الاخوان اللي بفانكوفر عبدالله وسعود والخبير واي اخ بفانكوفر

السلام عليكم .. اعلانات الشقق في الداون تاون متاحة يومياً .. بس السوؤال كم حدودك في الايجار؟؟ .. و كم المدة اللي تبين تسكنين فيها ؟؟ و اذا في تفاصيل ثانية اذكريها .. تحياتي

اهلا اخوي اولا الله يجزاك خير دائما مبادر لفعل الخير
ثانيا : انا بقيم فيها ان الله سهل سنه كامله
ويكون ايجارها مابين 900 الى الف شهري
اللي حاطته في بالي غرفه وصاله ومطبخ وحمام (يكرم القارىء)

مو المفروض ان الواحد يضيق صدرك بس بعطيك الخبر السيء علشان يصير للبشاره طعـم ..
الشقق في فانكوفر تحديداً في الداون تاون ما اعتقد يقل سعرها عن 1000 بأي حال من الأحوال .. اما بخصوص السنه .. فـ هو عقد إلزامي بـ سنه وما اعتقد انه راح يكون اختياري ..
فيه شقق تكون غايتها الإستغلال مثل ما حصل لمبتعثين ما اعتقد يزيد عددهم عن 7 اشخاص مروا في تجربة انهم ياخذوا شقه بـدون عقد مدة سنه فـ إللي يحصل ان المؤجر يجيله بعد شهرين ويقول له الأجار صار بدل 900 مثلاً إلى 1300 عاجبك ولا اطلع في ألف غيرك يتمنى شقه في الداون تاون ..
الشقق بالسعر إللي طلبتي غالباً غير مفروشه .. وهذا الاساس .. الشقق المفروشه اجارها الشهري مايقل عن 1500 .. حتى لو كانت غرفه وحده وهو الغالب في الداون تاون انها تكون مثل المواصفات إللي ذكرتي ..
إذآ الشارع ريتشارد نفسه انتي عندك خلفيه عنه انه ممكن تلقين سعر من 900 إلى 1000 هذا كلام ثاني انا ماعندي خلفيه كبيره .. ممكن اي شخص يرد ويفيدك بـ معلومات " قد تساعدك" بتحديد رغباتك ..

السلام عليكم .. كلام الاخ Mr.abdullah صحيح تمام .. بمبلغ ٩٠٠ دولار تقدرين تسكنين في افضل منطقة في فانكوفر (North Vancouver) و مع عيلة كندية الاصل + ٣ وجبات يومياً .. و تتمتعين بالمناظر و تحسين فعلا انك في فانكوفر .. عن نفسي ما عشت في الداون تاون من جيت فانكوفر ولا افكر اساساَ لاسباب كثير .. ١- منطقة ازعاااااااج. ٢- لا تساعد على تعلم اللغة بحكم انه ما فيها عوائل ٣- غالية عالفاضي ولا تعكس جمال فانكوفر الحقيقي بحكم انها منطقة عمرانية ( عماير ) . ٤- لن تجدين فيها سكان كندا الاصليين اغلبهم أسيويين.

في مناطق كثير حول الداون تاون و تحصلين فيها عوائل .. من هذي المناطق Broadway

في الختام هذا رأيي الشخصي .. تحياتي لك