تجمع طلاب University of Alberta

ياحبكم لبطونكم ياهل ادمنتون ليا اسبوع كل مادخلت المنتدى اسمع طاري الاكل خخخخخخخخخ <<< حيفجروها خخخخ ..... امزح ترى لا تشوشوا علي

المهم دلوني جزاكم الله خيرا عن حكايه الشنط ... كل واحد له 22 كيلو صح ؟؟؟

طيب هادي الـ 22 كيلو ممكن نحطها في شنطه وحده ولا لازم نقسمها على شنطتين ؟؟؟

صراحه كمان سمعت كلام غريب عن انه الشنط لها مقاس محدد مو اي شنطه و تجري بيها؟؟؟


الله يرضى عليكم ردولي بسرعه



مو سؤال بس انا شايفه 22 كيلو عفش مره كتير ايش حاجيب 22 كيلو

السلام عليكم ورحمة الله وبركاته شباب أنا محتار بين جامعة ألبرتا ولا ويست أونتاريو في تورنتو ايش تنصحونني من ناحية المدينة والمعيشة والأسعار أدمنتون ولا تورنتو

يسمح للمسافر بأخذ شنطتين كل واحدة تزن 23 كيلو أي المجموع 46 كيلو ..

وفي شركات مثل طيران الإتحاد تسمح بأكثر من ذلك ..

والمقاسات المرفوضة هي اللي مقاسها جدا كبير وغالبا وزنها فوق الخمسين كيلو ...

ولعلمك حتجيبي عفش وزنه أكثر من 22 كيلو ...

لازم حتجيبي ملابس وجاكيتات وبعض الأكل لرمضان وإلا كيف؟؟

وأي خدمة إحنا موجودين ..

أخوكم
عمدة أدمنتون

المعيشة في أدمنتون أرخص بكثير ..

الضريبة في البرتا فقط 5% لكن في تورنتو 15%

لكن تورنتو أتوقع إنك راح تحصل فيها أنشطة كثيرة تشغل بها وقتك ..

والبرد كمان في تورنتو أخف بكثير من برد أدمنتون..

وبالتوفيق إن شاء الله ..

أخوكم
عمدة أدمنتون

شباب انا انتظر القبول من الجامعة

وهو اخلص من الانجلش بعدين اجيكم ان شاء الله

عندي استفسار عن العوائل قريبة ولا بعيدة عن لجامعة مع العلم اني هندسة يعني جنب النهر

والمواصلات كيف صب واي ولا باصات ولا وشو

السلام عليكم ورحمه الله وبركاته

اختي طموح انثي / وانت يا اخوي عمده ادمنتون

من تجربتي للطيران السعودي وتجربه الشباب غيري في الخطوط السعوديه انها تاخذ شنطتين علي الشخص الواحد ووزن الواحده ماتتعدي 32 كيلو.
يعني عندك في الشنطتين 64 كيلو. ( وهذي تجربتي وتجربه خويي في السكن في جيتنا الي كندا )

بس لازم في وقت تحميل العفش في الخطوط السعوديه لازم تكلم الموظف علي انك راح تستقبلها في ادمنتون ( يعني ما تنزل لك في لندن )

وبالنسبه للاغراض كثري من الملابس الصيفيه والشتويه لانها غاليه في كندا مقارنه بالسعوديه.


وبالتوفيق ان شاء الله .



اخوكم رحال الديره . ابو عبدالكريم
*

رد علي يالاخو

مشكورين والله اخواني ... عاد انا مستكثره العشرين كيلو وكل عفشي ماجاب ال10 كيلوات

بس الاكل ؟؟؟ مسموح بدخول الاكل لكندا ؟؟؟ انا اعرف انه ممنوع حتى التمر يدخل بمواصفات معينه

اذا الاكل مسموح اقلها الواحد يجيب معاه اندومي وتونا الين مايعرف المطاعم الحلال ويرتب وضعه


اتوقع اللي زاد الوزن معاكم الاجهزه الكهربائيه و الاكل اما الملابس ماتخد وزن كبير حتى لو كانت كتيره ... ترى بدأت اوسوس ... حسيت اني ماجهزت نفسي كويس

أنا ما فهمت شيء ...

ماعلاقة الهندسة بالنهر؟؟!! أنا كمان هندسة بس مو جنب النهر ..

وبعدين كيف تخلص الإنجليزي وبعدين تجي ؟؟!!

وبالنسبة للعوائل أغلبها بعيدة عن الجامعة ..

وتقدر تستخدم الصب واي لكن الباصات راح تستخدمها أكثر ..

وأهلا وسهلا بك ..

أخوكم
عمدة أدمنتون

يا أختي مش قادر أستوعب كيف عفشك كله 10 كيلو !!!!

أنا عفشي وأنا رجال ( يعني أقل منك ) أكثر من 30 كيلو بدون أكل ...

لازم تجهزي نفسك مضبوط من السعودية والملابس هنا غالية جدا مقارنة بالسعودية ..

والأكل مسموح به لأغلب الأشياء وأهم شيء الأندومي ( نكهة دجاج خاصة هههههه ) لأن الإندومي حقهم مو مرة كويسة ... لكن التونة متوفرة ومافي أرخص منها...

ولمن تخلصي من تجهيز عفشك خبرينا كم صار ...

بالتوفيق لك مقدما ...

أخوكم
عمدة أدمنتون