تجمع طلاب University of Alberta

السلام عليكم ..

أولا هذه كلية وليست جامعة ( يعني مستواها أقل ) وليست بقوة جامعة ألبرتا ..

ثانيا: لايوجد بها ماجستير أو دكتوراة وإنما فقط للدبلوم والبكالوريس ..

وإسمها (Nait College ) وموقعها على النت هو http://www.nait.ca

وللمعلومية جامعة كالجري قوية جدا ومعترف بها من الملحقية وأعرف طلاب مبتعثين عليها من أرامكو السعودية ومن جامعة الملك عبدالعزيز وأتمنى من اللي يتكلم عن أي شيء أنه يتأكد منه ( سامع يارحال الديرة ) ...

والملحقية ماعمرها رفضت جامعات معترف بها من الوزارة ...

وبالتوفيق للجميع..

أخوكم
عمدة أدمنتون
[/quote]
أستاذ عمدة أدمنتون: نسيت أسألك هي النيت انستتيوت معترف فيها والا لا؟؟ لأني دورت باللستة تبع الوزارة بس مالقيتها؟
والسؤال الثاني تعرف أو سمعت عن جامعات سهلة القبول للبكالريوس؟ غير نيت هذي؟؟؟

السلام عليكم

اخوي Nesta
سبب تاخير الحاقي بالبعثه قصه طويله يمكن لو ترجع للصفحات السابقه تحصلها بالتفصيل او تبحث في مواضيعي تحصلها بعد
بس باختصار المشكله كانت من احد موظفي الملحقيه ، كان يرد علي الطلاب بطريقه استفزازيه مما ادي الي مشاده كلاميه بيني وبينه وقام بعدها وسكر علي الملف حقي وقام بتعطيله ، الي ان الله سبحانه فرجها من عنده .

كان هذا السبب في تاخير معاملتي لدي الملحقيه ، ولا فيه شباب اعرفهم معنا في المعهد ما طولو ولا شهر وانضمو في البعثه .




اخوي mr_guitar
هلا والله ومرحب فيك باي وقت . واعذرنا علي القصور وانا اخوك .


اخوي fara7 هلا والله وغلا فيك
بالنسبه لاستفسارك
انا سبق وقلت الملعومات اللي طرحتها هي من مجموعه شباب من جامعه كالقري كانو في زياره لادمنتون وقابلتهم بالصدفه واخذت منهم هذي المعلومات .
غير كذا للمعولوميه ليست كل الجامعات الموجوده في موقع الوزاره معترف فيها ، او معترف فيها تماما . والدليل في هذا الموقع ، كل يوم تسمع خبر ان شخص قدم وجاب القبول وبعدين الملحقيه ماقبلته بسبب الجامعه غير معترف فيها علي انها موجوده في موقع الوزاره.
علي كذا يبيلك قبل ما تسوي اي شي تدق علي الملحقيه وتتاكد من قبول الجامعه عندهم ( تكون عاده علي الجامعات الغير مشهوره )


اخوي Dr.Dallas Mavericks
ما شاء الله عليك جبت القبول من الجامعه قبل قبول المعهد ، ابد تراه ما يبيله وقت ابد . بالكثير اسبوع ان شاء الله ويوصلك
وهو عن طريق هذا الرابطمعهد البرتا

عب النموذج وارسله بالفاكس ويردون عليك اما عن طريق الايميل او عن طريق البريد السريع .
وعلي كذا تصير ان شاء الله معنا علي الترم الجاي ان شاء الله .
والله يوقف الجميع.


اخوي عمدة ادمنتون ( او بالاصح مشاغب ادمنتون )
بس ابيك الله لا يهينك تعطيني وش العلاقه بين معترف بها من الملحقيه والطلاب اللي تعرفهم من ارامكو وجامعه الملك عبدالعزيز!!!!؟


وبالنسبه ل علي ما اضن اني قلت


وراك متحمس طيب

اوووه ما شفت شي اذا تحمست بعد بالكتابة ، اقلب هندي . والله ما تفك حرف . ولاتشوف كتابتي بالانقلينزي ، هذي لعبتي .


و اشوفكم علي خير ان شاء الله .
اخوكم . رحال الديره ، ابو عبدالكريم

السلام عليكم ...
كيفكم انشاء الله الكل بخير..
شباب بلاش نهتم بصغائر الامور ..ترى هذي الاشياء هيا اللي تخلينا اخر المجتمعات ..
بما انه وصلك المعنى خلاص ...
عالعموم الله يعطيك الف عافيه يا ابو عبدالكريم ..
وخلني اشوف احد يعلق عليك يا ابو عبدالكريم<<<<<<<< نديرها خشب عند باب المعهد

مرحبا بالجميع

كيفكم

انا ان شاء الله نازله البرتا قريب

ان الله سهل

بس بغيت اسالكم عن نقطتين اذا مافيها كلافه

و ش افضل شركه اتصالات في كندا من ناحيه اسعار الدقائق و الاجور الشهريه و تغطيع الشبكه

وسمعت ان بعض الشركات مثل rogers اذا اخذت من عندها كامل الخدمات مثل

انترنت و جوال و هاتف منزل يعملون خصومااات و عروووض

الف شكر لتعاونكم مع الجميع

و جعلها الله في موازيين اعمالكم

يا جماعة حراام ..جالسة أصرخ من الصبااح!! وأنادي..!! أنبح صوتي!!--->طيب لا تصرخين

Nait institute.. معترف فيه من الوزارة والا لا؟؟

أكيد معترف فيها من الوزارة ومتأكد من كلامي ..

والمعذرة على التأخر في الرد...

أخوكم
عمدة أدمنتون

العلاقة أن الجامعة لازم يكون معترف بها من الملحقية والوزارة حتى يبتعث عليها طلاب من أرامكو أو جامعة الملك عبدالعزيز...

وخصوصا جامعة الملك عبدالعزيز لأنها تابعة للوزارة ..

وإلا كيف ؟؟!!

وبعدين أنك سمعت هالكلام من طلاب في السوق فهذا لا يعتبر مصدر رسمي..

وأنت أدرى بالمصادر الرسمية المعتمدة ...

أخوكم
عمدة أدمنتون

وعليكم السلام والرحمة ..

أول شيء نورت المنتدى بعودتك بعد الإنقطاع الطويل..

مع أن الأغلبية ما صار لها تواجد في المنتدى !!!!!!

ثانيا :مين اللي قال أننا أخر المجتمعات ؟؟ وعلى أي أساس حكمت ؟؟

وبعدين أبو عبدالكريم على العين والرأس ..

لكن مايمنع إن الواحد يبين له الصح من الغلط ...

وبعدين إنتبه على خشبك لا يتكسر خصوصا أن الخشب مرتفع سعره مع الأزمة المالية العالمية

أخوكم
عمدة أدمنتون

خطأ .. حيث ان كلمة انشاء تعني ايجاد الشيء من العدم حسب ما ورد في كتاب

شذور الذهب لابن هشام .

قال تعالى ( إِنَّا أَنشَأْنَاهُنَّ إِنشَاء ) أي اوجدناهن و احدثناهن .

والصحيح أن تكتب إن شاء الله حيث ان الفعل شاء تأتي بمعنى الارادة حسب ما

ورد في معجم لسان العرب .

قال تعالى ( وَمَا تَشَاؤُونَ إِلاَّ أَن يَشَاء اللَّهُ رَبُّ الْعَالَمِينَ ) فالمشيئة هنا تعني الارادة

كأننا نقول بإرادة الله نفعل كذا وكذا .

وفق الله الجميع لما يحب ويرضى .

\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\

السلام عليكم

ممكن تساعدوني ياطلاب البرتا انا انقبلت بالمرحله الرابعه باستراليا وافكر احول كندا لانه ابي اتخصص بايوتكنولوجي وقالولي افضل كندا فأبغى اجيب قبول لغه وجامعه او قبول لغه بس عشان اقدر احول الدوله

فاللي يقدر يفيدني ممكن يساعدني معدلي3.16 من 4 هل ممكن اني انقبل سمعت القبول بكندا صعب مره ..........