شرح تحذير من مكاتب القبولات في الداون تاون او غيرها

هلا اخوي الخرررج..

الله يوفق الجميع يارب

هل بعد ان التحق لايمكنني تغيير التخصص؟
لان انا جاني قبول مشروط في الكمنبيوتر ساينس بس مابيه ابى وانا ادرس اللغة ادور جامعات اخرى تقبلني في السوفتوير انجيرنق لاني قريت هالففرة فموضوعكك

2\ المكتب راح يجيب لك قبول من اي داهية و يقولك هذه الجامعة ممتازة و المدينة مناسبة لك ... الخ ( يفتي عليك و هو ما يدري وين ربي حاطه ) .. او يقول لك جيب قبول سريع الى ان يتم الحاقك و بعدها تقدر تغير التخصص و الجامعة .. و لكن المشكلة انه قرار الابتعاث( للطلاب الدارسين على حسابهم الخاص) راح يكون على نفس القبول اللي جبته و نفس التخصص .. و راح تضطر مستقبلاً انك تغير الجامعة و التخصص و تجيب قبول من جديد و تخسر مبالغ اخرى .. و ايضاً احتمال يتم رفض الملحقية لتغير الجامعة و التخصص .. و المتضرر في الاول و الاخير هو الطالب.

تقدر تغير التخصص و لكن يحتاج ذلك لقبول جديد بمسمى تخصص جديد .. قرار الابتعاث راح يكون على نفس الجامعة و التخصص اللي ارفقته في ( ملف طالب على حسابه الخاص ) .. طلب تغيير التخصص لا يقبل دائماً بمعنى لو جاك قرار الابتعاث مثلاً على كمبيوتر ساينس و انت تبي تدرس بزنس و لا هندسة ولا اي تخصص غيره راح يتم النظر من قبل الملحقية و هم يقرورون الموافقة او الرفض. حالة الرفض تكون كالأتي : لمن تطلب تغيير تخصص قوي الى تخصص اقل عادةً يتم رفض الطلب .. مثال: لو انت جايب قبول هندسة و طلبت تغيير التخصص الى ادارة عامة .. احتمال كبير جداً ان يتم رفض طلب التغيير .. اما في حال التغيير من تخصص ضعيف الى تخصص اقوى فسيتم الموافقة على طلبك. كل هذه المعلومات اخذتها من مشرفي الدراسي لاني كنت افكر بتغيير التخصص و اكتشفت انه التخصص له متطلبات اكثر من التخصص اللي انا فيه حالياً. في الاخير تقدر تراجع مشرفك الدراسي و هو راح يفيدك اكثر بهذا الخصوص. تحياتي

اخوي Dodi 206
انا أبغى قبول لأخوي في فانكوفر من جامعة كابلانو او الثانية اللي ف سيري أظن اسمها كوالنا
لانه يبغى يحول مبتعث وهو مااختبر ايلتس
ممكن تساعدني بمعلومات عن كيفية اخذ قبول بكالوريوس وجزاك الله الف خير

 المشاركة الأصلية كتبت بواسطة Light strings

اخوي Dodi 206
انا أبغى قبول لأخوي في فانكوفر من جامعة كابلانو او الثانية اللي ف سيري أظن اسمها كوالنا
لانه يبغى يحول مبتعث وهو مااختبر ايلتس
ممكن تساعدني بمعلومات عن كيفية اخذ قبول بكالوريوس وجزاك الله الف خير

السلام عليكم، اولاً و قبل كل شيء لو فكرتي تروحين مكتب، احتمال ٩٩،٩٩٪ انه يقولك جامعات فانكوفر موقوفة من الملحقية و هذا كذب و خرط فاضي .. بالنسبة لجامعة كوانتلن لها ٤ فروع من ضمنها سيري و ريتشموند .. بالنسبة للحصول على قبول بأمكانك الذهاب شخصياً للجامعة و سوف يتم شرح طريقة التسجيل لك خطوة بخطوة، بالنسبة للجامعة فأنها لا تشترط أيلتس .. بعد ما يتم قبول الطالب ، يعملون له اختبار تحديد مستوى .. الجامعة بها ٦ مستويات للغة .. المستوى الواحد مدته ١٣ اسبوع .. بمجرد وصول الطالب للمستوى الخامس ( قبل الاخير ) يحق له التسجيل بمواد اكاديمية + تغير مسمى الطالب من طالب لغة الى طالب اكاديمي استناداً على التخصص الموضح في قبوله الجامعي. ايضأ في حالة حصول الطالب على درجة معينة في الآيلتس يحق له معادلة الشهادة و وضعه مباشرة في المستوى المناسب له ( يعني يقدر يتجاوز ٣ مستويات لو انه حاصل على درجة ٥ في الايلتس في جميع البنود )، و ايضا بالنسبة لجامعة كابيلانو و طريقة الحصول على القبول هي بنفس الطريقة التي ذكرتها عن كوانتلن. بذهابك للجامعة راح تفهمين اشياء كثيرة المكتب لا يقوم بشرحهاو توضيحها لك .. اتمنى تكون الصورة وصلتك بوضوح و اذا في استفسار ثاني اكتبيه بدون تردد .. تحياتي

يعطيك الف عافية اخوي كل شي وضحته لي
بس عندي استفسار اي وحده أسهل كوالتن او كابلانو يعني تساعد الطالب لان اخوي واحد يعرفه يدرس ب كوالتن وقال لي ماابغئ ادرس فيها صعبة
لأني ناويه هالاسبوعين اروح الجامعة وأخذ له القبول
ومشكووور والله يسعدك ويوفقك يااااارب

 المشاركة الأصلية كتبت بواسطة Light strings

يعطيك الف عافية اخوي كل شي وضحته لي
بس عندي استفسار اي وحده أسهل كوالتن او كابلانو يعني تساعد الطالب لان اخوي واحد يعرفه يدرس ب كوالتن وقال لي ماابغئ ادرس فيها صعبة
لأني ناويه هالاسبوعين اروح الجامعة وأخذ له القبول
ومشكووور والله يسعدك ويوفقك يااااارب

السلام عليكم .. يتكرر دايما السؤال عن الجامعات، و ايهم اسهل .. الحكم على جامعة بأنها اسهل من الاخرى قياس باطل تماماً ( رأيي الشخصي ) .. لعدة امور.
١\ اغلب الجامعات الكندية - تكاد تكون الكل - حكومية، يعني جودة التعليم متقاربة جدا - الا للجامعات المعروفة مثل UBC او SFU و غيرها من الجامعات العريقة في المدن الاخرى، فهي بلا شك تتطلب مجهود اكثر.
٢\ ثقي تماما انه مافي شيء اسمه " أسهل او أصعب " ، انما هو توفيق الله اولاً ثم مجهود الطالب ثانياً.
٣\ على أي اساس أحكم انه هذه الجامعة اسهل من الاخرى؟ يعني الشخص اللي سأله اخوك على اي اساس اعطاه حكم مطلق انه الجامعة صعبة ؟؟ هل تخرج منها ؟؟ او هل انهى فترة اللغة من الاساس؟
٤\ نصيييييييييحة اوجهها لأخوك ( يا ليت توصلين له الكلام )، هذا مستقبلك و انت تحدده بأختيارك، و ابتعد عن كل من يفتي عليك بكلام ماله دليل. تحياتي

كلامك صحيح مئة فالمية وهالشي قلته له والله يسهل ان شاء اللله ويوفق الجميعوالله يسعدك ويوفقك وينور دربك يااااارب