حوار ظــــــاهــــرة الــــتــــدخــــيــــن !!!!!

مسافر بصمت

اخوي احنا مثل ما قلنا نفتح هالنقاش بدون استهزاء ولا شي نبغى نتحاور بالوضوع وانا واللي ردو كلامنا يمكن مو مفيد بالنسبه لك لكن لغيرك مفيد وبالنسبه تقول ((حريه ومطعسه ومطعسه يبون حريه )) انا احط علامة استفهام على جملتك يعني ابي اعرف انت كيف تبينا نعيش بدون حريه ياخي الحريه مو بس هنا حتى بالسعوديه بنواحي قليله يمكن بس بس بكندا صح كل شي حريه الا التعدي على القوانين يعني اي واحد مو بس انا يبغى حريته الشخصيه مو بس دخان لا باللبس والشعر والدراسه وبكل شي يعني مافيه احد اتوقع يسمح للناس بالتدخل بشؤون حياته وهذا الكلام ما يختلف عليه اثنين يعني من حقي اشوف الموضوع عن التدخين وادخل واقول رأيي بكل وضوح بعيد عن السخريه وبعيد عن اي شي ثاني انت تقول مطعسه وما مطعسه انت كذا تدخلنا بموضوع ثاني لو نقعد 30 سنه نتكلم فيه ماراح يخلص الموضوع هنا عن التدخين لو سمحت لا تدخلنا بمواضيع ثانيه ما يحتاج نتكلم فيها على العموم مثل ما قالو الاخوان هنا خلونا نتكلم بدون سخريه بدون استهزاء بدون سب بدون اي شي ثاني نبغا نتحاور فقط ولكم جزيل الشكر ...

آخوكم عبدالعزيز ..

الحمد لله الذي بنعمته تتم الصالحات .. انا من الاشخاص اللي منّ الله عليهم و تركت التدخين من وصلت كندا .. و لي الحين سنتين و انا مبطل و الحمدلله .. و كل اخوياي يدخنون و اطلع و اجي معهم و الحمدلله مقتنع اني ما ارجع ادخن .. و الطريقة اللي بطلت بها التدخين هي عن طريق النصح .. زي ما سوى اخونا سليمان .. بالنسبة لبعض الردود اللي تعكس العقليات الضحلة و تعكس مدى فكر اصحابها احب انه يقرا هذا الحديث (حديث مرفوع) حَدَّثَنَا أَحْمَدُ بْنُ سُلَيْمَانَ النَّجَّادُ ، حَدَّثَنَا عَبْدُ الْمَلِكِ بْنُ مُحَمَّدٍ ، حَدَّثَنَا عُثْمَانُ بْنُ عُمَرَ ، أَنْبَأَنَا أَبُو عَامِرٍ الْخَزَّازُ صَالِحُ بْنُ رُسْتُمَ ، عَنْ أَبِي عِمْرَانَ الْجَوْنِيِّ ، عَنْ عَبْدِ اللَّهِ بْنِ الصَّامِتِ ، عَنْ أَبِي ذَرٍّ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ :" يَا أَبَا ذَرٍّ لا تَحْقِرَنَّ مِنَ الْمَعْرُوفِ شَيْئًا وَلَوْ أَنْ تَلْقَى أَخَاكَ بِوَجْهٍ مُنْبَسِطٍ ، وَلَوْ أَنْ تُفْرِغَ مِنْ دَلْوِكَ فِي إِنَاءِ الْمُسْتَسْقِي ، وَإِذَا طَبَخْتَ قِدْرًا فَأَكْبِرْ مَرَقَتَهَا وَاغْرِفْ لِجِيرَانِكَ مِنْهَا " .
يعني اللي مسوي فيها فلة و مستخف دمه إما انك تقول خير .. او خلي لسانك داخل فمك . تحياتي

في ناس فاهمين الحرية انك تدخن و تشرب و تسوي كل شي ممنوع و غير مباح.. اختزل كل الحرية في ذي الاشياء .. و هذا يعكس النقص اللي عايش فيه و مدى التخلف

اخ دودي يسلمو اخوي على كلامك الذوق احنا بنكررها احنا هنا مو للسب ولا من هذي الاشياء احنا نتحاور بكل ادب واحترام تبغى تحترمنا وتحترم ارائنا الله محييك بتتكلم بهالاسلوب محد معطيك وجه وعلى فكره احنا ما قلنا الكلام اللي تقوله واذا انت فاهم ايش احنا نتكلم عنه ياليت تثقفنا اخوي وتفهنا ايش معنى الحريه بالنسبه لك , وترا احنا ما قلنا من الكلام اللي تقوله شي وياليت ما تستخدم هالاسلوب وعلى فكره ههههههههههه اسلوبك يدل على شخصيتك مسوي حاط ادعيه ونصائح وماني عارف ايش وبالاخير تقول تخلف ونقص تكلم بأدب بآحترام اسلوبك هذا ما ينفع للحوار مرره تبي تتحاور بآسلوب بأدب يا هلا ما تبي ياليت ما تدخل الموضوع وتتعب نفسك لان ماراح احد يسمعك ولا يرد عليك ..

مشكور أخوي على صراحتك
أنا قلت في بداية الموضوع ( أنـــــــــــــــــــــت حـــــــــــــــــــــر )
بس قلت أبي أنصح وهذا إقتداء بالنبي صلى الله عليه وسلم
لا تسمع كلامي إذا أنت مانت مقتنع
والله يستر عليك

عزيزي ( اي واحد ) اولاً ما همني انك ترد على كلامي او لا لانه لا راح يزيد او ينقص فيني شي .. الكلام مو موجه لك بشخصك ٬ الكلام عام و الموضوع مطروح و كل واحد يا عزيزي يعبر عن وجهة نظره بالاسلوب اللي يناسبه .. مو انت اللي تجي و تقيم اسلوبي .. و بعدين هذه حرية الرآي .. و هذا مثال على الحرية اللي اقصدها في تعليقي السابق .. انا اشوف انه تخلف و نقص و في الاخير هي وجهة نظري .. اذا مو عاجبك كلامي منت مجبر انك تقراه و تعلق عليه .. و دامه مو عاجبك كلامي ليه قريته من الاساس ؟؟ .. ليه خسرت من وقتك الثمين في قراية كلامي و الرد علي؟؟ فهمت يا قلبي ؟؟.. و في الاخير احب اقولك اللي على راسه بطحه يحسس عليها .. تحياتي لك

السلام عليكم
أخوي مسافر بصمت الله يعطيك العافيه و انا أطلب من الله العلي القدير أنه يعصمك عن التدخين وعن كل مكروه والله يوفقك بدراستك وحياتك
وأنا نزلت الموضوع و المشكله إن الناس يحسبوني أتدخل بحياتهم الشخصية ؟؟؟؟؟
أكرر شكري لك يالغالي

السلام عليكم
تحيه طيبة لك أخوي الغالي
مشكور على ردك الطيب و الله يكتب لنا التوفيق و كل المسلمين عامة و الطلاب المبتعثين خاااااااصة

جزاك الله خير على التنبيـه آخ سليمان والله يجعله في ميزان حسناتك

وبالنسبـه للآخوان اللي يقولون انت في بلد الحرية وماحد له شغل بآحد !

نصيحة ، لا تضيع صحتك وتهدر عمرك والله ثم والله لو آصبت بمرض خبيث ( لاسمح الله ) ، وقتها راح تتذكر هالنصيحه وتقول ياليت وياليت
لكن .. وش ينفع الصوت لا فات الفوت

والآخ سليمان ماقصر نصحكم لمصلحتكم مو لمصلحته
وهذا هو خلق المسلم الحق والدنيا للحينها بخير طول مافيها ناس مثل الآخ كاتب الموضوع
ولو خلت الدنيا من الآمر بالمعروف والنهي عن المنكر لـ رآينا العجب العجاب بآسم .. فريدوم

وآختم كلامي بحديث للرسول عليه افضل الصلاة والتسلم .. آرجوا ان تتآملوه

روى البخاري ومسلم عن زينب بنت جحش رضي الله عنها: أنَّ النبيَّ صلى الله عليه وسلم استيقظَ يومًا من نومه فزِعًا وهو يقول: "لا إله إلا الله، ويلٌ للعرب من شرٍّ قد اقترب، فُتحَ اليوم من ردم يأجوج ومأجوج مثل هذا (وحلَّق بين أصبعيه السبابة والإبهام)" . فقالت له زينب رضي الله عنها: يا رسول الله! أنهلك وفينا الصالحون؟ قال: "نعم؛ إذا كَثُرَ الخَبَث"