مساعدة الى الطلبه القادمين الجدد الى فانكوفر

السلام عليكم ورحمة الله اخي /عادل

والله هذا عشمنا فيك وتسلم الله يوافقك ويفرج همك ويرحم والديك والمسلمين
انا اخوك الصغير / عبدالعزيز العصفور من الرياض
وا ان شاالله جاي لكندا بعد ثلاث الى اربع شهور مع زوجتي وا عيالي الاثنين والله مدري وش السالفه بس خلها على ربك انا مرافق مدري محرام مدري في وجه المدفع ههههه
قدمنا على معهد في فانكوفر ولايه برتش كولمبي والله يعين

بس بشرط اذا انت بتخدمني ؟ لزم تامرني على شي من الرياض خلاص اتفقنا

الله يجزاك كل خيرر

انا أسأل عن المنطقة اللي يتواجد بها المبتعثين والعوائل السعودية في فانكوفر

مشالله عليهم السعوديين بكل مكان في فانكوفر

بس الاغلب في الداون تاون

وعليكم السلام
اخي عبدالعزيز اهم شي تحدد متى الوصول الى فانكوفر
عشان اقدر اشوف لك سكن في فانكوفر بس عادتا السعوديين متواجدين في الدون تاون لسبب بسيط لوجود المساجد والمطاعم الحلال
والمجمعات و المحلات التجاريه
واذا ابغى اطلب شي منك هو دعوه في ظهر الغيب لي و لزوجتي باالتوفيق وسلامتك
اخوك عادل الجهني

السلام عليكم
المنطقه المتواجد فيها السعوديين هي منطقة الدون تاون
لانه فيها كل شي مثل المساجد والمطاعم الحلال و المعاهد اللغه
والمحلات التجاريه

السلام عليكم
مرحبا اخوي عادل
والله يجعلها في موازين حسناتك
اخوي انا ان شاءالله جاي ع الاسبوع القادم والدراسة بمعهد انترناشونال هاوس فانكوفر

ولا ادري وش السالفه واكيد ادور على سكن وللمعلومية انا وزوجتي اللي جايين بأذن الله

السلام عليكم أنا وأخوي وابني جايين كندا تقريبا بعد 3 شهور وحابة خدمة أنا ابني يدرس سنة أولى ابتدائي وأبغى أقدم له على المدرسة الاسلامية بفانكوفر
وكل ماأراسل المدرسة مايوصل أي رد وحتى النادي السعودي ماردوا علي وأنا بسافر وباقي السنة ماانتهت وخايفة تروح عليه السنة
لو ممكن أي أحد يتكرم ويروح لي المدرسة ويعرف لي ماهي الشروط وأذا جيت راح يقبلوه يعني مايرفضوه وتروح السنة
وأكون شاكرة لكم

الله يسهل امرك وبالتوفيق