مساعدة مساعدتكم تكفون قاعد اموت هنا !!

بعد المرور على عيادتين ومستشقى
و ٥ انواع مسكنات و ٦ ابر بنج
ولثه ماتبنجت مع هذا كله

كلموني بعض من الاصدقاء والاهل انو اصبت بالعين

بعد ماانتفخ وجهي كامل لدرجة عيوني تقفلت ماعدت اشوف زين
واخذت علاج جديد بدا وجهي يفش على ٣ ايام بقى شي بسيط

بس الحين مكان الابر في انتفاخ وشبه تشوه للثه ونزلت الى ربع السنين الامامية
يكفيني اكل من الغدى للغدى واذا اكلت بدون نفس وانكتم بس ابي انسدح ابي ارتاح

بعد ماارقيت نفسي وقريت على نفسي صارت اللثه تنزل دم ولازالت لحد الان مع شوي ماده بيضا
والله مادري وش اسوي بهالحال

حاولت اتصل بالمشرفة ماترد ارسلت لها ايميل شرحت لها وضعي كامل جتني رساله من مكتبها
انها مسافرة وراجعة بعد اسبوع
رحت للداريكتور اليوم وريتها وجهي وشرحت لها وضعي مع ان لي ١١ يوم ماداومت

وش تشورون علي اسوي ؟
اطلب تاجيل ؟
والله فيه وضع نفسي سيء جدا*

لاحول ولاقوة الا بالله
استمر بالقراءه على نفسك,, استخير واجل البعثه
اهم شي تتعالج ويمكن تعرف مين اللي تسبب في العين
بس لاتترك القراءه
اسال الله الكريم رب العرش العظيم ان يشفيك

الله يشقيك ياولدي ويرفع عنك ...

أعمل نفس ما قالت الأخت اللي قبلي ... ترى العين حق وممكن تعمل اكتر من كدا ...

وروح أعمل أشعه مقطعية عشان تعرف سبب المشكله ,,, وتعالجها ... وتابع وضعك مع دكتور مختص ...

لا تنسى تقرا على نفسك آيات الشفاء ..حتى لو ما كان اللي فيك بسبب عين ترى القران فيه شفاء باذن الله عز وجل ...

الله يصبرك ويرفع عنك ويأجرك في مرضك .....

امممين يارب العالمين
والله الالم يروح ويجي نغزات
والله هذاني اقرا ومستمر بشوف لين ترجع مشرفتي
واشوف الموضوع
هو بس لو يوصل التامين الطبي كان ممكن بيفرق بالموضوع
الله يجزاكم خير

الل يسهلك وخفف الالم ويبعد الشر عنك وعنا اجمعين

ما ادري , يمكن بالاضافة الى التهاب اللثة والاسنان , يمكن عندك حساسية تجاه اكل معين, فيه ناس يكون عندها حساسية تجاه الطحين او الحليب او البيض او اللحم او الفستق وحتى لو ما كانت عنك سابقا, يمكن فيه مكون اضافي في الاكل هنا يختلف عن اللي في السعودية. حساسية الطعام تعطي رده فعل نفس الاعراض اللي وصفتها الانتفاخ والالم والشعور بالنبض والاحمرار وتروح وترجع.

على أي حال, الله يسهل امورك وامورنا اجمعين و ماجور ان انشاء الله ونسمع منك الاخبار السعيدة قريبا

اممين يارب

لا يارجال اعرف الحساسيات هذي ولله الحمد لا اعاني منها
صار عندي شبه تشوه باللثه ولون باهت ماابي افجعك اوريك صور
بالنسبه للانتفاخ مو ع الفم بس لا تقريبا دائرة من تحت العيون مباشرة لين الفم كله انتفاخ مروع
بس زالت هالمشكلة ولله الحمد

عقب الاذكار والقراية صابني امس سهال تكرمون من صحيت لين رجعت نمت
لابد للشر ان يطلع الحمدلله ولاعاد صرت انام الا على الرقية الشرعية

ونقول ان شاء الله الشفاء الكامل

والله يكفينا ويكفيكم الشر*

انا مدري حقيقة ليش بعض الاخوان يبالغ في طلب العلم.
الله يشفيك اخوي وماتشوف شر ان شاء الله ،،
دام الامور تسلكت وبديت تتحسن الحمدلله، اذا ماتحسنت انصحك ترجع السعودية وابوها من بعثه اذا الملحقية ماتقدر ضروفك..
الله يشفيك وماتشوف شر
اذا انت راجع للرياض انا ممكن اخدمك بموضوع اللثه

والله يالغالي ما بيدي شيء اخدمك فيه ,, وجديد على فانكوفر ولا اعرف وين المكان الافضل لك .. لكن اللي اقدر اسويه لك : اي شيء تبيه ( اكل من مطعم - مقاضي شقتك - او تبين اكلم او اروح لمعهدك اي شيء تبيه بفانكوفر )) انا اقدر اخدمك فيه دام حالتك تستدعي انك تجلس بالشقة كثثثير .. ومالي الا الدعاء الله يشفيك يارب العالمين و يكفينا ويكفيك شر حاسد اذا حسد .

السلام عليكم .. أسأل الله رب العرش العظيم أن يشفيك من السوء .. كنت اعاني اعراض مختفلة قبل سنتين .. بس مالها علاقة في الاسنان .. كان من ضمنها انه النبض عندي يزداد بشكل مرعب .. غير التوتر و القلق و ضيق التنفس .. و بنفس الوقت اروح المستشفى و يقولون لي سليم ما فيك الا العافية .. بعد فترة رحت لشيخ و اتضح انها علامات عين ( الله يحفظنا و يحفظكم ) .. و واضبت على الرقية .. كان من اكثر الاشياء اللي ريحتني قراءة سورة البقرة يومياً لمدة ٤٠ يوم متواصلة .. قسم بالله كنت لمن انتهي من قراءتها سبحان الله احس براحة و طمأنينة ما تنوصف .. مشورتي لك انك تأجل بعثتك يا غالي لين تتشافى تماماً .. و هذي الفترة خليك مواضب على الرقية و ايضاً على الادوية .. اتمنى ان تكون كلماتي و كلمات الاخوان و الاخوات تخفف عليك و لو القليل .. اسأل الله أن يدفع عنك كل سوء .. تحياتي لك يا غالي

أسأل الله رب العرش العظيم أن يشفيك

عليك بالرقيه الشرعيه

وماقدامك الا العافيه