اي سؤال عندك (اطرحه هنا) المقابل (دعوة بالغيب) ..

خبير كيفك

انا قدمت بجامعة فيكتوريا على تخصص سوفتوير انجيرنق ومانقبلت لكن قبلوني في تخصص كمبيوتر ساينس
ومحتار هل ادرس هالتخصص او وانا في كندا ادور جامعات تانية تقبلني في سفتوير انجيرنق

وشكراً ايه صح بكرة وصولي لفكتوريا ان شاء الله

السلام عليكم...هذي أول مشاركة لي لكن عجبني الموضوع

المهم...بصراحه انا مخطط اسافر لكندا ع حسابي بالصيف الجاي كذا شهرين لكن محتار وش اختار مدينة ومعهد...مع ذلك سألت ناس ونصحوني بمدينة ادمنتون انها حلوة ومناسبة بس باردة وناس مدحوا لي مدينة هاليفاكس والصراحه احترت بينهن لأن هاليفاكس قالوا ان نسبة الطلاب السعوديين فيها كثير مقارنة بحجم المدينة وهذا اللي محيرنا بين هالمدينتين...فياليت تفيدوني للأصلح وتعلموني المعاهد المناسبة للمدينة الي تنصحون فيها

آسف ع الإطالة وشاكر لكم إتاحة الفرصه وتبادل الخبرات

بانتظار ردودكم...!!

اخوي الحين احط المواد السائلة في كيس صح ؟
طيب احطها في شنطة الظهر ولا في مع الاغراض ؟
و شنطة الظهر احط فيها اللاب ولا في الطيارة يكون معاي شنطتين شنطة للاب وشنطة الظهر؟
اسف ازعجتك

يعطيك العافية موضوع جميل

أولا ما شاء الله تبارك الله ..
الله يزيدك علم على علمك
ويؤجرك بما تقدم لأخوانك
أخي الفاضل أنا عندي عدة اسأله وأعتذر مقدما اذا راح أثقل عليك :
كيف اعرف نظام المواصلات من باصات واسكاي ترين في فانكوفر ؟
سمعت ان لهم موقع بس ما اعرف استخدمه ولا أعرف الموقع أصلا
الشي الثاني : أبغا عنوان طبيب عيون جيد في فانكوفر وسارية يكون في الداون تاون واذا عربي أفضل أخاف أدخل في الصحه بالانجليزي
وهل العيادات تقدر تسوي عمليات ولا لا ؟
وهل لملحقيه تعوض عن عمليات تصحيح النظر ولا لا ؟
اذا أتذكره شي بسألك اذا ما عليك كلافه

لو تحدد يكون افضل عشان المعلومات تكون اوضح ..

لكن بشكل عام ممتازه ومستواها معروف على جامعات كندا ( تدخل في العشر الجامعات الكنديه الاولى في بعض التخصصات )

بالتوفيق ..

وعليكم السلام ورحمة الله وبركاته ..

اقدر اطلع لك معاهد لكن بالنسبه لقوه مدري عنها وارجع اقولك لو تراجعي قسم اونتاريو افضل لان هالقسم خاص في البرتا وبرتش كولمبيا ..

بالتوفيق ..

الحمدالله بخير ..

كل التخصصين جيده لكن مقدر اقولك اختار واحد عن الثاني انت حدد الشي الي تبيه ولاجيت كندا دور على جامعات ثانيه ولو مالقيت خلك على التخصص الي قبلت فيه ..

بالتوفيق ..

وعليكم السلام .. حياك الله

والله بالاول انت جاي بالصيف يعني انحل موضوع الجو بيكون بكل المدن جيد الى الحار .. نصيحتي لك انك تدرس بمدينه سياحيه لان كلها شهرين
لاتروح ادمنتن ولا هاليفاكس لان وقتك كله بيصير تجمعات مع شباب سعوديين
روح مدينه سياحيه منها تنبسط ومنها تشوف بشر اكثر وفرص انك تكون صداقات مع اجانب تكون اكبر من هالخيارات عندك تورونتو او فانكوفر .. منتريال حلوه لكن مابتفيدك بمجال اللغه كثير

بالتوفيق ..

اي شي سائل او حاد ممنوع يركب معك في الطياره كله بالشحن ( يعني تحط كل شي بالشنطه الكبيره الي بتدخلها بالشحن ) ..
بكيفك مسموح لك تقريبا 20 باوند تدخل معك للطياره ..

بالتوفيق ..