شرح اللي يبغى اهله يرسلون له من السعودية يتفضل يشوف افضل وارخص طريقة

July 12th, 2012, 04:46 AM

السلام عليكم ورحمة الله وبركاته

اول شي نقول كل عام وانتم بخير قبل الزحمة واللهم بلغنا رمضان لا فاقدين ولا مفقودين

ثاني شي وباختصار شديد جدا جدااا

اللي يبغى اهله يرسلون له اغراض من السعودية لرمضان وكذا وحركات

* يسوي لسته كامله بالاغراض اللي يبيها او اللي تبيها
* يحطونها جوا كرتون ويكتبون ورقة نفس اللسته المطلوبه ويخلونها مع ورقة بيانات الارسالية اللي يعبونها اهلكم من السعودية بعنوانكم الكندي وكذا
* يرسلونها بس مب عن طريق شركات الشحن فيدييكس والعيال ذولي .. لا عن طريق المطار نفسه يرسلونها للمطار اللي عندك سواء فانكوفر او فكتوريا او غيره من المطارات على حسب عنوانك باختصار
* يدقون عليك المطار انو الشحنه حقتك وصلت وتروح تستلمها وبس

انا جتني تقريبا شحنتين او 3 وكل وحده منهم كانت 45 كيلو وسعر الشحنه مابين 500 الى 600 ريال طبعا واعتقد افضل من كذا مافيه !!
والشحنة تاخذ من 5 الى 7 ايام وتوصل واذا وصلت لازم تدفعون عليها تاكس مابين 50 الى 60 دولار
واللي يتاخر ماياخذ عفشه يحسبون عليه قيمة تخزين .. بس ماتستلمونها من المطار نفسه لا فيه محطه قبل المطار مباشرة تنزلون فيها ..

قيمة التاكسي من المطار الى الداون التاون ماني متذكر بالضبط ياهي 30 ياهي 80 بس ناخذ الوسط ونقول 50

والله يوفقنا وياكم

• نشر عبر تويتر
• نشر عبر فيسبوك
• نشر عبر جوجل