للفكتوريين الجدد نهاية اغسطس شقة

June 30th, 2012, 12:07 PM

السلام عليكم ورحمة الله وبركاته
للفكتوريين الجدد ... شقتي نفسي ما افرط فيها الا لعائلة سعودية وذلك للمميزات التالية:
علما اني راح اسيبها اخر اغسطس ((عشان راجعة السعودية))
1- الشقة تقع مابين الشارعين الرئيسيين في فكتوريا الي هما دوقلس وكوادرا والاثنين اروح لهم مشي
2- المسجد يبعد 5 دقايق او اقل مشي وهوا المسجد الوحيد في فكتوريا
3- اللحام الحلال جنب بيتي 3 دقايق مشي
4- معظم السكان في المنطقة من الجالية الاسلامية
5-سوبرماركت فارويه يبعد 5 دقايق مشي
6- سوبر ماركت سيفن اليفن 24 ساعة دقيقتين من المنزل
7- المنطقة جدا امااااان حيث ان مبنى الجيش وفرع الاطفاء يبعد 3 دقايق مشي
8- الشقة غرفتين وحمام ب170 علما ان معظم الشقق 1200
9- المانجر حق العمار جدااااااااااااا خلوووووووووووووووق ودا الشي راح تفقده في معظم المانجرز حقين العماير
10- الي ماسك العمارة شركة (عشان ذي الميزة انا ابغاها لعيلة سعودية ) يعني لو اتخرب شي في البيت عين بتوجاز , انسداد مغسلة , تلاجة كهرباء اي شي بس تتصل بالمانجر والي هوا ساكن في الدور الاخير جنب المكتب (ودي الميزة التانية اغلبهم مايكون عايشين معاك والف اتصال الين توصله) وعلى طول يصلح لك العطل من غير ماتدفع اي شي عكس العمار الثانية انت الي تدور مصلح وتصلح والمصلحييين هنا جدا غالييين وكمان لو ماصلح مزبوط ممكن المانجر يدفعك فلوس الخراب
11- المانجر جدا نظيف كل يوم ينظف العمارة ويسقي الزرع ومانع الكلاب والقطط في الشقق ودا برضو قليل
12-على شارع كوادراالي يبعد 3 دقايق وهو خلف العمارة يمر باص 6 الي ينزل عالداون تاون 10 دقايق انت هناك
13- على شارع دوقلوس يبعد 3 دقايق وهوا امام العمارة تمر جميييع باصات فكتوريا على الداون تاون والاب تاون

انا ماعندي عفش كثير في البيت بس جميع اغراض المطبخ موجودة من الملعقة الين الخلاط والمايكرويف وعندي طاولة طعام ب 3 كراسي صرفت اللتلفزيون والكنب

اي شخص مهتم خلال الكم اسبوع دي يعطيني خبر قبل لا اصرف باقي العفش

على فكرة انا كان ايجاري سنوي يعني لازم اكتب عقد سنة بس الي يكون بعدي ومن طرفي حيكون عقده شهري يعني شهر بشهره متى مايبغى يطلع , بس لو مو من طرفي راح يضطر يكتب عقد سنة ويجيب كفيل , كدا النظام عندهم

اي استفسار انا جاهزة حتى لو مو على الشقة (:

• نشر عبر تويتر
• نشر عبر فيسبوك
• نشر عبر جوجل