اسبووووووع اشحت اجااابة ايش المعاهد التابعة للجامعات في كندا جااااااااااوبوووني ؟؟؟؟؟

السلام عليكم .. ما عندي خلفية عن المعهد اللي تدورين له .. بس راح اسالك خلال اليومين القادمة باذن الله و ارد لك خبر .. تحياتي

او بكل بساطه ادخلي على ويب سايت الجامعة و روحي على خيار contact us .. بتلاقين ارقامهم و ايميلاتهم .. راسليهم عن طريق الايميل او زي ما تحبين و راح يعطونك كل التفاصيل .. الشغلة بسيطة ترى و يردونك عليك بنفس اليوم .. موفقه

كل المعاهد تأهلك لدخول الجامعه بعد إجتياز إختبار الآي ليتس والحصول على الدرجه المطلوبه .
بالنسبه لطلبك حسب ما حصلت إنCanadian College لها علاقه مع جامعة ألبرتا وممكن تتأكدين وهي بالداون تاون فاكوفر ولكن والأهم إن نظام التعليم العالي ما يسمح للطالب بأن يدرس الللغه بعيد عن الجامعه اللي حصل قبول فيها وبالنسبه للماجستير ما تحصلين على قبول إلا بعد اللغه وهذي أول شيء والباقي بإمكانك تشوفين بموقع الجامعه أيش المتطلبات الثانيه وإذا تحتاجين ترجمه أو جمله غير مفهومه ممكن تعطيني اللينك وأعطيك أيش المطلوب بس للعلم شبه مستحيل بكندا الحصول على قبول بدون إختبار الآي ليتس أو التوفل حتى لو إنك بريطاني الأصل والمنشاء .

مشكوووووورين ماقصرتوا انا سمعت انه اللغة تدرس في نفس الجامعة وفيه معهد في فانكوفر يمكن اللي قال عليه الاخ khliwi في الداون تاون
بس كيف التعليم العالي مايسمح اني ادرس اللغة بعيد عن الجامعة انا لسه ماراسلت الجامعة ولاادري اذا بيجيني قبول فيها عشان كذاقلت ادرس في معهد تابع لها عشان اضمن قبولي فيها
من هذا الرابط كيف اعرف المعاهد التابعة للجامعات من التجارية؟؟ http://www.saudibureau.org/ApprovedESLInstitutions.pdf

يا دودي

لا تدوخي نفسك ولا تعطي اذنك للناس....الكلام الي قالو الاستاذ اعلاه هو الصح

يعني

بالنسبه للماجستير المهم تاخذي ايلتس ان شاء من السعوديه المهم ايلتس....لذلك مكان الدراسه مش مهم ولا المعهد...اختاري معهد كويس ويفضل في نفس المدينه التي بها الجامعه ولما تاخذ اللغه قدمي ع الجامعه

ولا تعذبي نفسك بتصنيف المعهد تجاري او جامعي لانو هذا مهم فقط لطلاب البكالوريس....المهم طريقة التدريس اكاديميه وعندهم كلاسات ايلتس

اذا تبغي مدينه فانكوفر عندك معهد جامعه ال UBC ممتاز اذا كان مستواكي جيدجدا....واذا كان مستواكي ضعيف في الانجليزي وتحتاجي تاسيس انصحك بمعهد ELS او كنج جورج....واذا مستواكي متوسط ممكن معهد PLI وكنج جورج طيب برضو
بالنسبه للمعهد الي نصحك به الاخ معهد كندين كولج فانصح به لمحبين المناهج الالكترونيه وحل الواجبات ع الكمبيوتر وهكذا

الله يوفقك يا اختي واي استفسار جاهز

طبعا اختكم في الله مستواها ضعيف بالانقلش بس ياخالد كثيييير يقولوا القبول في الجامعات الكندية شبه مستحيل بالنسبة لطلاب الماستر من جد تحطييييييم
المهم بعد عناااااء طويل في البحث قررت ادرس اللغة في نفس الجامعة بس ماني عارفة اختار البرنامج اللي يساعدني في الايلتس والتوفل

السلام عليكم .. اولا بالنسبة لقبول الماجستير .. صعوبة الحصول على قبول تعتمد على تخصصك .. بما انك كاتبة تخصصك ماث اتوقع انه سهل تحصلي قبول .. مو نفس معاناة طلاب الطب البشري و طب الاسنان او الهندسه ( الله يسهل امورهم ) .. بالنسبة لمعاهد الجامعة ما تعطي كورسات ايلتس .. في حركة تقدرين تسوينها و كثير طلاب اعرفعهم سوو نفس الحركة .. انك تدرسي بمعهد الجامعة ،، و تنسقين جدولك بحيث انك تاخذين كلاسات ايلتس في معهد تجاري زي ( Global Vilage ) .. اهم شي انه ما يكون وقت كلاس الايلتس تتعارض مع كلاساتك الاساسية بمعهد الجامعة و بعدها تنزلين ضمان مالي ثاني ( بالتنسيق مع مشرفك الدراسي ) .. اللغة جدا بسيطه و لكن تتعمد ٧٠٪ على مجهودك .. انا انهيت اللغة الحمدلله في ٨ شهور لاني من جيت كندا و انا ادرس بمعهد الجامعة ، لانه يعطونك كورسات ELST او English for Academic purposes . معهد الجامعة يسون لك اختبار تحديد مستوى .. و يحطونك بالمستوى المطلوب .. و نظامها يكون سمسترات .. يعني بالعربي .. كل مستوى ياخذ ١٣ اسبوع ( في معاهد جامعات اقل من هذي الفترة ) .. و الملحقية تعطيك سنة لدرارسة اللغة + ٦شهور تمديد .. و بما انك طالبة ماجستير يطلبون منك 7 في الايلتس حسب علمي ،، الموضوع اسهل بكثييييييرر مما تتخيلين و مافي داعي للخوف و القلق .. الله يوفقك .. تحياتي لك

دراستك بالمعهد التابع للجامعه لا يعني قبولك بالجامعه علشان كذا أنصحك تختارين معهد لغه جيد بمكان فيه إمكانية قبولك بعد الإنتهاء من اللغه مثل ألبرتا مثل ما قلتي وتحاولي تدرسي لغه بالسعوديه إذا فيه عندك وقت وإمكانيه علشان تتطورين أسرع وما تنصدمين باللغه هنا .
على العموم إذا حصلتي ْلي قبول بمعهد لغه بأي مكان بإمكانك تكملين باقي إجراءآت البعثه والفيزا والذي منه .

وبالنسبه للمعاهد تبعت وإلا ما تبعت لا تهتمي بالكلام هذا أهم شي يكون معهد اللغه كويس وقوي هذي وجهة نظري وهذا يعتمد عليك أنتي بالأول والآخر .وزي ما قال dodi_206 صاحب تجربه ناجحه ما شاء الله عليه وفعلاً الجامعات ما تعطيك إعداد للآي يلتس ولا التوفل وهذي مشكله بحد ذاتها .