تجمع طلاب University of Alberta

الله يعين الجميع
ويسهل امرك الغلا
بعدين ياأبورؤوم إذا كلكم نصابين مين بقي مو نصاب
ههههههههههههههههههههههههههههههههه
سلامتكم من النصب

الواحد ما يأمن على اي مبلغ يكون معه .. لا تحسبون انكم بالسعوديه


ابو رؤوووم مسوي صندوق امانات خلي المبلغ عنده >>> مفكر ينطل ابو رؤوووم بعد ما ياخذ المبلغ ههههههههههه

بس يا اخت الافضل تخلينها بحسابك وتسحبين من هنا وسالفه انه ياخذون عليك 35 مو صحيحه
انا اشيك على حسابي دائم بعد السحب ولاحظت انهم ما ياخذون شي

المهم الشيكات بعدي عنها اغلب الشباب تورطوا فيها مرة


وبالتوفيق

عني انا... شوفو اتكلم عن نفسي علشان لاتقولو نصاب
معي بطاقة صراف راجحي واهلي ومقسم المبلغ هنا وهنا علشان اذا احد فيهم سوى حركة نذاله معي الثاني يسد مكانه والحمد لله البنكين طلعو رجاجيل.
الاهلي عليه اربع شعارات
اثنين الشبكه السعوديه والشبكه الخليجيه هذي اتسوها هنا
وشعارين احصلها على بعض مكائن الصراف وتسحب دون رسوم او مشاكل
والراجحي عليه شعار الفيزا وهذا يكون على مكائن اخرى
( وملاحظه اسمعها يالطير بالذات اذا الشعار اللي بالبطاقه مو موجود على جهاز الصراف لايمكن البطاقه تسحب)
واهم شي زي ماذكر رحال الديره وعمنا النصاب الكبير ابو رؤوم حاول تكون معك الفيزا ادري طفشتو من كثر مانقول الفيزا بس هذا من اهميتها تغنيك عن تامينات وشغلات كثير

traveler check
ممكن ينصرف في اي مكان حتى في المحلات مو لازم بنك
بس ما اعرف ممكن يكون بالدولار الكندى
انا استخدمتوا بالدولار الكندى
ممكن الشباب يقولولنا مثلا لو سحبت 1000 دولار كم بالمبلغ اللي ينسحب بالريال؟؟؟

انا باروح بنك الرياض استفسر على البطاقة

طيب الفيزا مشكلها اذا سحب من الصراف فلوس ياخذوا 35 ريال
غير كدى البنك يلعب في فرق العملة لما تشتري بيها
احنا 5 افراد جايين يعني مصاريف جامدة
ما بتكفينا فيزا ولا ماسترد كارد عندي الاثنين
فنادق تاجير شقة وفرش هذه بس الاسسيات هذا غير الكماليات

السلام عليكم

هدو الوضع وخلو اللعب مناولات . ...... داخل مبارت الحبيب!!!!!

اختي good123 مثل ما قالو لك الشباب

وانسي فكره الترفل شيك او انك تشيلين معاك مبالغ كاش بالمره. الن حتي اللي ياخذون الاجار ياخذونه باي طريقه غير الكاش

لانهم يعرفون كثره الفلوس تغري بالسرقه

وعلي كلامك
عندك بطاقه الصراف العاديه اللي نستعملها في السعوديه لها امكانيه انها تسحب الي ٨٠٠$ باليوم

اما بطاقات الفيزه ( ان كانت من الراجحي ولا من الاهلي ) فا ما عندها مشكله تسحب الي مبالغ عاليه وخاصه اذا كنت رافعها من البنك

غير كذا الفيزه مهمه لانها تعتبر من البطايق الشخطيه في كندا ، يعني ما تشتري لك خط جوال ولا تاجر سياره الا فيها .
وبما انكم خمسه افراد فا مهم يكون علي الاقل معكم ثلاث بطاقات فيزا ( هذي غير بطاقات الصراف العاديه )

بالنسبه للكلام عن السحب الصراف و ٣٥ريال هذي تكون علي حسب

# اذا كنت تستعمل بطاقه الفيزه ( اللي ما يكون لها رقم سري) العموله اللي تاخذ عليك هي سعر تحويل المبلغ من ريال / دولار فقط
وهذي بامكانك تستعملها في كل البنوك والمحلات ( ما عدا بعض محلات القهوه وبعض المطاعم )

# اذا كنت تستعمل بطاقه الصراف العاديه ( الدبت كارد) ( ولها رقم سري) تكون حساب العموله عليك ٣٥ ريال علي كل سحبه تسحبها من الصراف + قيمه تحويل العمله + ١$ عموله للبنك الكندي في بعض الاحيان ( ارخص من انك تحولها في كندا ) ، وبامكانك تستعملها فقط في الصرافات البنكيه الموجود عليها احد الرمزوز او الشعارات الموجوده علي الصراف وعلي بطاقتك من وراء
( واذا حاولت انك تسحب من صراف ما فيه احد الشعارات الموجوده علي بطاقتك ما راح تكمل عمليه الصرف )


و اخيرا وليس اخرا .

يا الطير خل عنك التهديدات اللي منت قدها

واللي جاي من غير بطايق بنوك سعوديه لا يفتي ، ولا لا يا الطير ( اللعب ارضي الي الحين )

تحيات اخوكم . ابو عبدالكريم . رحال الديره
نصاب بالنيابه مع مرتبه الشرف

يا قلبي كلامك كله اوكي ..
بس اذا كان الصراف مو عليه نفس الشعار مايعطيك ولا سنت ..

السلام عليكم
اول شيء حبيت يكون ردي هو الرد رقم 1000 في تجمع البرتا((((((ماشاء الله

ما عندي شيء الشباب الله يوفقهم ما قصروا

والله يسهل للي ما جاء الفيزا

حبيت اقول للي ما جاب قرار ابتعاث بعد لا ينسى يجيب صورة من قرار الابتعاث ويرسلها مع الاوراق للملحقية اذا جاء
ويخلي صور عنده او يحفظها عن طريق الاسكنر
لان الملحقية هنا يطلبوها ويحسبون المكافأة من تاريخها ((((على كلام الموظفة
لانه واحدة من الاخوات ما فتحولها الملف بحجة هذي الورقة!
يعني ما نخلص من قصص السفارة والوزارة الاتجينا الملحقية !!!!

والله يوفق الجميع