروط اللي يطلبو الانقلش قبل بداية الدراسه فقد ).

بالتوفيق يابطل..

الله يجزاك خير يارب

ولك والله يجزاك الف خير.......

1- تسوي بالضبط زي ماقلتي انتي ( تقدمي على اقرب وقت بالجامعه لو بكره ) ومثلا نقول بتبدي بالجامعه في سبتمبر تكملي بمعهدك الى بداية سبتمبر وتنقلي للجامعه والمشرف تعطينه القبول المعهد الجامعي باقرب فرصه تقدري عليها ( كل مارتبتي امورك بوقت اقل كل ماصار الاستعداد الذهني والنفسي افضل لك ).
2- انتي قادره فقط حاولي وجربي هالتحدي بينك وبين نفسك وقتها بتعرفي انك فعلا قدها .. والله يوفقك.

بالتوفيق يابطله ..

الف شكر اخوي على موضوعك وومساعدتك لنا ، جزاك الله خير وعساها في ميزان اعمالك

اخوي بسألك عن الحجز في الفنادق

هل الافضل احجز عن طريق المواقع اللي تقدم لك عروض الفنادق او احجز من موقع الفندق نفسه

+ انه وش افضل و أأمن موقع للحجز لانهم كلهم يطلبون رقم الكريدت كارد

شاكره لك اخوي ، وعساك على القوه

العفو اختي

بالنسبه للحجز عن طريق المواقع العامه زي ( Expedia او Hot wire ) .. او المواقع الكبيره المعروفه ماعليها خوف لكن حاولي يكون تحديدك من نجمتين ونص ومافوق يكون اضمن ( لانه اللي اقل من هالفئه يكون اغلبه دعاره وهالمواقع تطلع كل الفنادق بدون استثناء فعشان كذا نجمتين ونص ومافوق وعليك الامان ).

لكن فيه مواقع مو معروفه هذي فيها نصب ابعدي عنها والموقعين الي كتبتهم لك مضمونين باذن الله ( طبعا بدون شك ان هالمواقع تكون ارخص من الفنادق الي تحجزينها من نفس موقع الفندق )
وشي طبيعي يطلبون الكريدت ماعليك خوف ( انا شخصيا استخدمها كثير جدا جدا جدا ولاعمري انغشيت )

بالتوفيق يابطله ..