ممكن جواب ياطلاب جامعة تومسون ريفرز ؟؟؟ وفقكم الله لخير الدنيا والاخرة ،،،

في سبيكنق و قرمر و ريدنق و رايتنق
مافي لسننق
كله اختياري ماعدا الرايتنق
و كله ع الكمبيوتر..و الاسئلة قليلة و يبغالها تركيز جدا
و لو ماعجبك المستوى او ما اقتنعت فيه روح اتكلم و قول لهم طلعوني و حاول معاهم و لا تسيبهم ابدا..مثلا لو حطوك ليفل 3 قول لهم اعطوني الاختبار النهائي لليفل و لو عديته طلعوني
لانو كتير بينظلمو فيها ..بس بشكل عام لا تشيل هم سهالة ان شاء الله

أخوي كيف عرفت يوم اختبار تحديد المستوى تبعك ؟

انا عملت الاختبار و في الرايتنق حطوني ٣ بس جلست وراهم و وريتهم الي انا كاتبتو و ماسكتت، حطوني ٥
بس الريدنق ماكان عندي دليل فدرست ٣
النتيجه اتوقع فنفس اليوم

بالنسبة للشقه انا في السعوديه و ح ارجع ان شالله يوم ٣ سبتمبر، و حاترك الشقه تقريبا يوم ١٤ سبتمبر مش قبل
و حاليا ماعندي صور لاني ماكنت ناويه اني اعرضها الا متاخر
و هل بدك الاثاث معاها ولا لا؟
مدري لو يناسبك التاريخ لان الظاهر انك بتجي قبل،

السلام عليكم اخواني ومبارك عليكم الشهر ( ابسالكم كيف اعرف مواعيد اختبار تحديد المستوى في جامعة توسون ريفر وهل انت متاكد اخوي الكريم انه فيه 24 اغسطس انا قالولي في 30 اغسطس يوم العيد والاختبار الساعه كم يبدا( سوال ثاني ) ومعليش على الاطالة الاختبار فقط تحدث وكتابة وقرمر وكم مدة الاختبار وكلها على الكمبيوتر يعني مافيه استماع ارجو الافادة

يا إخوان ترى موعد الاختبار مش مقدس. يعني لو كانت عندك رغبة في الحضور متأخر راح يتاح لك فرصة للاختبار مع المتأخرين . لأنهم في الغالب يسوون اكثر من اختبار . لكن أنا (( أفضل )) دائما إنك تجي مع الأولين عشان تضبيط الجداول وتسوي الشغلات الثانية مثل حسابات البنوك والجوال ...إلخ قبل ماتنشغل بالدراسة.

إللي يبي فزعه تراني طاقني الهم وجالس في الديرة لحالي لول.

مشكور اخوي وماتقصر ,, انا مهتم لموعد الاختبار لان مابيهم ينكبوني
والسبب الي خلاني احجز على ٣ سبمتبر انه مجهز وضعي من قبل في كاملوبس رحت واستأجرت شقة وعندنا حسابات بنكية وامورنا الحمد لله اوكيه ,, الشي الي باقي هو نقلب جوالاتنا على ارقام كاملوبسية خخخ وننقل العفش من فانكوفر لكاملوبس

المشكلة اني راح اوصل يوم ٢ على مطار سياتل وراح اطلع بالسيارة لكاملوبس يوم ٣ لاني ماراح اقدر اسوق اول ماوصل من سياتل لكاملوبس ( ٦ ساعات مشوار )

والله يعدي هالكم يوم على خير

السلام عليكم اخواني انا اسف على ازعاجكم بس مالي الا الله ثم انتم بالغربة (سوالي 1 ) اختبار تحديد المستوى في جامعة تومسون ريفر اقرب موعد بتاريخ كم بالضبط وهل النتيجة بنفس اليوم (السوال 2 ) انا خريج كلية تقنية تخصص محاسبة بمعدل جيدجدا( سوالي )هل استطيع اكمال البكالوريوس بدون ما ادرس من جديد مع العلم انا كل المواد اللي دارسه بالعربي وفيه كم مادة بالانقليزي وهل فيه كليات او جامعات واسمها في فانكوفر او خارجها تعادلي المواد واكمل البكالوريوس مع العلم انا مبتعث لمرحلة مابعد الثانوية يعني بكالوريوس وهل الملحقية لها اجراء لو بغيت اكمل البكالوريوس . الله يجزاكم خير واسف على الاطالة وارجوالافادة

1- بالنسبة لاختبار تحديد المستوى فغالبا يكون في أول يوم حضور ، وعلى حسب كلام الاخ مستر١ ان الحضور راح يكون في ٣٠ اغسطس. يعني الاختبار راح يكون في ٣٠ ، والنتيجة غالبا تكون بعدها بيوم يعني ٣١ اغسطس.

٢- في جامعة تومسون ريفر ، راح يعادلون لك موادك اللي درستها بغض النظر عن انك درستها بالعربي او الانجليزي لأنها ماتفرق، بس عندهم نظام معين للمعادلة بحيث انهم ماراح يعادلون لك كل شي ، بس راح يطيح عنك كثير في حالة رغبة تكمل في تخصص المحاسبة ، اما اذا تبي تخصص آخر ففيها كلام ثاني . اما بالنسبة للمحلقية فحسب علمي انها ماتفرق معهم اذا كانت الجامعه راح تعادل لك او لا ، بالعكس هم يبغونك تخلص بسرعه ، وبالتالي المعادلة أفضل لهم .

اما عن جامعات فانكوفر فماعندي خلفية عن المعادلات فيها .

بالتوفيق اخي الكريم.

الله يعطيك العافية أختي وماقصرتي ، وفيتي وكفيتي ،،، دعواتي لك ، الله يستر عليك دنيا وآخر