استفسار ممكن سؤال لو سمحت

مابتحتاج غير ملابسك العاديه وامورك الي ماتقدر تعيش بدونها يوم
اما كل شي متوفر والي مو متوفر فمتوفر له بديل
لاتثقل ع حالك

بس جيب عدتك الخاصه الي متعود عليها
عده حلاقتك وسوالف لرجال الي ماعرف فيها او تقدر تشتري من هنا موجودين
لابتوبك عشان الكيبورد العربي
سجاده صلاتك
رخصه قيادتك لو كنت ناوي تسوق فطلع لك دوليه عشان تمشيك هنا


وهاي الامور الي بتاخذها معك باي سفر سوا كانت سفرت شهر او سفرت عمر كامل
امور ماتمشي حياتك بدونها
فكر بينك وبين نفسك شلي مهم عندك وماتستغني عنه

وهل جاي تصرف هنا ولا جاي توفر فلوس
اذا توفر فجيب كل شي تقريبا تحتاجه من ملابسك وجزمك وكل هالسوالف اذا لا وبتعيش حياتك وتشتري فبس جيب الضروريات وملابس حق اول اسبوعين والباقي اشتري من هنا

الي بيقول لك جيب قهوه تمر بهارات ومادري ايش ترا منت جاي صحرا وموجوده بدايل لها هالامور اللهم لازم تعرف مسمياتها وتدور عليها واذا ماتبي تعرف اسمهم بالانجليزي فموجودين بالبقالات العربيه

شكرا لك أختي ...
ولكن يقولو ان الأسعار في فانكوفر غالية

وبعدين أبسأل متى يبدأ الجو البارد هناك

ومشكوورة وماقصرتي واعذريني ان كان ثقلت عليك..


تحياتي ....

بالنسبه للاسعار غاليه فهي المعيشه بفانكوفر السكن الفواتير الدراسه الاكل هذول اغلى من المعتاد عليه بالسعوديه
بس باقي الامور كملابس و اجهزه الكترونيه وكل هالاشياء فنفس الاسعار وبعض الماركات ارخص هني

الجو البارد يبدي الخريف عدنا ع شهر 9 انجليزي يكون الجو يبدي حلو بس بالنسبه لناس لسه جايه من السعوديه او اذا اطفال ففيه هبه هوا بارده
ومن ديسبمر او شهر 12 يبدي البرد الي ع الاصول الين تقريبا شهر 3 او مارش يبدي يعتدل الجو

تسلمي أختي .....
والله يوفقك وييسر أمورك.